Сабақтың тақырыбы: «Әкеңнің төріне сенбе, еткен еңбегіне сен»

Мақсаты:Балаларға  отбасының ұйтқысы, негізгі тірегі әке екенін, әкеге деген сүйіспешілікке    тәрбиелеу. Бала мен әке арасындағы тығыз әрі  ыстық байланысты ұғындыру. Отбасындағы әке орнын, рөлін көрсете отырып, халықтық тәрбие негіздеріне тоқталу; Оқушыларды үлкендерді сыйлауға, әкені пір тұтуға, адамгершілікке, әке мен ер азамат ұғымының мәнін ұғынуға тәрбиелеу. 

Сабақтың барысы:

«Ата –сая болар бағың болса, Әке-асқар тауың» дейді қазақта.

Бір күн бар, жылытар күн, жұбатар күн,

Бір күн бар, мұңайтар күн, қуантар күн.

Мейлі ол шаңырақ сәтті болсын, сәтсіз болсын,

«Әке» деген сезімді ұмытар кім,-дей отырып, сіздерге арналған «Әкеңнің төріне сенбе, еткен еңбегіне сен» тәрбие сағатымызға қош келдіңіздер!

«Жақсыдан жаман туады, бір аяқ асқа алғысыз,

Жаманнан жақсы туады,  адам айтса нанғысыз» дейді халқымыз. Әр шаңырақта әкенің орны ерекше.

Әке-жарық дүниедегі ең жақын адамның бірі. Әкені сыйлау, құрметтеу, оның отбасындағы орнын қастерлеп, қадірлеу кез келген баланың перзенттік борышы. Әкесіз бала-жетім. Әке- асқар шың, бақыттың алтын бағы. Әке- баланың тірегі, лүпілдеген жүрегі, ойындағы санасы, өмірдегі панасы.Ол бала үшін барын аямайды, аялап тәрбиелейді, болашағына үнемі бағыт-бағдар беріп отырады. Халық ер адамды сыйлай білмесе тексіз деп атайды. Әке отбасының асыраушысы. Әкенің мінез-құлқы, өзгелермен қарым-қатынасы, өнері мен білімі баланың көз алдындағы үлгі-өнеге алатын, оған қарап өсетін нысанасы. Бала мен әке ынтымағы болмаған жерде әке жылуы сезілмейді.Ер бала әкесімен сырлас, жолдас, дос. Ол әрқашан бір әрекет жасау үшін әуелі әкесімен сырласады. «Бір бала бар-атаға жете туады, бір бала бар-кері кете туады» деген тұжырымға сай баланың қандай болмағына негіз қалайтын әкенің өзі.

І. «Әке – отбасының тірегі»- балалардың әкелері туралы ойы, тілегі, жыр шашулары

 Ең тамаша сөз бұл өмірде «Әке» деген,

Суыққа бір шалдырмай мәпелеген.

Өмірдің соқпағымен өрге тартып,

Алдымен адам бол деп жетелеген.

Тағдырдың кеуде тосып жартасына,

Біз үшін түскен майдан ортасына.

Алаңсыз сауық-сайран, құрып жүрміз,

Біз бүгін әкелердің арқасында.

Әкем менің асқар тауым, тірегім,
Бәрінен де сен қымбатсың білемін.
Қанат қағып кетсем алыс қияға,
Сен деп соғар жұдырықтай жүрегім.

Қамқорсың әке өмірде,
Қуатым сенсің көңілге.
Әлпештеп мені өсірдің,
Ұшармын ертең көгіңде.

Көкке өрмелеп көңілің,
Нұрға толсын өмірің.
Бақытты бол, жан әке,
Ұзақ болсын ғұмырың.

ІІ. Әкелер өздерін таныстырады. Өз мамандықтары жөнінде әңгімелейді.

Тренинг: «Мен үшін әке болу – бұл …»

Мұғалім: Ойлайды әрқашан да бала қамын,
Көремін аялаған алақанын.
Әкемнен алған асыл қасиетті,
Елімнің керегіне жаратамын.

 Бейнеролик көрсете отырып, ой қозғау.

Балаларға «Сенің өміріндегі әкенің рөлі қандай?» деген сауал қойылды.

Мақал –мәтелдің жалғасын табу:

1. Әке көрген оқ жонар......................................

3. Бір бала бар-атаға жете туады, бір бала бар атадан өте туады,..........

4. Әке тұрып ұл сөйлегеннен без, .............................

5. Әкесі құрдастың баласы ................................

6. Әкеге қарап ұл өседі, .............................................

7. Әкеден - ақыл , ................................................

8. Әке балаға ....................................................

Мұғалім: Әке!Әке!Әке!Қымбат әрине

Ол қамқоршы жанұяға, әр үйге

Отан үшін, жанұя үшін, мен үшін

Аямайды не өмірін, не күшін

«Сіз балаңызды жақсы білесіз бе?» ойыны 
Ойынның мақсаты: әкесі баласын қаншалықты білетінін байқау.  
Қызықты сұрақтар: 

1. Балаңыздың туған күні? 
2. Сынып жетекшісінің толық аты - жөні? 
3. Балаңыз спорттың қандай түрін жақсы көреді? 
4. Балаңыздың парталас көршісі кім? 
5. Бүгін сабақта қандай баға алды? 
6. Балаңыз қандай түсті жақсы көреді? 
7. Балаңыз бірінші сыныпқа қай жылы барды? 
8. Балаңыздың сүйікті асы қандай? 
9.Балаңызға қандай еркелететін сөз айтасыз?

10.Балаңыздың ең жақын досы?

11.Балаңыздың сүйікті пәні?

Бейнеролик көрсету «Әке маған 1 саған уақытыңды сатшы»

Ситуациялық сұрақтар
1. Сіздер балаға тек қана ата - ана емес, дос болуларыңыз керек. Бұл үшін не істеулеріңіз керек.
2. Сіздің көңіл - күйіңіз төмен болса, жанұяға, балаларыңызға әсері тие ме?
3. Сіз балаңыздың жаман қылығын білдіңіз. Сіз қалай қабылдайсыз?
4. Балаңыз далада ойнап жүріп, үйге жылап келді. Қасында ойнап жүрген баланың тасы тиіп кеткенін айтады. Сіз не істейсіз? Жүгіріп барып сөйлесесіз бе, әлде балаңызға түсіндіресіз бе?
5. Сіз бір жерге асығып бара жатырсыз. Балаңыз велосипедтің аяғы жарылып қалғанын айтып, жөндеп беруін өтінеді.

«Мен ұлымды немесе қызымды мақтан тұтамын»

Әкелерге түрлі - түсті қағаздан қиылған алмаларға өз ұлдары мен қыздарына арналған тілектер жазып, талдың суретіне жапсырады.

Ән : «Әке – ана»

Қорытынды. Баланы тәрбиелеуде отбасының екі тірегі әке мен ана басты тәрбиешілер.

Баланы жастан бақпасан
Жамандықтан қақпасаң,
Қадірден жұрдай қасқа боп,
Кешкенің өмір босқа тек,- дегендей баланың ыстық - суығына күймейтін, жақсылығына сүйінбейтін ата - ана жоқ шығар.
Бүгінгі ұл - ертеңгі әке, ол әкеге қарап өседі. Бүгінгі қыз - ертеңгі ана, ол шешеге қарап өседі, бой түзейді. Балаға білім, тәрбие беруде басты тұлға ұстаз болса, оны жалғастырушы, демеуші ата - ана. Сондықтан ата - ананың үлкен мақсаты - өз баласын үлкен әріптен жазылатын Азамат етіп тәрбиелеу. Сіздің балаңыз – еліміздің ертеңгі болашағы.