Материалдар / Әдептілік-адамгершілік бастауы.

Әдептілік-адамгершілік бастауы.

Материал туралы қысқаша түсінік

Оқушыларды адамгершілікке, қарапайымдылыққа, кішіпейілділікке, әдептілікке, еңбексүйгіштікке, өз халқының салт-дәстүрін үйрене отырып, жаман әдеттерден аулақ болуға үйрету.

Забенова Алия Ермековна

Автор материалды ақылы түрде жариялады. Сатылымнан түскен қаражат авторға автоматты түрде аударылады. Толығырақ

03 Маусым 2018

2323

5 рет жүктелген

Бастауыш сынып Сыныптан тыс жұмыс 1 сынып

770 ₸

Бүгін алсаңыз
+39 бонус беріледі
Бұл не?

Бүгін алсаңыз +39 бонус беріледі Бұл не?

Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!

Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады

Материалдың толық нұсқасын
жүктеп алып көруге болады

Тақырыбы: Әдептілік-адамгершілік бастауы.

Мақсаты:

Оқушыларды адамгершілікке, қарапайымдылыққа, кішіпейілділікке, әдептілікке, еңбексүйгіштікке, өз халқының салт-дәстүрін үйрене отырып, жаман әдеттерден аулақ болуға үйрету.

Ұйымдастыру кезеңі. Сыныпта психологиялық ахуал орнату.

-Балалар, бүгін бізде ерекше сабақ. Бүгінгі сабағымызды жақсы көңіл-күймен өткізу үшін, біз бір-бірімізге жақсы тілектер тілейік. «Жүректен жүрекке» ойыны (тілектер айтылады. ) -Денің сау болсын!-Ұқыпты бол!-Батыл бол!-Кішіпейіл бол!-Ізетті бол!-Әдепті бол!-Ақылды бол!-Білімді бол!-Сүйкімді бол!-Қазақтың баласы бол!-Отаныңның баласы бол!-Еліңе қорған бол!-Арманшыл бол!-Әжеңнің шуағы бол!-Атаңның ұрпағы бол!–Өнерлі бол!-Биші бол!-Әнші бол!-Өнерің өрге жүзсін!-Нұр жаусын!-Мерейің үстем болсын!-Білім беріп, жақсылыққа тәрбиелегеніңіз үшін рахмет! -Рахмет! -Міне, балалар, бір-бірімізге денсаулық тілеп, жақсылық жасасақ, ол өзімізге жақсылық болып оралады екен.Мұғалім:Бүгінгі тәрбие сағатымыз әдептілік тақырыбында өтеді. Әдептілік – адамдардың өзара қарым-қатынасының, жүріс-тұрысының ережесі.Біздің халқымыздың әдепті де сыйластық қарым-қатынасқа ежелден-ақ көңіл бөліп келгендігі барлығымызға белгілі. Ұрпақтан ұрпаққа ауысқан бұл өнегені біз қазақтың мақал-мәтелдері мен нақыл сөздерінен күнделікті кезіктіреміз. Қазақ халқы дархан қонақжайлық, үлкенді құрметтеу, бауырмалдық, кішіпейілділікке тәрбиелейді. Олай болса, балалар, бүгінгі сабағымызды әдепті бала қандай болады екен, содан бастасақ.І. Бөлім. Ойланайық, пікірлесейікӘдептілік дегенді қалай түсінеміз?1- оқушыӘдептілік-әдемілік.Әдепті адам әдемі. Ол өзінің дұрыс киінуі, сыпайы сәлемдесуі, өзін-өзі күте білуімен әдемі.2-оқушыМен оның пікіріне қарсымын. Әдемі адамның бәрі әдепті бола ма? Әдептілік дегеніміз- өзін-өзі кез-келген ортада ұстай білу. Ол әдемі болмаса да, өзін-өзі ұстай білсе-әдепті.3-оқушыҮлкен кісілерге "Ассалаумағалейкум" деп амандасып, амандығын, денсаулығын сұрау парыз. Дұрыс амандасудың адамгершілік, имандылық мәні бар.Иманы жоқтың, ұлты жоқ.4-оқушыСен дұрыс демалмасаң ерте тұра алмайсың.Әрбір тірліктің өз уақыты бар.Оны дұрыс пайдаланудың өзі әдептілік.5-оқушыСәлемдескенде , сәлем бергенде, әркім дауыстың дабырламауына, үннің үйлесімділігіне, яғни дауыс ырғағына ерекше көңіл аударып, салмақпен, әдеппен сөйлеуге міндетті. Сөз басы сәлем дегеніміз сол.Мұғалім: -Ал енді балалар бәріміз тақтаға қарайықшы.Ситуациялық жағдай. (тақтадан сурет көрсету)

ӘдепАрман мен Аян қалада тұрады. Екеуі де бір мектепте, бір сыныпта оқиды. Бүгін автобустың алдыңғы орындығына жайғасқан екеуі мектепке келе жатты. Алдыңғы есіктен қолындағы сөмкесін әзер көтеріп әжей кірді.Аян орнынан тұрып, әжейге орын берді. Ал Арман болса көрмегенсіп, теріс қарап отыра берді.Бір уақытта әжей, орнынан тұрып, түсуге ыңғайланды да, сөмкесінен екі алма алып, Аянға берді. Әжей Аянның әдептілігіне сүйсініп, алғысын білдірді.-Ал балалар сендер не істер едіңдер?-Арманның істеген ісі дұрыс па?- Әдептілікке жата ма?Демек, адам бойында жақсы-жаман қасиеттер болады екен. Бізге ақылдылықты, адалдықты, қарапайымдылық пен кішіпейілділікті инабаттылықты, шыншылдықты ата-аналарымыз, ұстаздарымыз үйретеді екен.-Ал біз, осындай жақсы қасиеттерді ананың ақ сүтімен , бал тілінен бойымызға сіңіреміз.-Жақсы бала осы қасиеттерді үйреніп, жаман мінез, әдеттерден, ұнамсыз қылықтардан аулақ болуға тырысуларың керек. -Ал ,балалар, өздерің ойланыңдаршы әдепті бала қандай болады?-Әдепсіз бала қандай болады? Өздерің айтыңдаршы? -Демек, бүгінгі тәрбие сағаты жақсылыққа жол бастап, жамандықтан арылуға бағыттайды. Мектеп жасынан жақсы әдеттерге тәрбиеленіп, жаман әдеттерден бойымызды аулақ ұстағанымыз жөн екен.

Жақсы. Әдепсіз дегенді қалай түсінесің? Әдептілікті бізге кім үйретеді? (Үлкендерден) Сонда адам бойында жақсы, жаман қасиеттер болады екен. Бізге ақылдылықты, адалықты, қарапайым-кішіпейілділікті, инабаттылықты, шыншылдықты үлкендер үйретеді.Ол біздің ата-аналарымыз, ақ сүтін бере отырып, ана тілімен үйретеді.

Әдепті шыншыл тәртіпті білімдімейірімді

таза жүреді ұқыпты

тіл алмайды Әдепсіз бала нашар оқиды

өтірікшіеріншек әдепсізМұғалім:Әдептілік – адамдардың өзара жақсы қарым-қатынасының, жүріс-тұрысының ережесі. Осы әдептілік ережесін сақтау керек. -Ойын : «Жалғасын тап» - Балалар, мен , мақалдың бірінші жолын оқимын, сендер жалғасын табасыңдар. -Ұқыптының тоны тозбас ............................................ (ұқыпсыздың ісі оңбас) -Әдептілік белгісі .............................. (Иіліп сәлем бергені) -Сәлем түзелмей, ............................ (Әлем түзелмейді) -Аға әдепті болса ................................ (іні әдепті) -Әдепті бала ата-анасын мақтатар ........................................................ (Әдепсіз бала ата-анасын қақсатар) -Ана әдепті болса ............................... (қызы әдепті)

-Ұрымен жақын болсаң, ұятқа қаласың. -Атақты ұры аштан өледі. -Ұры қарының серігі.

-Міне, балалар, бұл жерден біздің білгеніміз кісі сыйлық жасаса рахмет, біреуді ренжітсең міндетті түрде кешірім сұрау керек екен. Біреудің затын ешуақытта да рұқсатсыз алмау керек екен, бір рет рұқсатсыз алсаң соған әдеттеніп кетесің де, біртіндеп ол әдетті бойыңа сіңіресің. Түбі ол сені үлкен ұрлыққа жетелейді. Ал өздерің білесіңдер «Ұрлық- түбі қорлық» екенін, ұрлық жасасаң заң алдында жауап беруге тура келеді.ІІ.Бөлім. Мектептегі әдептілік.

Сабақтан кешікпе,сабақтан себепсіз қалма.

Мектепке келгенде әуелі мұғалімге,содан соң жолдастарыңа сәлем беру.

Сыныпқа үлкендер кірсе, бәріміз орнымыздан тұрамыз.

Сабақ кезінде тура қарап отыр, сабақ үстінде бір-біріңізбен сөйлесуге болмайды.

Партанды дұрыс пайдалан, оған ештеңе жазба.

Залда жүгірме т.б

ІІІ.Бөлім.Не істеуге болмайды?

Үлкендердің алдынан кесіп өтуге болмайды.

Кішкене баланы жылатуға болмайды.

Құстарды атуға болмайды.

Қыз баланы ренжітуге болмайды.

Сабақтан кешігуге болмайды.

ІҮ.Бөлім. Құпия хаттарға жауап

Мектептен шығысымен үйге қарай келе жатқаныңда, алдыңнан бір кісі шықты, сен не істер едің?

Үлкен кісіге амандасып жол беремін.

2. Өзіңне үлкен кісі сөйлесіп отырғанда, не істеу керек?

Үлкендердің әңгімесін бұзып, сөзге араласпайды.

Ү.Бөлім.ҚорытындыӘдептілік, тәрбиелілік-асыл қасиеттер. Адамдарды бір-бірінен осындай жақсы қасиеттері арқылы бағалайды. Қазақтың мынадай жақсы мақалы бар. «Жақсы бала ата-анасының есіктегі басын төрге, жаман бала төрдегі басын есікке сүйрейді» деген халық нақылын естеріңде ұстаңдар. Мен сендерді бүгінгі тәрбие сағатынан үйренген, білгендеріңді өмірде пайдаланып , әдепті, жақсы адам болады деп сенемін.

Анықтама

Тақырыбы: Әдептілік-адамгершілік бастауы.

Мақсаты:

Оқушыларды адамгершілікке, қарапайымдылыққа, кішіпейілділікке, әдептілікке, еңбексүйгіштікке, өз халқының салт-дәстүрін үйрене отырып, жаман әдеттерден аулақ болуға үйрету.

ә) Адам бойындағы ұнамды, ұнамсыз қылықтарды ажырата отырып, әдеп әліппесін бойына дарыту, тіл байлығын, таным белсенділігін арттыру. б) Оқушыларды әдептілікке, сыпайылыққа тәрбиелеу.Сабақтың өтілу әдісі: әңгімелеу, түсіндіру, сұрақ-жауап.Көрнекілігі: суреттер, сызбалар, нақыл сөздер жазылған плакаттар.

Қатысқандар: 1 «б» сынып оқушылары

Қорытынды: оқушылар қарапайымдылыққа, кішіпейілділікке, әдептілікке, еңбексүйгіштікке, өз халқының салт-дәстүрін үйрене отырып, жаман әдеттерден аулақ болу түсінді. Адам бойындағы ұнамды, ұнамсыз қылықтарды ажырата білді.

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!