"Әдемі жазу" ашық сабақ

Қарағанды облысы білім басқармасының

Қарқаралы ауданының білім бөлімінің

«Оқушылар орталығы» КММ

Бекітемін: Келісемін: Қарастырды:

Директор: директордың оқу тәрбие Қосымша ББ

орынбасары: ісі жөніндегі орынбасары қауымдастық

Н.И.Енсебаев Г.К.Тауекелова Д.Б.Атекеева

____________ ______________ ___________

« »_____2023ж « »_____2022ж « » ___ 2023 ж

«Жылдам оқуға дайындық»

(аралас сабақ)

«Бастауыштағы баспалдақ»

үйірмесінің жетекшісі,

жас маман: Темірғалиева А.Б

Егіндібұлақ- 2023ж

Тақырыбы: «Жылдам оқуға дайындық»

Өтетін орны: Информатика кабинеті

Күні: 04.05.2023

Уақыты:

Мақсаты: Баланың екі ми бөліктерін бірдей дамытуға бағытталып, оның креативті ойлауын дамыту, сыни ойлау дағдысын қалыптастыру және ескен сақтау қабілетін арттыруға бағытталған.

Міндеті:

• Зейінді дамыту.

• Еске сақтау қабілетін дамыту.

• Сөздік қорды арттыру.

• Көздің қамту аймағын кеңейту.

• Артикуляцияны дамыту.

• Дұрыс тыныс алу жаттығулары.

• Жылдам ойлану.

• Жылдам оқу.

Сабақ барысы	Уақыт	Ескерту
Сәлем – сөздің анасы	2минут	Сыныпта тәртіп сақтау.
1-тапсырма. Шульте кестесі	3-минут	Мұқият болу.
2-тапсырма. Артикульяциялық жаттығу.	3-минут	Мұғаліммен бірге қайталау.
3- тапсырма. Жаңылтпашты ассоциация тәсілімен жаттау.	8-минут	Суреттеп салу.
4-тапсырма. Суретті оңға көшіру.	5-минут	Зейінді болу.
Сергіту сәті	2-минут	Топпен жұмыс.
5-тапсырма. Оңнан солға қалай жылдам оқу.	3-минут	Шапшаң және түсініп болу.
6-тапсырма. Антиципация. Кілтті сөздердің астын сыз.	8-минут	Қажетті сөздерді жылдам тауып қою және түсініп оқу.
7-тапсырма. Санды лабиринт.	3-минут	Шапшандық
8-тапсырма. Он сөзді мұқият тыңдап жазу.	5-минут	Есте сақтау
Қорытынды.	2-минут

Сабақтың түрі: Аралас сабақ

Сабақтың көрнекілігі: презентация, дайын кітапшалар, сурет парақтары.

Сабақтың барысы:

1.Ұйымдастыру кезеңі:

Оқушылармен сәлемдесу, түгендеу. Балалардың көңіл-күйін сұрау. Бүгінгі өтетін тақырыбымыз «Жылдам оқу».

2. Негізгі бөлім: Жылдам оқу дегеніміз- оқығанды түсініп, есте сақтау. Оны үйрену үшін, ең алдымен, миды дамыту қажет. Мидың дамуына әсер ететін келесі әдіс - саусақтарды жаттықтыру.Сонда жылдам оқып қана қоймай, күнделікті өмірде, сабақта кез келген мәселенің шешімін тауып, тез ойлануды үйренесіз.

Мидың жұмысын жақсартуға арналған тағы бір жаттығу – бағдаршам жаттығуы. Мақсаты – сөздерді оқымай,түстерді атау. Мысалы, «қызыл» деп жасыл түспен жазылған. «Көк» деп ақ түспен. Түстерді жылдам оқып, тез ажырата білу арқылы миымыздың екі жарты шарының жұмысын жақсарта аламыз.

Әр оқушының алдына тапсырмалар беріледі. Барлығы 7-тапсырма. Осы тапсырмаларды оқушылар мұғалімнің көмегіне сүйене отырып орындайды.

1-тапсырма. Шульте кестесі.

Бұл жаттығуды қалай орындаймыз? Бұл әдісімізде баланың бүкіл назары ортадағы 5 санында болады, көзінің қарашығын қозғалтпай, 1- ден 25 – ке дейінгі сандарды реттілігімен қаламмен немесе саусағымен көрсетуі керек. Бұл жаттығу да бастапқы кезде 4х4 нұсқадағысынан бастау керек. Бала бұл жаттығуды жылдам орындап, реттілігін дұрыс көрсетіп бастағанда жаттығуды кішкене қиындатуға болады. Өзіңіз балаңызға «мына санды тауып берші», «енді мына сан қайда орналасқан?» деп реттілігін кездейсоқ сандардан да сұрауға болады. Бұл жаттығуды орындату барысында таймер қою маңызды. Себебі бала өзіндегі прогресті тек қана уақытпен өлшейді.

  2- тапсырма. Артикульяциялық жаттығу.

Артикуляциялық жаттығу – бұл бұлшық ет пен сөйлеу аппаратын нығайтуға, сөйлеуге қатысатын ағзалардың күш, қимыл-қозғалыс және іс-әрекеттің дифференциациясын нығайтуға арналған жаттығулар жиыны.

      Артикуляциялық жаттығудың мақсаты дыбысты дұрыс айту үшін сөйлеу аппаратын дұрыс қозғалысқа келтіру және тілді белгілі бір қалыпта ұстау, қарапайым қимылды күрделі қимылдарға айналдыру

     Артикуляциялық жаттығуларды дұрыс қалыптастыру үшін арнайы жаттығулар қолданылады. Жаттығулар қойылатын дыбысқа байланысты жүйеленеді және ерін, тіл қимылдарын, қалпын дағдыландыруға бағытталады. Балаларды қызықтыру үшін және жаттығуды ойларына сақтап қалу үшін әр жаттығу әртүрлі атпен аталады.

    Сабақ күн сайын жүргізілу керек. Жаттығуларға көшпес бұрын, ең алдымен міндетті түрде балалармен ерінге арналған жаттығулар жасау керек. Жаттығулар 15 минуттан аспауы керек.

  3 – тапсырма. Ассоциация жаттығуы.

Ассоциация латынның «біріктіру» деген сөзін білдіреді. Ол сезіну, түсіну, ойлау және елестету қабілеттері арқылы екі түрлі танымның өзара байланысы болып табылады. Алған білім мен тәжірибе арқылы балалар айнала қоршаған заттар мен құбылыстарды әртүрлі етіп тани алады.

   Ассоциация әдісі сөйлеуге үйретеді, тілдік әрекетін белсендетуде көркем әдебиетте қолданылады. Осы арқылы балалардың ойлау, сезіну, түсіну, дұрыс сөйлеу қабілеттері дамиды. Сөздік қорлары молайып, сөйлем құрап, өз ойларын жеткізе білуге, қазақ тіліне тән дыбыстарды дұрыс айтып, халық мәдениетін құрметтеуге, адамгершілікке баулиды. Ассоциация әдісінің қолданғанда бала ой-пікірлерін ашық, еркін айта алады.

4- тапсырма. Графикалық диктант.Графикалық диктант дегеніміз тор бетке салынған суретті оңнан солға қарай дәлдеп салу. Бұл жаттығу баланың зейінін бір жерге шоғырландырады. Ұқыптылыққа, мұқияттылыққа тәрбиелейді.

5-тапсырма. Оңнан солға қалай жылдам оқу.

Жылдам оқудың таңғажайып әдістерінің бірі - «оңнан солға қарай жылдам оқу». Мәтінді оқып жатқанда саусағыңызды жылжытып отырасыз. Бұл әдіс оқу процесін айтарлықтай жылдамдатады.

6- тапсырма. Антиципация. Кілтті сөздердің астын сыз.

Мәтінге қажетті сөздерді жылдам тауып орнына қойып отырып, оқып шығу. Мәтінді уақытқа жылдам оқып шыққаннан соң, мәтіннен кілтті сөзді тауып сұрақтарға жауап береміз. Бұл тапсырма жылдам ғана оқу емес, оқи отырып түсіну.

7-тапсырма. Санды лабиринт.

Санды лабиринт жаттығуы- баланың ойлау қабілетін дамытуға көмектеседі. Егер біз мәтіндермен сөздермен жұмыс жасайтын болсақ. Балада жалығу сезімі пайда болады. Ал, бізге керісінше баланың сабаққа деген ынтасын арттыру үшін. Сурет, кесте, лабиринт сияқты креативті тәсілдерді қолданып, баланың оң жақ миын дамытып, шығармашылыққа баулуымыз қажет.

8-тапсырма. Он сөзді мұқият тыңдап жазу.

Баланың есте сақтау қабілетін арттыру мақсатында орындалатын тапсырма. Бала неғұрлым көп сөзді немесе көп суретті есте сақтаса соғұрлым есте сақтау қабілеті жақсы дамитын болады.

1. Қорытынды бөлім:

Сабақты қорытындай келе біздің оқу тәсіліміз сабақтың бастапқы кезінде қойылған мақсатқа жету. Бұл әдіс- тәсілдер баланың екі ми бөліктерін бірдей дамытуға бағытталды. Оқушылардың креативті ойлауын дамыта отырып, есте сақтау қабілеттерін арттырды. Балалардың сөздік қоры және көздің қамту аймағын кеңейтіп , жылдам ойлау мен жылдам оқу қалыптасты.