Тақырыбы: «Әжемізге қонаққа бармыз»

Мақсаты:

ҰЙЫМДАСТЫРЫЛҒАН ІС-ӘРЕКЕТТІҢ МАҚСАТЫ

Қазақ халқының ұлттық құндылықтары, салт – дәстүрі жайлы түсініктерін қалыптастыру.

Міндеттері

Болашақ қазақ халқының ұрпақтарына еліміздің ұлттық құндылықтарын санасына сіңіру. Балаларға қазақ халқының ою – өрнектерімен, ұлттық ойынны асықпен, бас киімі тақия, саукелемен таныстыру.Ұлттық құндылықтарымызға қызығушылықтарын ояту; өзара достыққа, табиғатты аялай білу сезімдеріне тәрбиелеу.

СӨЗДІК ЖҰМЫС

Белсенді сөздік қорға: тақия, сәукеле, құрақ көрпе, қазақ үй, асық.

ӘДІС-ТӘСІЛДЕР

Ғажайып сәт, түсіндіру, баяндау, миға шабуыл, кері байланыс, сергіту сәті,

интербелсенді тақтадан суреттер көрсету, пысықтау, дидактикалық ойын, саяхат.

ҚҰРАЛ-ЖАБДЫҚТАР

1. Көрнекілік материалдар.

Интербелсенді тақта, қазақ үй, құрақ көрпе, жайлау, асық ойнаған балалар және қазақша киім үлгілері туралы мазмұнды суреттер;

2. Үлестірмелі материалдар.

Саукеле, тақия.

ҰЙЫМДАСТЫРЫЛҒАН ІС-ӘРЕКЕТТІҢ БАРЫСЫ

1. КІРІСПЕ БӨЛІМ

Шаттық шеңбері:

Шеңбер болып тұрайық

Оюларға ұқсайық

Уық болып иіліп

Шаңыраққа киіліп

Киіз үй болып тұрайық

Ұйымдастырылған оқу іс – әрекеті.

• Балалар біз қай мемлекетте тұрамыз?

• Қазақстанда

• Ұлтымыз қандай?

• Қазақ

• Тіліміз қандай?

• Қазақ тілі.

• Менің қолымда не тұр?

• Ту.

• Ия, дұрыс айтасыңдар! Әр мемлекеттің өзінің туы, елтаңбасы мен салт – дәстүрі болады. Бұл біздің мемлекетіміздің туы екен. Тудың түсі қандай?

• Көк

• Туда не бейнеленген?

• Шаңырақ, қыран құс, ою.

• Дұрыс айтасыңдар.міне бүгін мен сендермен қазақ халқының ою – өрнектерімен танысамыз.

• Балалар, сендердің барлығыңның әжелерің бар. Сендер әжелеріңді жақсы көресіндер. Ал енді біз бүгін ауылдағы әжемізге барғыларың келеді ме?

• Иә. барғымыз келеді.

• Олай болса, қазір біз сендермен ауылдағы әжемізге қонаққа барамыз. Балалар, сендер білесіңдер ме, ауылдағы әжеміз өте еңбекқор кісі. Әжеміз бізге қазақтың оюлары туралы айтып береді. Әжеміздің ауылына барғанда міндетті түрде сендерге тапсырма береді. Сол тапсырманы бірге орындаймыз ба?

• -Иә, орындаймыз!

• Олай болса ауылға сыйқырлы кілеммен ұшып барамыз. (балалар барлығы кілемге отырады).

• Міне балалар, әжемізге де келіп жеттік. Әжемізбен амандасайық.

• Сәлеметсіз бе.

Әже:- Саламатсындар ма, балалар! Келіңдер, төрлетіңдер, қонағым болыңдар!

Әжелеріңнің киіз үйін тамашалаңдар! (Балалар киіз үйді көріп, тамашалайды.)
(әже өзінің киіз үй жабдықтарымен таныстырады.) Әдемі көрпешелерін көрсетеді.
Тәрбиеші:-Балалар, әжеміздің көрпешелері қандай әдемі?

Әже: Мынау құрақ көрпе- қазақтың ұлттық оюларынан және геометриялық пішіндерден тігілетін көрпе. Әр үйдің сәнін келтіреді.

Ал мынау домбыра. Домбыра - екі шекті қазақтың ұлттық аспабы.Домбыраны кие тұтып, төрге іліп қояды. Домбыра ағаштан жасалады.

-Ал мынау қоржын –иірілген жүннен тоқылған бұйым. Ертеректе түрлі заттар салып жүруге пайдаланған. Сырты оюлармен өрнектелген. Қоржын бүгінде қазақтың той-томалағының барлығында кездеседі.

- Қазақ халқының ұлттық киімдеріде бар. Олардың барлығы қазақтың ұлттық оюларымен безендірген. Мынау қыздарға арналған үкілі тақия. Оны нәзік аруларымыз басына киген. Әдемі тастармен безендірген.

Сондай – ақ менің дастарханымда қазақтың ұлттық тағамдары бар. Құрт, бауырсақ, жент, ірімшік, айран, қымыз.

Әже:  Маған қонаққа сендер сияқты көптеген балалар келеді. Менің сендерге де арналған тапсырмаларым бар.

Тәрбиеші: Балалар әженің тапсырмаларын мұқият орындайық.

Сендерге мына оюларды құрақ көрпенің үстіне оюларды орналастыр деп әжеміз тапсырма беріпті.

1-тапсырма: «оюларды орналастыр» ( балалар оюларды пайдаланып, құрақ көрпені әсемдейді) (балалар екі топқа кейделерінде жабысқан оюлар арқылы бөлініп отырып, тапсырманы орындайды.)

Әже: жарайсыңдар балалар, сырмақты өте әдемі етіп, оюларын орналастырдыңдар.

Тәрбиеші: Балалар енді орынымыздан түрайық, әжеміздің екінші тапсырмасын орындайық. Әркім оз орындарына келіңдер. Әрқайсыңа әр түрлі тапсырмалар берілген. (Көлеңкесіне қарай орналастырыңдар. Пазлы жинау).

Әже: жарайсыңдар балалар, бұл тапсырманы жақсы орындадыңдар.

Тәрбиеші: Балалар бойымызды бір сергітіп алайық.

Сергіту сәті: «Қара жорға»

Келесің әжеміздің 3 тапсырмасында кейдеміздегі оюлар бойынша 2 топқа бөлініп отырайық. 1 топ «тақиялы сәукелені» безендір, 2 топ «Желетті әшекейле» деп тапсырма беріпті.

(қағазға езіліп жағылған ермексаздың үстіне жылтыр тастарды жапсыру арқылы безендіру) Тақтаға ілінген үлгіге қараймыз, немезе әркім өз қиялдары арқылы жасауға болады.

-Жарайсыңдар балалар! Әже сенің берген тапсырмаларыңды орнададық. Біздің балалар тапсырманы дұрыс орындады ма?

Әже: Ия балалар сендер барлық тапсырманы жақсы орындадыңдар. Өте білімді балалар екенсіңдер.

- Сізге келіп балалар көп нәрселерді үйренді. Біз енді балабақшамызға қайтайық.
Әже:- Сендерге де рахмет, әрқашанда жолдарың болсын. Мені сағынсаңдар ауылға қонаққа келіп тұрыңдар! Сау болыңдар!
-Сау болыңыз, әже!

- Балалар, топқа сықырлы кілеммен қайтайық. (кілемге отырып, сиқырлы кілеммен қайтады.)

• Балалар, біз бүгін қайда бардық?

• Ауылға

• Ауылда кім тұрады?

• Әже тұрады.

• Әжеміздің үйі қандай ?

• Өте әдемі.

• Әжемізге барып қандай тапсырмаларды орындадық?

• Оюларды орналастырдық, желтті әшекейледі, сәукелені безендірдік.

• Жарайсыңдар балалар, міне балалар сендерге әже ыстық бауырсағын берді. Қолдарымызды жуып, дастархан басына отырайық.