айналамен таныстыруға байланысты ойындар

«Не өзгерді?»

Мақсаты: Тез ойлау қабілеттін дамыту, зейін қойып тыңдауға үйрету. Ойынға деген көзқарасын қалыптастыру.

Шарты: Үй және дала жануарлар ойыншықтары.

Бір үй және екі дала жануарлары тұрады, көздерін жұмып ашқанда үй жануарларын тығып қою. Қандай өзгеріс болғанын сұрау.

«Жыл мезгілдері»

Мақсаты: Әңгіме мазмұныны тыңдай отырып жыл мезгілдерін таба білуге және ауысып отыратын ұқтыру.

Шарты: Қазір біз жыл мезгіліне саяхатқа шығамыз. Жолда аялдамалар кездеседі.

1 – аялдама: Айнала ақ көрпеге жамылған балалар шаңғы теуіп жүр.

Балалардың жауабы: Қыс мезгілі

2 – аялдама: Күннің көзі шығып қар еріп, құстар ұшып келеді.

Балалардың жауабы: Көктем

3 – аялдама:. Айнала қызыл, жасыл гүлдер балалар өзенге суға түсіп жүр.

Балалардың жауабы: Жаз мезгілі

4 – аялдама: Орманда жерге сары, қызыл жапырақтар түсіп жатыр. Ағалар бидай жинап жүр.

Балалардың жауабы: Күз мезгілі

«Бөлмені жабдықтаймыз»

Мақсаты: Балаларға жиһаз жайлы түсінік беру және өз жабдықтарын ұқыпты ұстауға тәрбиелеу.

Шарты: Бөлме ішіндегі жиһаздарды қарау. Жиһаздарды қайда қоятынын көрсетпей балаларға өз еркімен қоюға мүмкіндік беру. Бұл ойында жиһаз деген ұғымды қалыптастыру.

«Қуыршақты киіндіреміз»

Мақсаты: Әр мезгілге байланысты киімдерді таңдай білуге және киіндіре білуге үйрету. Ойынға деген көз-қарастарын қалыптастыру

Шарты: Төрт жыл мезгіл киімдері әр бала өзіне ұнаған мезгіл киімдерін алып қуыршақты киіндіреді. Егер қателесіп кетсе дұрыстап көрсетіп жіберу.

«Біз құстарға қалай көмектесеміз»

Мақсаты: Құстарға деген қамқорлық аяушылық сезімдерін ояту. Ойынға деген қызығушылықтарын арттыру.

Шарты: Бұл ойынды серуен кезінде ойнау. Ағашта ұя бар жерге келіп бақылау. Ұяға құстар келіп қонады. Тамақтарын жей бастайды. Біз шуламай, шошытып алмай қарап тұру керек. Балалар алып шыққан нанды құстарға себеді.

«Бұл не? Бұл кім?»

Мақсаты: Не? Кім? деген сұрақтар қалай қойылатынын түсіндіру және естеріне сақтай білуге үйрету.

Шарты: Ең алдымен не? деген сұрақ қойылады: заттар, нәрселер, жануарларға. Кім? деген сұраққа адамдар суреттерін қарау

Күз сыйлығы»

Мақсаты: Балалардың күз қандай сый беретінің айтып білімдерін ары қарай толықтыру

Шарты: Көкөністермен жемістер үстелде тұрады Балаларды екі топқа бөліп ойнату бірінші топ көкөністерді жинайды екінші топ жемістерді жинайды

«Не қалай дауыстайды?»

Мақсаты: Жануарлардың даусын келтіре білуге, ажырата білуге дағдыландыру. Ойлау, есте сақтау қабілеттерін дамыту.

Шарты: Жануарларды атап тұру, балалар жылдам қалай дауыстайтынын айту.

Сиыр: му-му-му

Жылқы: и-и-иа

Қой: мә-мә-мә

Ит: аф-аф-аф

Мысық: мяу-мяу-мяу

«Менің отбасым»

Мақсаты: Отбасы мүшелерін және олардың әрекеттерін атай білуге үйрету. Туыстық қарым-қатынасын сүйіспеншілігін қандай сезімде болатынын пікірін айтуға ынталандыру.

Шарты: Отбасы бейнеленген суреттерді қарастырып әңгімелесу.

• Анам сорпа пісіріп отыр.

• Әкем үй салып жатыр.

• Атам диванда газет оқуда.

• Ағам мектепке барады.

• Әжем байпақ тоқып отыр.

• Мен ойнап отырмын.

«Өзін-өзі ұстау»

Мақсаты: Ізеттілік дағдыларымен қарапайым мәдени ережелерді сақтауға үйрету. Бақшада, көшеде өзін-өзі ұстауға жай сөәлеуге тәрбиелеу.

Шарты: Адаммен кездескенде сәлемдесу, қоштасу.

• Сәлеметсіз бе!

• Сау болыңыз!

• Біреуден көмек сұрау. Алғыс білдіру.

• Бола ма? Жақсы ма? Қалаймын? т.б.

• Рахмет, көп – көп рахмет.

• Өз көмегін ұсыну.

• Жасадым, көмектесемін. Рұқсат па?