Аксонометриялық проекцияларды алу және оларды салу

Сабақтың тақырыбы: Аксонометриялық проекцияларды алу және оларды салу

Сабақтың мақсаты: Аксонометриялық проекциялардың айырмашылығын табу

Сабақтың түрі: Теориялық сабақ

Сабақтың көрнекілігі: Кітап, тетрадь.формат, сызғыш, қарындаш, циркуль

I.      Ұйымдастыру кезеңі: Саламатсыз ба, балалар. Бүгінгі сабақта кім жоқ?

II.   Үй тапсырмасын тексеру: Центрлік және параллель проекциялау. Тік бұрыштап проекциялау

III.           Жаңа сабақ

         «Аксонометрия» - грек сөзі, «осьтер бойынша өлшеу» деген мағынаны білдіреді. Осы нәрселерді салғанда өлшемдерді x, y және  z  осьтері бойына өлшеп саламыз.

         Аксонометриялық проекцияларды салуға жаттығу – сызбаларды оқи білуді үйренуге және нәрсенің пішіні мен машиналардың тетіктері туралы кеңістіктік түсініктерді дамыта түсуге көмектеседі.

         Стандартпен сызбаларда пайдаланылатын аксонометриялық проекциялардың әр түрлі көріністерін тағайындайды.

         Проекциялаушы сәулелердің бағытына және нәрсенің сызықтық өлшемдерінің осьтер бойына өзгеріп түсуіне байланысты аксонометриялық проекцияларды тік бұрышты және қиғаш бұрышты проекциялар  деп екіге бөлінеді.

         «Диметрия» - грек сөзі, «екі өлшем» деген мағынаны білдіреді.  Егер текшенің жақтарын Р жазықтығына тең бұрыштармен көлбей орналастырсақ  және текшені координата осьтерімен  бірге жазықтыққа перпендикуляр сәулелермен проекцияласақ, онда тағы бір проекцияны аламыз. Ол тік бұрышты изометриялық проекция деп аталады. «Изометрия» - грек сөзі, «тең өлшемдер» деген мағынаны білдіреді.

         Фронталь диметриялық проекция мен изометриялық проекцияны жалпылама аксонометриялық проекция деген ортақ атаумен атайды.

         Изометриялық проекцияны салу кезінде  x, y, z осьтері бойына және оларға параллель етіп, тетіктің нақты өлшемдерін саламыз. Тор көзді қағазға y осінің 45 градус көлбеулігін сызу үшін осьті тор көздердің диагональдары бойымен жүргіземіз. x, y осьтерін 30 градус  бұрыш жасай жүргізу үшін 3 және 5 тор көз ұзындықтағы кесінділердің қатынасын орындау керек.

Бекіту сұрақтары:

1.     Аксонометриялық проекцияның қандай айырмашылықтары бар?

2.     Аксонометрияны салу кезінде осьтерді  қандай бұрыштар жасап орналастырады?

3.     Фронталь диметриялық проекцияда сызбаны орындау кезінде аксонометриялық осьтер бойымен қандай өлшемдерді салады?

Сабақ қортындылау: Өзіндік жұмыс. Балаларға баға қою. Сау болыңыз!