Әл-Фараби атындағы Қазақ ұлттық университеті – болашаққа жол ашатын білім ордасы

Қазақстандағы ең алдыңғы қатарлы жоғары оқу орындарының бірі – Әл-Фараби атындағы Қазақ Ұлттық университеті (ҚазҰУ) өзінің бай тарихымен, сапалы білім беру жүйесімен және заманауи инфрақұрылымымен ерекшеленеді. 1934 жылы іргетасы қаланған бұл университет бүгінде халықаралық деңгейде мойындалған, ғылым мен білімнің нағыз ордасына айналды.

ҚазҰУ – тек білім ордасы ғана емес, тұлға болып қалыптасуға, қоғамдық белсенділікке, ғылыми ізденіске кең мүмкіндік беретін үлкен платформа. Университет қабырғасында білім алып жүрген әрбір студент мұнда алған білімінің өмірлік жолында үлкен рөл атқаратынына көз жеткізеді. Университет ұжымы студенттердің жан-жақты дамуына, шығармашылығы мен ғылыми қызығушылықтарының артуына ерекше көңіл бөледі.

ҚазҰУ әлемдік білім кеңістігінде жоғары беделге ие. Бұл – QS World University Rankings рейтингінде үздік 200 университеттің қатарынан көрінген алғашқы қазақстандық оқу орны. Университетте халықаралық стандарттарға сай зертханалар, кітапханалар, стартап орталықтары мен студенттік кампустар жұмыс істейді. Сонымен қатар, шетелдік жоғары оқу орындарымен әріптестік байланысы кеңейіп, академиялық ұтқырлық бағдарламалары арқылы студенттерге басқа елдерде білім алу мүмкіндігі берілген.

Қазіргі таңда осы университеттің радиотехника, электроника және телекоммуникация болашақтың кілті десек артық айту емес. Цифрлық технология мен байланыстың қарыштап дамыған заманында телекоммуникация саласының маңыздылығы күн санап артып келеді. Университетте теориялық біліммен қатар, тәжірибелік дағдыларды жетілдіруге де үлкен мән беріледі. Заманауи зертханаларда тәжірибе жасап, нақты жобалармен жұмыс істеу мүмкіндігі бар. Бұл – кәсіби білікті маман болып қалыптасуға зор ықпал етуде.

Тленчиева Н. С.

педагогика ғылымдарының кандидаты

Қожабек Д. А.

радиотехника, электроника және телекоммуникациялар

мамандығының магистранты

Әл-Фараби атындағы Қазақ Ұлттық университеті