Әдебиеттік оқу пәнінен тоқсандық жиынтық бағалау.2 сынып

Оқушының аты-жөні:______________________________________________________________

«Әдебиеттік оқу» пәнінен 3-тоқсанға арналған тоқсандық

жиынтық бағалаудың тапсырмалары

Тыңдалым және айтылым

1. Мәтінді мұқият тыңда.

Спортшы Бейбіт

Бейбіт – сыныптағы балалардың ең кішісі, әрі нәзігі. Бұл дене шынықтыру сабағында байқалатын. Сапқа тұрғанда оқушылардың ең соңында қалатын. Оған өзі де намыстанатын. Тез өсіп, үлкен болу оның арманы еді.

Ағасы аулаға турник орнатып берді. Бейбіт күн сайын турникке тартылып жүрді. Денесін шынықтыру, спортпен айналысу Бейбіттің бұлжымас әдетіне айналды. Үшінші сыныпқа келгенде бойы өсіп, қайраттана түсті.

Жазда ол ауыл балаларымен бірге бокс үйірмесіне барып жүрді. Бокстасамын деп жүріп өзінен үлкен балалардан таяқ жеп қалған кездері де болды. Бірақ Бейбіт алған бетінен қайтпады. Бокс өнеріне деген ынтасы арта түсті.

Мәтін бойынша сұрақтарға жауап бер. • Бейбіт не үшін намыстанды?

• Оның арманы не еді?

• Бейбіт нені бұлжымас әдетке айналдырды? • Ол қай спорт түрімен әуестенді?

• Спортпен айналысу Бейбітке қалай әсер етті?

[5]

Оқылым

2. Мәтінді түсініп оқы.

Аңшы артынан естілген сыбдырға жалт қарайды. Өзіне қарай келе жатқан сары ала жолақты, сойдақ тістері ақсиған жолбарысты көріп, қорқып кетеді.

Ал жолбарыс аңшыға тиіспей, алдыңғы аяғын созыпты. Аяғы ісіп кеткен екен.

Аңшы пышағымен жолбарыстың аяғын тіліп, іріңін шығарады. Белбеуімен мықтап таңады. Сөйтеді де орнынан тұрады.

Жолбарыс аңшыны жібермейді. Аңшы оның соңынан ереді. Жолбарыс аңшыны қазынасы бар жартасқа ертіп әкеледі де, бір ақырып алып, жөніне кетіпті.

1) Мәтін не туралы? Мәтінге ат қой ____________________________________

2) Аңшының бұл әрекетін қалай бағалайсың? 2 тұжырымды белгіле (V) .

Қорқақтық _{Батылдық Жанашырлық Аңқаулық}

3) Мәтіннен жолбарысты сипаттайтын сөздерді теріп жаз.

________________________________________________________________________________

4) Мәтіннен қандай ой түйдің? Жаз. _______________________________________ _______________________________________________________________________

Жазылым

3. Сұрақтардың көмегімен оқыған мәтінге жоспар құрастыр.

1) Оқиға неден басталды? Аңшы қандай аңға кезікті?

2) Ары қарай не болды? Аңшы жолбарысқа қалай көмектесті?

3) Оқиға немен аяқталды? Жаралы аң қандай жақсылық жасады? Жоспар:

1) __________________________________ 2) __________________________________ 3) __________________________________

[3]

4. Сөйлемдегі қатені тауып, дұрыс жаз.

1. Қамыс арасынан үлкен шыға келді жолбарыс.

______________________________________________________________________________

2) Жолбарыс жөніне кетті бір ақырып алып.

______________________________________________________________________________

[2]

Балл қою кестесі