“Әділдік пен жауапкершілік - егіз ұғым”

Сабақтың кезеңі/ уақыт

Мұғалім әрекеті

Оқушы әрекеті

Ресурстар

Сабақтың техникалық құрал-жабдықтары

Ұйымдастыру кезеңі (7 мин)

Сәлеметсіздер ме, балалар! Бүгін біз өте маңызды әрі терең тақырыпты талқылаймыз: «Әділдік пен жауапкершілік – егіз ұғым».

– Алдымен, сіздердің сабаққа дайындықтарыңызды тексеріп, назарымызды жинақтайық. (Оқушыларды түгендеу.)

– Сабақтың мақсаты: әділдік пен жауапкершіліктің мағынасын түсініп, олардың өзара байланысын анықтау.

Оқушылар мұғаліммен амандасады,түгенделеді, мектеп партасындағы қатарлары 
бойынша   
орындарына отырады.

Слайд

Сабақ басы (13 мин)

 Балалар, «әділдік» деген сөзді естігенде ойларыңа не келеді? Қане, осы сөзге ассоциация құрып көрейік.

– Орыс тілінде «справедливость» сөзі «право» (құқық) және «ведать» (білу) сөздерінен шыққан. Яғни, бұл дұрыс шешім қабылдау және ережелерді сақтау дегенді білдіреді.

– Ал Еуропада әділдік түсінігі «justitia» сөзімен байланысты. Осы сөзден “юстиция” (құқық) ұғымы шыққан. Бұл заңға негізделген әділдік.

– Мына суретке назар аударыңдар (Фемида бейнесін көрсету). Ол қолына таразы ұстап, көзі байлаулы. Қалай ойлайсыздар, бұл нені білдіреді?

Білім алушылар ойларымен бөліседі, пікір алмасады.

Фемиданың таразысы мен көзінің байлаулы болуының мәнін түсіндіреді:

• Таразы – жақсы мен жаман әрекеттерді өлшеу үшін.

• Көздің байлаулы болуы – бейтарап болуды білдіреді.

слайд

Ортасы (20 мин)

Әділдікке жету үшін тағы не қажет?

Бұл жерде бізге көмектесетін қасиет – жауапкершілік. Әділ адам міндетті түрде өз әрекеттеріне жауапкершілік ала білуі керек.

– Француз жазушысы Антуан де Сент-Экзюпери: «Адам болу – бұл адамдар алдындағы өз жауапкершілігіңді сезіну» деген.

– Қалай ойлайсыздар, жауапкершілік әділдіктің негізі бола ала ма?

“Ыстық орындық” әдісі:

– Өмірде сіз жауапсыздық танытқан сәт болды ма? Сол жағдайды баяндап беріңіз. Не үшін жауапкершілік алмадыңыз?

– Қане, енді жауапсыздықтың салдарын түсіну үшін нақты жағдаяттарды талдайық:

- Дәрігердің жауапсыз шешімі.

- Ұшқыштың жауапсыздығы.

- Жүргізушінің жауапсыз әрекеті.

– Бұл жағдайларда не болуы мүмкін?

Оқушылар өз пікірлерін айтады.

Өз оқиғаларын айтып береді. Жауапсыздықтың нәтижесін талқылайды.

Әр жағдайды талдап, жауапсыздықтың қайғылы нәтижелерін айтады.

Слайд

Соңы

– Сабақтан қандай ой түйдіңіздер? Әділдік пен жауапкершілік қалай байланысады?

– Бұл екі қасиет біздің өміріміздің ажырамас бөлігі. Әділ болу үшін біз әрдайым жауапты болуымыз керек.

Оқушылар сабақтың соңында алған білімдерін қорытындылайды.

слайд