Адымда, ойла

Тақырыбы: «Адымда, ойла»

Мақсаты: Балаларды спорттық ойындарға деген бейімділігін, денсаулықтарын жаңғырту, спортқа деген қызығушылықтарын арттырып, дене қозғалыстарын жетілдіру. Дене шынықтыру жаттығуларымен өз бетінше шұғылдануға, этикалық және эстетикалық тәрбие беру.

Көрнекілігі: доптар, шарлар, арқан, кедергі, секіргіш жіп, ысқырық.

Өтілетін орны: спорт зал.

Болатын күні:

1-жүргізуші:  Сәлеметсіздер ме, құрметті ұстаздар мен оқушылар! Бүгінгі «Адымда, ойла» атты спорттық жарысымызға қош келдіңіздер! Бұл ойын эстафеталық жарыс түрінде өтетін болады. Жарысқа 4 топ (1 сынып оқушылары) қатысып, өз ептілігін көрсетпек.

2-жүргізуші: Денсаулық-баға жетпес қазына. Денсаулық адам өміріндегі ең жоғары бағалы дүние болғандықтан, әр адам баласы өз денсаулығына көңіл бөле қарау қажет. Бүгінгі өткізгелі отырған сайысымызды бастауға рұқсат етіңіздер.

1-жүргізуші: Уа, халқым назар аудар денсаулыққа!
Өмірде бақыттысың денің сау да.
Денсаулық терең бақыт деген сөзді
Құр айтпаған ұлы Абай данамыз да!

2-жүргізуші:  Жарысқа қатысатындарды шақырамыз
Әр таңды бақытпенен атырамыз
Өнерді ой көгінде бақылаңыз,
Сайысқа қатысуға енді ортаға
Үлгілі де өнегелі, жылдам да шапшаң
Топтарымызды шақырамыз.

1-жүргізуші: Ендеше командаларымызбен таныс болайық.

1 топ: «Жалын» тобы

2 топ: «Қыран» тобы

3 топ: «Сұңқар» тобы

4 топ: «Бүркіт» тобы

2-жүргізуші:  Командаларымызбен сайыс бағдарламасымен таныстырып өтейік.

1 кезең. «Мергендер»

2 кезең. «Мәреге кім бұрын?»

3 кезең. «Кім жылдам?»

4 кезең. «Пингвин»

5 кезең. «Кім күшті?»

6 кезең. «Допты лақтыру»

1-жүргізуші: Бүгінгі сайысымызға төрелік ететін, әділ бағасын беретін қазылар алқасымен таныс болайық:

___________________________________________________________________

___________________________________________________________________

___________________________________________________________________

___________________________________________________________________

2-жүргізуші: Әр сайыс кезеңі «10», «8», «6», «4» ұпайлармен бағаланады. Әр кезең соңында топтарға ұпай қойылып, сайыс соңында жемімпаздарды анықтайтын боламыз. Сайысқа қатысушыларымызға сәттілік тілей отырып, сайысымызды бастаймыз.

1-жүргізуші: 1 кезеңіміз «Мергендер», сайысқа қатысушылар кедергілерді айналып барып, шарды жаруы керек. Шарды жарғаннан соң қайта кедергілерді айналу арқылы мәреге оралады.

2-жүргізуші: 2 кезең «Мәреге кім бұрын?», сайысқа қатысушылар допты жерге ұрып жүгіру арқылы белгіленген межеге барып, қайтатын болады.

1-жүргізуші: «Кім жылдам?» кезеңінде сайысқа қатысушылар секіртпемен жүгіріп барып,белгіленген межені айналып, қайта секіртпемен секіру арқылы келуі қажет.

2-жүргізуші: 4 кезең «Пингвин» деп аталады, сайысқа қатысушылар қапты аяқтарына киіп алу арқылы жүріп межеге барып келуі керек.

1-жүргізуші: «Кім күшті» кезеңінде сайысқа қатысушыларымыз топтық өнер көрсетеді. Жеребе тарту арқылы қай топ бір-бірімен арқан тартысатын команданы анықтаймыз.

2-жүргізуші: 6 кезеңіміз «Допты лақтыру», сайысқа қатысушылар допты басынан жоғары лақтырып, қағып алып, мәреге дейін жүріп барып, қайта келуі тиіс, қай топ мүшелері бірінші болып келсе сол топ жеңімпаз болмақ.

1-жүргізуші: Жарыс заңы ежелден -
Жеңімпазды анықтау
Жеңімпаз болу шарты сол -
Еңбектену, жалықпау

2-жүргізуші: Біреу озса сайыста,
Біреу артта қалады.
Жеңілгендер ренжімей,
Тараса бізге жарады.
1-жүргізуші:  Әділ - қазы алқасы, сөз кезегі сіздерге беріледі! Осымен «Адымда, ойла» атты эстафеталық сайысымыз өз мәресіне жетті, әрбір топтың ұпайларын есептей келе, нәтижелерімен бөліссеңіздер. Қорытынды сөз.Марапаттау рәсімі. Жеңімпаз топты құттықтаймыз.

2-жүргізуші:  Бүгінгі «Адымда, ойла» атты эстафеталық сайысымызға қатысқандарыңыз үшін әрбір топқа, төрелігін көрсеткен әділ қазыларымызға, келген қонақтарға алғысымызды білдіреміз! Еліміз аман, жұртымыз тыныш болсын, сау саламатта болыңыздар!

Жауапты мұғалім: Джилкайдарова У