Мектеп

Сабақтың тақырыбы:

Алдымен сүй, ардақта ата-анаңды.

Педагогтің аты-жөні:

Күні:

Сыныбы:

Қатысушылар саны: Қатыспағандар саны:

Сабақтың мақсаты:

Оқушыларды адамгершілікке, қайырымдылыққа, жақсы үлгі-өнегеге, үлкенді сыйлау, кішіге қамқор, болу қасиеттеріне, мейірімділікке, қарияларды құрметтеуге тәрбиелеу, ұнамды-ұнамсыз, әдепті-әдепсіз қылықтарды ажырата білуге үйрету

Оқушылардың бойында ата-анаға деген ерекше жылы сезім қалыптастыру, ата-ананың бала өміріндегі ролін түсіндіру, ата-ананы құрметтей, сыйлай білуге тәрбиелеу.

Сабақ кезеңі/

Уақыты

Педагогтің іс-әрекеті

Оқушының іс-әрекеті

Ресурстар

Сабақтың басы

Қызығушылықты ояту.

7 мин.

(Ұ). Ұйымдастыру кезеңі:

Ұйымдастыру кезеңі

Психологиялық ахуал

Бір түрлі фигур алғандарды

1-топқа «Қайырымдылық», ал екіншісін таңдағандарды 2-топқа «Мейірімділік» тобына бөлемін.

Оқушылар мұғаліммен амандасады,түгенделеді.

Психологиялық ахуал

Оқушылар

дың пікірі тыңдалады

слайд

Жаңа сабаққа кіріспе

Ата-ана - әрбір адамның қайтып соғар қазығы. Оған деген сүйіспеншілік тек жүректен шығу қажет. Әсіресе, тіршіліктің қайнар көзі, махаббаттың шуақ күні, мейірімнің кәусар бұлағы – Ана есіміне қатыссыз дүниеде ештеңе жоқ. Халқымыздың байырғы ұғымында баланың ата-ана алдындағы парызын өтеуі «Ана сүтін ақтау» деп аталады. «Әкеге бағыну – тәңірге бағыну» деп әкені одан бетер дәріптеген. Ендеше бүгінгі тәрбие сағатымызда адам өмірінің мәні мен сұлулығы, адамның келешегіне сенімділігі – баланың

ата-анасын ардақ тұтып, өзінің перзенттік парызын бір сәтке де есінен шығармауына арналады

Айзат:

Анаға арнап ақ тілектер айтар күн,

Әкеге арнап, марапатты бастар күн.

Бүгінгі күн мәңгі есте сақтар күн.

Бүгінгі күн есінде мәңгі жастардың.

Санжар:

О, Ата-анам!

Таянышым, тірегім!

Бар бақытты бір басыңа тіледім

Бізді жақсы болсын екен деп қашанда

Лүпілдейді сенің қамқор жүрегің.

Сабақтың ортасы

26 мин.

Оқушыларға сұрақтар:

1. Отбасын кімдер құрайды?

2. Ұл мен қызды жасына қарай қалай атайды?

3. Отбасының әдет – ғұрпы туралы түсініктеме беру

4. Отбасының бүкіл міндеті кімдерге негізделген?

5. « Үлкенге көмек» дегенді қалай түсінесің?

6. Конституцияда отбасына қамқорлық туралы не айтылған?

7. Отбасының ұйтқысы кім?

8. Отбасының басшысы кім?

( Ата, апа, ана, әке, аға, қарындас, әпке, сіңілі, іні.)

( қарындас, әпке, сіңілі, аға, іні)

( Үлкенді сыйлау, айтқан ақылдарын тыңдау, үлкендер – кішіге ақылшы, кішіге – қамқоршы).

( Ата – анасына)

( Үлкендердің заттарын көтеріп, айтқандарын істеу керек.)

( 27 – бабында «Неке мен отбасы, әке мен ана және бала мемлекеттің қарауында болады деп көрсетілген»).

( Ана)

( Әке)

.«Сөз асылы - мақал»

1. Балалы үй – базар , баласыз үй-қу мазар

2. Ер бала – ата –анаға таяу,

Қыз бала – үйге жаққан бояу

1. Құз балапаны үшін – тұзаққа түседі,

Адам баласы үшін – отқа түседі.

1. Дүниеде бал тәтті,

Балдан да бала тәтті.

1. Қарға баласын аппағым дер,

Кірпі баласын жұмсағым дер.

1. Қарағайға қарап тал өсер,

Ата-анаға қарап бала өсер

1. Әке көрген оқ жонар,

шеше көрген тон пішер.

1. Үйінде ұл қызы бардың,

Көгінде сөнбес жұлыдызы бар

1. Ана сүтін ақтамағанды, ешкім жақтамайды

2. Ұяда нені көрсең, ұшқанда соны ілесің

3. Әдепті бала – ата-анасын мақтар,

Әдепсіз бала – ата-анасын қақсатар

«Сиқырлы жүрек»

Енді соңғы тапсырма бұл сиқырлы жүрек деп аталады.

• Сиқырлы жүрек деп сендер кімнің жүрегін айта аласыңдар?

• Әрине ата-аналарыңның!

• Ендеше сол ата-аналарыңның жүрегінен, бір – бір жүрекшеден алып, ішінде не жазылғанын оқып, жалғастырыңдар!

Сабақтың соңы

Ой толғаныс.

Рефлексия

7 мин.

Сонымен балалар біз бүгін сендермен бірге үлкен тақырып аясында ой бөлістік.Білмеген дерімізді бір-бірімізден үйреніп білдік.Ата-ана ардақтау хақында айтылған хадистерді оқып талдадық.Осының барлығы ата-аналардың арқасы. Ол үшін алдымен ата-анамызды ардақтап,құрметтеп,сыйлау біздің басты міндетіміз екенін ұмытпайық.