«Ағылшын тілі грамматикасы» оқу-әдістемелік құралына қысқаша сипаттама Бұл оқу-әдістемелік құралда ағылшын тілінің грамматикасы жан-жақты талданып, нақты анықтамалар берілген. Құралдың ерекшелігі — грамматикалық ережелердің кейбір бөлімдері кесте түрінде түсіндіріліп, мысалдар қазақ тіліне аударылған. Сонымен қатар, ағылшын тілінің грамматикалық құрылымдары қазақ тілі грамматикасымен салыстырмалы түрде қарастырылады. Оқу-әдістемелік құрал 19 бөлімнен тұрады. Әр бөлімде алдымен теориялық материал — яғни ағылшын тілінің грамматикасы түсіндіріледі, кейін жаттығу тапсырмалары ұсынылады. Бөлім соңында өтілген грамматикалық тақырыпты бекітуге арналған тест тапсырмалары берілген. Бұл құрал ағылшын тілін оқытатын оқытушыларға, студенттерге, сондай-ақ ағылшын тілін өз бетімен үйренушілер мен жалпы көпшілікке арналған.