Айналамдағы заттарды санаймын

Айналамдағы заттарды санаймын. 10-ға дейінгі реттік санау.

Сабақтың мақсаты

Балаларды айналадағы заттарды санауға,10 көлемінде тура және кері санауға үйрету,реттік санау бойынша санау дағдысын дамыту. Балалардың зейінін,ойлау қабілетін дамыту,сөздік қорын молайту. Алған білімдерін жүйелі түрде көрсете білу,ұқыптылыққа,мақсатқа жете білуге,өз ойларын жеткізе білуге машықтандыру.

Көрнекіліктер

Сандар жазылған карточкалар, «Шалқан» ертегісінін кейіпкерлері,жұлдызшалар, үрме бұршақ,смайликтер.

Іс-әрекет  кезендері

Тәрбиеші  әрекеті

Балалардың   іс — әрекеті

  Психологиялық ахуалды қалыптастыру

-Сәлеметсіңдер ме,балалар!Бүгін қандай әдемі,сүйкімді болып тұрсыңдар!Мен сендерге және бізге келген қонақтарға жақсы көңіл күй тілеймін.Осындай шаттық көңілмен «Шаттық шеңберіне» келейікші.Көңіл-күйіміз жақсы болу үшін айналамызбен амандасып алайық. -Армысың, Асыл күн! -Армысың, Жер-ана! -Армысың, достарым! -Сендерді көрсем қуанам!- бір-бірімізге қарап сәлем берейік, құшақтасайық! Ал енді,балалар, өз орнымызға отырайық. 1,2,3 Сынып іші тып-тыныш Жалқаулықты тастаймыз Сабақты біз бастаймыз!

Балалар шеңберге тұрып, амандасады. Балалар  барлық  қимылдарды  тәрбиешіге  қарап, қайталайды.

Ұйымдастыру  іздестіру       

Жаңа сабақ

-Қазір бізде математика сабағы.Оқу іс-әрекетін мақсаты айналадағы заттарды санауға,10 көлемінде тура және кері санауға және 10-ға дейінгі реттік санауды үйренеміз.Бүгінгі оқу іс-әрекетіміз ертегі түрінде өтеді. –Қазір қай мезгіл? -Күз мезгілі адамдарға қандай пайдасы бар? -Міне,балалар,біздің бақшада үлкен шалқан өсіпті.Біздің күшіміз оны жұлып алуға келмейді.Сондықтан біз «Шалқан» ертегі кейіпкерлерін көмекке шақырамыз. –Қалай,шақырайық па көмекке? Ертегі кейіпкерлері өздерімен бірге тапсырмалар ала келді. –Тапсырмаларын орындаймыз ба? -Көмекке бірінші болып кім келеді? Атамыздың тапсырмасы:1-10 ға дейін тура және кері санау.

-Шалқанымыз жұлынған жоқ.

-Көмекке апамызды шақырайық.Жаңа сабақты түсіндіру.10-ға дейін ретпен санауды үйренеміз.

10 оқушыны тақта шақыру.

-Бір қатарға тұрыңдар.Енді санаймыз.Неше оқушы болды?

-Енді солдан онға қарай санаймыз.

-Кім бірінші тұр?------ Санау бойынша нешінші болады?

-Санау бойынша -------нешінші болады?

-Ең соңғы тұрған оқушы кім? Ол нешінші болады?Енді,балалар ретімен санайық:бірінші,екінші,үшінші.........Бұл реттік санау.Саны бойынша нешінші деген сұраққа жауап береміз.Ал 1,2,3....деген санау бұл сандық санауға жатады.Бүгінгі оқу іс-әрекетімізде реттік сандар туралы үйрендік.Жарайсыңдар!

-Бірақ шалқанымыз әзірге жұлынған жоқ.

-Көмекке енді ертегі бойынша кімді шақырамыз?

-Немересі велосипед тебуді ұнатады екен.

-Сендер де велосипед бар ма?

-Оны қай жерде тебесіңдер?

Немере қыздың тапсырмасы:Жарысқа қатысушыларды санап бер деп көмек сұрайды.

Оқулықпен жұмыс.Суретпен жұмыс.

-Кім бірінші келе жатыр?Кім екінші?

-Жақсы тапсырма орындалды,шалқан жұлынбады.

-Келесі көмекке күшікті шақырамыз.Күшік ойынды жақсы көреді.Күшікпен бірге сергіп алайық.

Сұрақтарға жауап береді

-иә

-иә

-ата