«Адамның адамшылығы - жақсы ұстаздан»

«Адамның адамшылығы - жақсы ұстаздан» деп ұлы Абай атамыз айтқандай, мұғалім тәрбиесі мен өнегесі оқушының болашақ азығы. Жақсы ұстазға кезігіп, тәлім - тәрбие алған шәкірт өмір майданында мойымай күресіп, болашақ жолдарда бағытынан таймасы анық деп білемін.
Ұрпақ болашағы, халқымыздың келешегі қазіргі ұстаздардың қолында.
Тәуелсіз ел атанып, төбемізге ту тігіп, тіліміздің мәртебесі артып, әлемге атымызды танытып жатқан кезеңде ұлттың, елдің болашағы - жас өскелең ұрпақтың тәлім мен тәрбиесіне де мықты көңіл бөлінуде. Осы егеменді, тәуелсіз Қазақстанда өркениетке бастар жолдың бастауы мектеп десек, мектептің басты тұлғасы, жүрегі, тыныс - тіршілігі - мұғалім. Қазіргі уақытта мектебіміздің тәрбие саласына өте көп көңіл бөлінуде, айта кететін болсақ «Біртұтас тәрбие бағыты» бойынша көптеген іс – шаралар орын алуда. 25- қазан Республика күніне орай Алматы қаласы алатау ауданы №151 жалпы білім беретін мектебімізде «Біртұтас тәрбие бағдарламасы» бойынша «Тәуелсіздік және Отаншылдық» айы аясында 6 сынып оқушылары арасында «Көңілді старттар» тақырыбында спорттық ойындар ұйымдастырылды.

Мектебіміздің дене шынықтыру мұғалімдері Булекбаев А.М,Кенембай М,Самижанұлы Ж, Усенов Ш.П, Сатышев Н.Д, Исмаилхан А.Е, Камалдинов А.А тәрбие ісінің орынбасарлары Смайлова А.К мен Абдалиева Г.Н бірлесе өте тамаша деңгейде , ең бастысы оқушыларға өте көңілді, әрі денсаулыққа пайдалы сайыстар өткізді. Мектеп директоры Молдабаева Г.Ж бұл жарыста оқушыларды құттықтап, «Денсаулық пен Қауіпсіздік» жайында түсіндіріп өтті. Сайыс соңында әртүрлі марапат қағаздары табысталып, оқушылар аман – есен сынып жеткшілеріне табысталып, оқушылар қуанышпен тарқасты. Бұл жерде айтпағым білім саласындағы, әртүрлі өзгерістерде ұстаздардың алатын орны зор. Әріптесеріме Республиканы күніне орай, дендеріңіз сау, бастарыңыз аман, отбасыларыңыз бақытты болып, тәрбиелеп отырған әрбір оқушыларыңыз еңбектеріңізді бағалап,тек биітерден көріне беріңіздер. Еліміздің болашағы балалар деп білсек, Көк туымызды желбіретер болашақ ұрпағымыздың өмірі бақытты болсын.

Алматы қаласы Алатау ауданы

№151 ЖББ мектеп

11 сынып жетекшісі,ағылшын тілі мұғалімі

Джампейсова Н.С