Тақырыбы: «Әлемнін жарығын,сыйладың сен маған!»

Мақсаты: Баланың өмірдегі ең асыл да, қамқор жаңашыры да Ана екенін, Анаға деген құрметті, бар жақсылықты көрсете білуге тәрбиелеп, аналарына деген ыстық лебіздерін мерекелік шашумен жеткізуге талпындырып, ана мен бала арасындағы қарым-қатынасты кеңейту.

Жүргізуші: - Сәлеметсіздерме қадірлі де құрметті аяулы аналар, асыл әжелер, қызғалдақ қыздар! Көңілдеріңізге көктем шуағындай, сезім мен нұр құйып 8-наурыз халықаралық әйелдер мерекесі де келіп жетті. Осынау көктем мерекесінің қай кезде де орны бөлек. Өйткені аналарға ыстық сезім, алғыс пен құрмет ешқашан сөнбек емес. Себебі, ана өмірдің гүлі, көңілдің жыры, әр отбасының алтын діңгегі. Ендеше көктемнің алғашқы күндеріне арналған  «Лалагүл»  ортаңғы тобының бүлдіршіндерінің дайындаған «Әлемнін жарығын,сыйладың сен маған!» атты ертеңгілігімізге қош келдіңіздер.

(ортаға Лалагүл тобының бүлдіршіндері қыздардың қолдарынан ұстап кіреді)

Жүргізуші: - Ана деген өмірдегі ұлы есім,

Бақ тілесе анадай – ақ тілесін.

Ана деген ардақты ат, сен оны,

Ана жайлы ән тыңдасаң білесің.

Балалар ең асыл жан кім? \Ана\

Айым,күнім, ботақаным деп еркелететін кім? \Ана\

Балалар бізге ең тәтті,ең дәмді тағамды кім дайындап береді ? \Ана\

Сонымен бүгін қандай мереке? \Аналар мерекесі\

Осындай үлкен мерекеде аналардың жүзіне кішкене болса да қуаныш сыйлағымыз келе ме? \ Иә \

Біздің балалар аналарымызға арнап дайындаған әсем әнін тарту етеді.

Ән: «Құттықтаймын мама»

Жүргізуші: Балалар, қараңдаршы айнала көз салайықшы. Көктем күн шуағын төгіп тұр. Балалар міне көптен күткен көктем де келіп жетті, көктемде күн жылып, ағаштар бүршік атып, күн шуағын шашып мейірмге толы аналар мерекесін де ала келді. Адамдарға қуаныш сыйлайтын сиқыршы көктем. Олай болса мерекеге Көктем ханшайымын шақырайықшы.

(Ортаға музыка әуенімен Көктем ханшайымы келеді)

Көктем ханшайымы: -Сәлеметсіздерме балалар, мен көктем Ханшайыммын. Балалар мен сендерге күннің шуағын алып келдім, қыстың суығымен қарлы боранды алысқа қудым.Ал өзімен бірге жарқырыған күннің нұрын, жылуын және нәзік жандылар мерекесін ала келдім. Сендерге келуге асықтым.

Қош келіпсіздер ақ жаулықты әжелер мен аналар.

Жүздерінен мейірімімен нұр тамар

Құшақ жая қарсы аламыз сіздерді

Би билейік, ән де бүгін шырқалар.

Жүргізуші: Ару көктем армысың

Көкке біткен әнбісің

Жерге біткен сәнбісің

Жайнап өскен талмысың

Хош келіпсің армысың.

Көктем ханшайымы,қош келдің,төрлет! Біз сені көп күттік ! Сен біздің аналарымыз бен қыздарымызды, әжелерімізді құттықтауға асығып жетіпсін. Ендеше сен біздің балаларымыздың аналарына арнаған тақпақтарын тамашала.

Сенен өскен балалар,

Батырлар мен даналар.

Құттықтаймыз мейраммен,

Құрметті аналар! - деп балалардың аналарына араналған тақпақтарын қабыл алыңыздар.

Балалардың тақпақтары: Әбілмансұр, Наби, Аяулым, Арғұлан, Амиржан, Зере, Сафия, Рания, Бақытжан, Дария, А.Даниял, Мадина.

Жүргізуші: Ғажайып бақтың алғашқы гүлін сыйға тартайын, бұл сиқырлы гүл, барлық тілектерімізді орындайды. Ол үшін бірінші гүлімізден тілек сұрайық.

Дүниеде ең кемеңгер дананы,
Ана табады,аялайды бағады.
Сол үшінде құдіретіңе бас иіп,
Құрметтейік қасиетті-ананы-дей отырып балаларымыздың ардақты аналарына арналған әнін қабыл алыңыздар.

Ән: «Көп жаса, Анашым!»

Жүргізуші: Ұш, ұша түс гүл желек

Бақшамызға қон желек,

Баршамызға аналар

Зор денсаулық біз тілейді.

Қазір шығып ортаға ,

Қыздарымыз «Көбелек» биін билейді.

Би: «Көбелек»

Көктем ханшайымы: Жарайсыңдар балалар, өте өнерлі балалар екенсіңдер. Балалар сендермен ойнауға әсем гүлдерімді алып келдім. Сол гүлдерді жерге қоямын, музыка ойналады, сендер билейсіңдер,музыка тоқтағанда тез гүлді жерден алу керек, кім үлгермейді сол ойыннан шығады. Ойын екі рет ойнатылады. (ер балалар ойнайды)

Ойын: «Гүлдерді жинау»

Жүргізуші: Біз үшінші гүл желегін жұлайық ,

Батыстан асып, шығысқа

Ұшып бар деп сұрайық.

Аяулы ана, асыл әже

Тақпақтарды біз сіздерге арнайық.

«Аналардың алдында асқар тауда аласа» – дейді халық, ендеше аналардың анасы сүйікті әжелерімізге арнап балалар тақпақтарын айтып берсін.

Балалардың тақпақтары: Айлен, Нұрислам, Алияр, Айару, Аянат, Парасат.

Жүргізуші: Ойын: «Анамыздың көмекшілеріміз»

Шарты: қыздар музыка әуенімен қимыл-әрекеттер жасайды.

Жүргізуші: Ақ арманға гүл желектен сұрайық

Ол үшін біз тағы бірін жұлайық.

Ананың біз гүліміз

Ана біздің күніміз

Тек сіздерге арналады.

Міне біздің биіміз.

Ұлдарымыз аналарына арнап би дайындады, қабыл алыңыздар.

Би: «Анашыма»

Көктем ханшайымы: - Кәне қыздарыммен бір ойын ойнағым келіп тұр. (Ортаға қыздар шығады)

Ойын : «Кір жаюға көмектес»

Шарты: Қыздар екі топқа бөлініп тұрады, екі кісі кір жаятын жіпті екі шетінен ұстап тұрады, Қыздар бір-бірлеп орамалдарды тасып, жіпке жаяды.Кай топ бірінші болса сол топ жеңіске жетеді.

Жүргізуші: Гүл желектің біреуін

Қане, жұлып көрейік.

Сізге бүгін сый құрмет

Жан аналар мерейін

Келіпті бізге қонаққа,

Аспаптар үйінен балалар,

Осы нұрлы көктемнің

Оркестр үнін көрсетпек….

Оркестр: «Қолғап»

Шарты: Ұлдар қолдарына қолғап киіп, музыка әуенімен қимылдарды жасайды.

Жүргізуші: Гүл желектің соңғысын,

Қане, жұлып көрейік.

Ақ анашым, әппағым.

Өзің жайлы тақпағым.

Арналады сіздерге.

Бар баланың тақпағы,-деп балаларымыздың әншашуын қабыл алыңыздар.

Балалардың тақпақтары:Айсултан, Айша, Ахмет-Али, Расул, Алихан,Алибек,Алижан, Асанали, Абу-Рахман, Д.Даниал, Ибраһим, Томирис.

Көктем ханшайымы: - Әнімізге ән беретін, кешімізге сән беретін аналарымызбен бірге ойын ойнайық.

Ойын: « Анамызды сәндейміз»

Шарты: ортаға үш ата-ана шығып отырады. Балалары шығып аналарын әшекейлермен сәндейді.

Жүргізуші:  Көктем Аруы, құрметті аналар көрдіңіздерме біздің балалардың барлығы өнерлі, әнші және биші! Сізге ұнады ма ?

Көктем ханшайымы: Ия, балалардың өнері өте керемет екен, маған ұнады. Жақсы балалар, мен орманға баруым керек,ормандағы оянбаған аңдарды оятып, гүлдерді шығарайын, мына менің әсем гүлдерім сендермен үнемі бірге болады. (гүл шоқтарын апайына ұсынады)!

Сүті теңіз, еті ерен тау болсын,

Бала үшін түн ұйқысын төрт бөлген,

О, аналар!! Дендеріңіз сау болсын!!

Мерекелеріңіз мәңгілік болсын!

Музыка ойналып, Көктем ханшайымы залдан шығып кетеді

Жүргізуші: Аналардың мейірімі ерекше,

Талпындырған асулар мен белеске.

Аямаған шуағы мен жан нұрын,

Берші анама бар жақсылық, тәңірім!! – деп тілей отырып, сіздерге арналған сыйлығымызды табыс етейік… (Балалар қолдарындағы гүлдерін аналарына сыйлайды)

Аналар, қалқып бақыт аралында,

Лайым мұң қонбасын жанарыңа

Осымен ертеңгілігімізді аяқтайық,

Гүл бітсін бәріңіздің қадамыңа.

Міне ардақты аналар, ақ жаулықты әжелер, міне біздің сіздерге арнап әзірлеген ертеңгілігіміз өз мәресіне де келіп жетті.

Аналарды сүйеміз

Ақылын ойға түйеміз

Әжені де ардақтап

Әдеппен бас иеміз - дей отыра, сіздерге көктемдей көтерінкі көңіл, күннің шуағындай мейрім,отбасылырынызға қуаныш пен шаттық, деңдерінізге саулық , балаларыныздың езуінен күлкі кетпесін дегім келді.

.