Адамның ішкі әлемі

Сабақтың мақсаты:

Оқушылардың бойында адам туралы, оның табиғи ішкі мүмкіндіктері, мінез-құлқы туралы жақсы көзқарас қалыптастыра отырып, оларға өзін-өзі қадағалай алу, бағалай білу және өзін-өзі дамытып, жетілдіре алу және өсу, есею жөнінде түсінік беру.

Міндеттері:

Білімділігі:

- адам өмірінің үнемі дамып, өсіп, жетіліп отыратын құбылыс екендігін ұғындыру;

Дамытушылығы:

- адам бойындағы барлық қасиеттерді, өзіндік ерекшеліктерді дамыта отырып, оқушыларға әр адамның ішкі мүмкіндігінің зор екендігін және оны тиімді пайдалана алуға үйрету;

Тәрбиелілігі:

- оқушыларды өзін-өзі басқара алуға, өздігінен іздене білуге тәрбиелеу.

Сабақ барысы:

1.Ұйымдастыру кезеңі

Тыныштық сәті : «Нұрға бөлену»

Ресурстар:

(құралдар,мәліметтер) шарлар, гүлдер, интербелсенді тақта

2.Үй тапсырмасын тексеру.

Үйге ақыл-парасат, ерік-жігер туралы мақал-мәтел, нақыл сөздер тауып, жазып келу.

Оқушылардың дәптерлерін тексеріп, оқушылардың мақал-мәтелдерін тыңдап, өз сөзіммен қорытындылаймын.

Сабақ барысын талқылау:

3.Дәйексөз:

«Ар ұялар іс қылмас»

Абай

• Осы дәйексөзді қалай түсінесіңдер?

• Ар деген сөздің мағынасын кім қалай түсінеді?

• Жұмыс дәптеріне жазып аламыз.

4.Әңгімелеу(сұхбат):

«Ұждан»

Ш.Құдайбердіұлы

• Ел-жұрт неліктен тыныш ұйықтай алмады?

• Адамдардың Ұжданмен кездесуінен кейінгі мазасыздануының себебі неде?

• Ұждан адамдарды қалай дұрыс жолға салды?

• Адамдар Ұжданға ұялмай, дұрыс жауап беру үшін өз міндеттері мен парыздарын қалай атқаруы керек екен?

5.Шығармашылық жұмыс,топтық жұмыс:( сахналау)

1-тапсырма

Сөздіктерден «ынсап», «әділет», «мейірім» сөздерінің анықтамасын тауып, оқыңдар. Олардың ұқсастықтары мен айырмашылықтарын табыңдар.

2-тапсырма

Абайдың «Пайда ойлама, ар ойла..» сөзін басшылыққа алып, төмендегі рөлдерді қатыстырып,сахналау ұйымдастырыңдар.

1. Дәнекер(өмірмен байланыстырады)

2. Сөз тапқыш (мәтіннен жүрекке жылы сөздерді тауып айтады)

3. Сұрақ қоюшы (сұрақ қояды)

4. Реттеуші (реттеп отырады).

6.Топпен ән айту.

От

М.Жұмабаев

Күннен туған баламын,

Жарқыраймын, жанамын.

Күнге ғана бағынам,

Өзім – күнім, өзім – от

Отқа ғана табынамын.

Қызарып күн шыққанда,

Күн отынан туғанмын.

Жүрегімді, жанымда,

Иманымды, арымды

Жалынменен жуғанмын.

Жалынмын мен, жанамын

Оттан туған баламын.

7.Үй тапсырмасы.

6-тапсырма

«Өзіңнен ұяла жүрсең, сені ешкім де ұялта алмайды» тақырыбына эссе жазыңдар.

8.Соңғы тыныштық сәті.(Тыныштық....бар жерде,тыныштық.....бүкіл әлемде)

Қорытындылау тыныш әуен қойылады. Денелеріңді түзу ұстап, бастарыңды жоғары көтеріп, ыңғайланып отырыңдар. Көздеріңді жұмсаңдар да болады. Ауаны терең жұтып, еркін тыныс алыңдар. Өздеріңнің тыныс алуларыңды бақылап, бақытқа, махаббат пен тыныштыққа толы таза, шипалы ауаның тұла бойларыңа толғанын сезініңдер. Ал ендікөздеріңдіашыңдар.