Адамгершілік құндылықтар. Рухани жан дүниені байыту

Мақсаты: Оқушылардың жан дүниесін байыту арқылы адамгершілікке жетелеу, жақсы қасиеттерді дарыту.

Сабақтың барысы: «Ыстық қайрат, нұрлы ақыл, жылы жүрек»

1. Сергіту сәті:

Күнге қарап қолымды,

Бір, екі, үш деп соғайын (қолды соғу)

Қарап тұрған көршіме

Мен қолымды бұлғайын(бір біріне қол бұлғау)

Жылы жылы жүзбенен

Маңдайыннан сипайын(сипау)

Жылы жылы сөзбенен,

Жүрегімді сыйлайын(жүректі ұсыну)

(Оқушылар қимыл қозғалыс арқылы сергіту жаттығуын жасайды)

2. «Менің құндылықтарым». Көптеген асыл қасиеттерді табиғат иелерін үлгі етіп алуға болады. Мысалы:ара, құмырсқа, көбелек, құстар. Осылардың ішіндегі араға тоқталайық. Олар өте еңбекқор, ынтымақшыл, қайырымды. Ендеше, біз де өз бойымыздағы асыл қасиеттерімізді ара ұяшықтарына бекітіп жазайық.

3. Қорытынды. «Жақсы адамдар» әнін айту. Данышпан философ Фалес айтқандай,

Дүниедегі ең үлкен нәрсе - Кеңістік.

Бәрінен жүйрік -ой,

Бәрінен дана- уақыт,

Бәрінен жеңілі басқаға ақыл айту,

Бәрінен қиыны өзінді- өзін тану.

Ия, балалар мін түзелмей, іс түзелмейді дейтін болсақ, біз өз өзіміздің жан дүниемізге үңіліп, біраз рухани азық, жүрекке демеу болар жақсылық нәрімен сусындадық. Абай дананың салып кеткен сара жолынан танбай бес асыл қасиетті санамызда ұстай білейік.

4. Ой түйіндеу.