Ұзақ мерзімді жоспар бөлімі

Адам

Пән: жаратылыстану

Сабақ тақырыбы:

Адамның дене мүшелері.

Мектеп: №7 ЖББОМ

Күні :

Мұғалімнің аты –жөні: Абеугалиева Ансаган Аманбековна

СЫНЫП: 1

Қатысқандар саны:

Қатыспағандар саны:

Оқу мақсаты:

1.2.3.1 адам денесінің негізгі бөліктерін және олардың қызметтерін атау;

Сабақтың мақсаттары

Барлық оқушылар:

Адамның негізгі дене мүшелерін және олардың атқаратын қызметін атау;

Бағалау критерийі

Адам денесінің негізгі мүшелерін атайды.

Адам денесінің негізгі мүшелерінің қызметін сипаттайды.

Тілдік мақсаттар

Пәндік сөздік қор және терминдер: қол, аяқ, адамның дене мүшелері .

Сыныптағы диалог/жазылым үшін сай келетін тіл стилі:

-Адам қозғалғанда қай дене мүшесі қатты қимылдайды?

- Адамның қандай дене мүшелері бар?

- Дене мүшелері не үшін қажет?

Құндылықтар

Адамның дене мүшелерінің атқаратын қызметтері туралы айта отырып, мүмкіндігі шектеулі адамдарға қамқорлық жасауға , оларға көмек көрсетуге тәрбиелеу

Пәнаралық

байланыстар

Сауат ашу пәнімен суреттер бойынша сөйлем құрау кезінде айтылым дағдысын дамыту негізінде сөздерді, сөйлемдерді дұрыс қолдана отырып, ойын жеткізуде жүргізіледі.

«Көркем еңбек» пәнімен «Сұлба» тақырыбына сәйкес пәнаралық байланыс жүргізіледі.

Бастапқы білім

Оқушылар адамның негізгі дене мүшелерін біледі және ажыратып көрсете алады

Сабақтың кезеңдері

Сабақта жоспарланған іс-әрекет

Ресурстар

Сабақтың басы

Шаттық шеңбері.

Ризамын, ризамын, ризамын өмірге,

Ризамын, ризамын, ризамын бүгінге-2 рет

Көңілді, көңілді , көңілді жүрем мен.

-Бір – бірімізге сәттілік тілеп, сабағымызды бастайық.

Ширату: «Мен айтамын, сен орында!»

-Осы тапсырмаларды қай дене мүшелері арқылы жасағандарыңда қимыл кезінде айтып тұрыңдар.

Оқушылар адамның дене бөліктерін айтып тұрады.

-Бүгін қандай тақырыппен танысамыз деп ойлайсыңдар?

Сабақтың тақырыбы мен оқу мақсатын анықтап алу.

Дене мүшелерінің атауы жазылған кестелер;үлкен көлемдегі ватман парағы

Сабақтың ортасы

Ретке келтіру

Зерттеуге дайындық,

-Біз адамның дене мүшелері туралы не білеміз?

-Осы тақырыпқа қатысты не ойлайсыңдар?

(Ұ) Сұлбалар.

-Сұлба дегеніміз не? “Көркем еңбек” сабағында өткен “сұлба” терминін еске түсіру. Сұлба — ұсақ бөлшектерсіз бір түспен салынған заттың бейнесі. Суретке назар аударыңыз.

-Қай суретте Эвриканың бейнесі салынған? (Шаш және киім үлгісі бойынша.) Неге олай деп ойлайсыңдар? -Әрбір сұлбаға назар аударыңыз. -Бейнеленген балалар сұлбасынан олардың қандай іс-әрекет жасап тұрғанын анықтауға бола ма? (билейді, бокспен шұғылданады, саңырауқұлақ теріп жүр, доп ойнап жүр). -Бұған қандай дене мүшелері қатысады?” (Аяқ және қол қимылы, бас бұру, дене иілуі.) Осы қимылдарды қайталаңдар. Ойын «Мен ...» оқушылар кезекпен шығып кез келген мамандыққа немесе спорт түріне сәйкес келетін дене қалпын көрсетеді, ал қалған оқушылар кімді көрсетіп тұрғанын табуы керек. Аяқтау үшін тағы да дене мүшелерін атап өту: бас, мойын, тұлға, қол, аяқ.

ҚБ. оқушылар дененің негізгі мүшелерін анықтайды.

Зерттеу

Біздің нақты нені білуіміз керек?

(Ж) Қол.

-Өз қолдарыңа мұқият қараңдар және жұппен оның бөліктерін анықтап көріңдер.

-Әр бөлікті атаңдар.

-Енді оқулықтағы суретпен салыстырып, өз жауаптарыңның дұрыс – бұрыстығын тексеріңдер.

-Қол басын қарап, саусақ аттарын атап шығайық.

-Бас бармақ қалай орналасқан?

-Бас бармақтың басқа саусақтарға қарама-қарсы орналасуының арқасында адам бір нәрсені ұстай алады.

(Ө.Қ) Аяқ.

-Буындарыңды қозғалтып көріңдер.

–Аяқтың негізгі бөліктері қалай аталады? Өз жауаптарын оқулықтағы аяқтың барлық бөліктері (сан, тізе, жіліншік, табан және башпайлар) көрсетілген суреттегі жазуларымен салыстырады. .Аяқтың осы бөліктерін нығайту үшін бірқатар дене шынықтыру жаттығуларын жасауға болады. Санға: отырып-тұру және алға қарай ұмтылу. Жіліншікке: жүгіру және аяқ ұшымен жүру. Табанға: аяқ басын айналдыру. Осы тапсырмаларды орындау барысында аяқтың та сол бөліктеріне күш қалай түседі және қалай жұмыс істейді?

(ҚБ): оқушылар негізгі мүшелердің бөліктеріне сәйкес қимылдар орындай отырып, олардың қимылын бақылады. Жұптағы оқушылар бірін – бірі смайликтер бере отырып бағалайды.

Суреттер

Сұрыптау

Алған ақпаратты қалай сұраптай аламыз?

(Т) Зерттейік. Сыныпты алты-жеті оқушыдан тұратын топтарға бөлу.Әр топқа оқушының бойы толығымен сыятын ұзындықтағы қағаздан таратып беру.Қағазды жайып қоятын орынды таңдап алу қажет. Оқушылардың біреуі қағазға жатады. Оған қозғалыссыз жатуы керектігін түсіндіру. Екінші оқушы басынан бастап оның дене кескінін сызады. Топтың қалған оқушылары үздіксіз сызық шығу үшін маркерді бір-біріне береді. Дайын болған сұлбаны қиып алып, қабырғаға іліп және жанына дене мүшелері жазылған кестелерді жапсырып қою керек.ҚБ: Қағазға дене кескінін дұрыс салады.

Үлкен қағаз парақтары, маркер

Алға ілгерілеу

-Біз қандай қорытындыларға келдік? Адамның дене мүшелері на істей алады?

(Т) Біздің денеміздің қызметі. Әр дене мүшесі қандай қызмет атқарады? Ол үшін сыныпты бес топқа бөлуге болады. І топ: бас; ІІ топ: мойын; ІІІ топ: дене; ІV топ: аяқ; V топ: қол Әр топ алған дене бөлігі туралы қысқаша хабарлама дайындайды. Топтың бір мүшесі белгілі дене мүшесінің мүмкіндіктерін көрсетеді: қол-аяқты сермеу, аяқты бүгу-жазу, басты айналдыру және т.б. Қалғандары бақылау негізінде қорытынды жасай алады.

(ҚБ) дене мүшелерінің қызметін атады, көрсетті.

Топ мүшелері бірін – бірі «Бағдаршам» арқылы бағалайды.

Байланыс орнату

(Ж) Ойлан! Адамның дене мүшелерінің қайсысы ең маңызды деп ойлайсыңдар? Олар барлығы өте маңызды және әрбіреуі өзінің қызметін атқарады деген қорытындыға келу керек. Артық дене бөлігінің бола ма немесе болмай ма? Кей кезде адамда денесінің қандай да бір бөлігінің бол­ майтынын,­ сондай жағдайда сол бөліктің қызметін протездер немесе арнайы құрылғылар атқаратынын түсіндіру.Сен білесің бе? Мүмкіндігі шектеулі адамдар жайлы айтқанда, Паралимпиадаға қатысушылар жайлы, оның ішінде қазақстандық Қабира Асқарова және Александр Колядин туралы айтыңыз. Бұл адамдар мақсатқа жетуде батылдық пен табандылықтың үлгісі болып табылатынын айтып өту керек. Қандай қорытынды жасайсыңдар?

(ҚБ) Адамның әрбір дене мүшесі маңызды. Оған дәлелдер келтіреді.

Бейнебаян

Сергіту

Орнымыздан тұрамыз,

Қолымызды созамыз.

Аяғымызды басайық,

Орнымызға отырайық.

Соз қолыңды оң жаққа,

Соз қолыңды сол жаққа.

Қолды айналдыр бұлданбай

Шеңбер жасап тұрғандай

-Қандай дене мүшелері қозғалыста болды?

Адамның қанша дене мүшесі бар? Оқушылар әр суреттің жанына адамның дене мүшесінің санын жаза алады. Сандарды жаза алмайтындарға көмектесу. Егер оқушы дене мүшесінің санын анықтауға қиналса, сол дене бөлігін өзінен тауып санауына болады. Тапсырманы күрделендіру мақсатында жаза алатын оқушыларға әрбір суреттің атауын жазуға ұсыныс жасау.

Жауабы: қол — 2; аяқ — 2; бас — 1; мойын — 1; көз — 2, мұрын— 1

Адамның дене мүшелерін олардың атауымен біріктір. Оқушылар адамның дене мүшелерін олардың атауымен байланыстыра алады. Оқи алмайтын оқушыларға көмектесу.

Тапсырманы орындау барысын қадағалап, тапсырманы тез және қатесіз орындауға назар аудару. Әрбір дене мүшесі бір атаумен байланысқанын ескерту.

Сәйкес қимылдармен көрсетеді.

Дәптермен жұмыс. -Кімнің сұлбасы? Олар тапсырмадағы түрлі кескіндерді анықтап, әрбіреуін түрлі түсті қарандашпен қоршап қоюы керек.

Жауабы:балерина, зілтемірші, боксшы, саңырауқұлақ теруші, шаңғышы, оқушы.

Қол немесе аяқ. Оқушылар кестені толтыра алады. Оқи алмайтын оқушыларға көмектесу.

(ҚБ)Өзара тексеріп, «Екі жұлдыз, бір тілек» әдісімен бағалайды,

Ол үшін оқушылар кестеде көрсетілген барлық жаттығуларды орындайды.

ҚБ

Шара қабылдау

Оқу мақсаты: 1.2.3.1 Адам денесінің негізгі бөліктерін және

олардың қызметтерін атау.

Ойлау дағдыларының деңгейі:Білу және түсіну

Бағалау критерийі: Білім алушы

 Адам денесінің негізгі мүшелерін атайды.

 Адам денесінің негізгі мүшелерінің қызметін сипаттайды.

1-тапсырма

Адам денесінің негізгі мүшелерін атауларымен сәйкестендіріп сызыңыз.

 Өз денеңіздің негізгі бөліктерін көрсетіңіз және атаңыз. Олардың атқаратын қызметін түсіндіріңіз.

Дескриптор: Білім алушы

- суреттегі дене мүшелерін атауларымен сәйкестендіріп сызады;

- өз денесінің негізгі бөліктерін көрсетеді және атайды;

- дене мүшелерінің қызметін сипаттайды.

2-тапсырма

Суретке мұқият қараңыз. Сурет бойынша қолмен орындалып тұрған әрекеттерді айтып беріңіз.

-Аяқтың атқаратын қызметі қандай? Мысал келтіріңіз.

Дескриптор: Білім алушы

- суретке сүйеніп,

қолмен орындалған әрекеттерді әңгімелейді;

- аяқтың атқаратын қызметіне мысалдар келтіреді.

ҚБ тапсырмасы жазылған парақшалар

Сабақтың соңы

-Біз қандай әрекет жасай аламыз? Осы тақырып туралы енді не ойлайсыңдар?

Рефлексия:

-Не білдік?

-Қандай ақпаратпен білімімізді толықтырдық?

-Осы сабақ бойынша өз көңіл – күйлеріңді смайликтер арқылы бағалаңдар.

Берілген сурет

Смайликтер

Саралау – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Денсаулық және қауіпсіздік техникасының сақталуы

Қабілеті жоғары оқушылар адамның дене мүшелерінің атауын жазып береді және қысқаша қызметін толық айтып береді. Толық оқып, жаза алмайтын оқушыларға көмек көрсету.

"Не білдік? Қандай ақпаратпен білімімізді толықтырдық?" сұрақтары бойынша кері байланыс алынады.

Ширату жаттығуы, сергіту сәті оқушылардың шаршамауына көмектеседі. Сабақтағы белсенді оқу жаттығулары балалар әрекетін қызықты, көңілді етеді.