Әлеуметтік педагог қызметін “ата-ана-оқушы-мектеп” моделінде жаңғырту Мектептің ата – аналармен үнемі қарым-қатынасы баланың білім беру жетістігінің маңызды аспектісі болып табылады. Зерттеулер көрсеткендей, ата-аналардың мектеп өміріне қосылуы оқушылардың сабаққа қатысуы мен оқу үлгерімінің артуына әкеледі, сонымен қатар мектепке деген оң көзқарасқа, әлеуметтік дағдыларды игеруге және мінез-құлықты жақсартуға ықпал етеді. Әлеуметтік педагог – білім алушылардың (тәрбиеленушілердің) әлеуметтік және кәсіптік өзін-өзі дамытуына жағдай жасайтын, педагогтар мен ата-аналардың іс-әрекетін гуманизм принциптеріне негізделген, тарихи-мәдени дәстүрлерді ескере отырып ұйымдастыратын білім беру ұйымының қызметкері.