ӘДІСТЕМЕЛІК НҰСҚАУЛЫҚ «Revit бағдарламасында үйдің ҚАСБЕТІН жасау»

Әдістемелік нұсқаулық «Autodesk Revit бағдарламасында үйдің қасбетін құру» тақырыбындағы әдістемелік нұсқаулық «геодезия және картография» мамандығы бойынша білім алып жатқан студенттерге арналған. Әдістемелік нұсқаулық қазіргі заман талабына сай әрі сұранысқа ие, себебі құрылыс саласындағы цифрландыру жағдайында жобалау бағдарламаларымен жұмыс істей алу инженерлік – техникалық мамандар үшін маңызды кәсіби дағды болып саналады. Геоақпараттық жүйелер және кәсіптік қызметтегі ақпараттық технологиялар пәні бойынша оқу бағдарламасына сәйкес үйдің, ғимараттардың қасбетін құрудың жолдары көрсетілген. Autodesk Revit бағдарламасын оқу барысында пайдалану – студенттердің кеңістіктік ойлау қабілетін қалыптастырып, ғимараттардың құрылымдық ерекшеліктерін терең түсінуге мүмкіндік береді. Бұл – инженерлік-геодезиялық ізденістер жүргізуде, атқарушылық түсіріс пен құрылыста геодезиялық сүйемелдеу жүргізуде үлкен рөл атқарады.