Т.Рысқұлов ауданының білім бөлімінің Максим Горький атындағы орта мектебі

«Бекітемін»

Максим Горький атындағы

орта мектебінің директоры

____________ Шымирбекова.О.Л

«_______»______________2025ж

Ерекше білім беруге қажеттілігі бар балаларды қолдау кабинеті

2025–2026 оқу жылына арналған жылдық жұмыс жоспары

Әдіскер: К.Е.Жуанышева

Луговой ауылы

2025 жыл

Түсінік хат

Ерекше білім беруге қажеттілігі бар (ЕБҚ) балаларды қолдау кабинеті жалпы білім беретін мектепте инклюзивті білім беруді жүзеге асырудың негізгі құрылымдық бөлігі болып табылады. Кабинет жұмысы әрбір балаға жеке білім алу траекториясын қамтамасыз ете отырып, олардың сапалы білім алуына, әлеуметтік бейімделуіне және тұлғалық дамуына жағдай жасауға бағытталады.

Қолдау кабинеті қызметі ҚР Конституциясы, «Білім туралы» ҚР Заңы, «Кемтар балаларды әлеуметтік және медициналық-педагогикалық түзеу арқылы қолдау туралы» ҚР Заңы, ҚР Оқу-ағарту министрлігінің 2025 жылғы 29 сәуірдегі №92 бұйрығы және 2025 жылғы 21 мамырдағы №117 бұйрықтары, сондай-ақ Ы.Алтынсарин атындағы Ұлттық білім академиясының 2025–2026 оқу жылына арналған әдістемелік-нұсқау хаты негізінде жүргізіледі.

Кабинетте әдіскер, әлеуметтік педагог, педагог-ассистент, логопед, дефектолог, психолог мамандар қызмет атқарады. Олар балалардың оқу жетістіктерін, психологиялық, сөйлеу, әлеуметтік дамуын бағалап, жеке даму бағдарламаларын әзірлейді және түзете-дамыту сабақтарын жүргізеді.

Жеке түзете-дамыту сабақтарының ұзақтығы – 30 минут, ал топтық және кіші топтық сабақтардың ұзақтығы – 45 минут. Бұл уақыт аралығы оқушының жас ерекшелігі мен даму деңгейіне сәйкес белгіленген.

Жеке сабақтар оқушының жеке ерекшеліктеріне сәйкес білім мен дағдыларды дамытуға бағытталса, топтық сабақтар балалардың қарым-қатынас жасау, бір-бірінен үйрену дағдыларын қалыптастыруға мүмкіндік береді. Сонымен қатар ата-аналарға кеңес беру, мұғалімдерге әдістемелік қолдау көрсету де кабинет жұмысының маңызды бөлігі болып табылады..

Жоспардың негізгі бағыттары:

• Диагностикалық жұмыс – оқушылардың даму ерекшеліктерін анықтау;

• Консультативтік жұмыс – ата-аналарға, мұғалімдерге кеңес беру;

• Түзете-дамыту жұмысы – жеке даму бағдарламаларын жүзеге асыру;

• Ағартушылық жұмыс – инклюзивті білім беру мәдениетін қалыптастыру;

• Ұйымдастыру-әдістемелік жұмыс – құжаттама жүргізу, есеп беру, тәжірибе алмасу.

Осы жоспардың жүзеге асырылуы ЕБҚ бар балалардың мектептегі оқу процесіне толыққанды қатысуына, өз әлеуетін ашуына және қоғамға сәтті бейімделуіне ықпал етеді.

Басшылыққа алып жұмыс жүргізетін құжаттар

1. Конституциялық және заңнамалық негіздер

1. Қазақстан Республикасының Конституциясы, 1995 жыл, 30 тамыз.

2. «Білім туралы» Қазақстан Республикасының Заңы, 2007 жылғы 27 шілде, №319-III.

3. «Кемтар балаларды әлеуметтік және медициналық-педагогикалық түзеу арқылы қолдау туралы» ҚР Заңы, 2002 жылғы 11 шілде, №343.

4. «Қазақстан Республикасындағы бала құқықтары туралы» ҚР Заңы, 2002 жылғы 8 тамыз, №345.

2. Халықаралық құжаттар

5. БҰҰ-ның «Бала құқықтары туралы» Конвенциясы, 1989 жыл, 20 қараша.

6. Саламанка декларациясы және іс-әрекеттер шеңбері, Испания, 1994 жыл.

3. Үкімет қаулылары

7. Қазақстан Республикасы Үкіметінің 2008 жылғы 30 қаңтардағы №77 қаулысы «Мемлекеттік білім беру ұйымдары қызметкерлерінің үлгі штаттарын бекіту туралы».

8. Қазақстан Республикасы Үкіметінің 2019 жылғы 20 желтоқсандағы №988 қаулысы «Қазақстан Республикасында білім беруді және ғылымды дамытудың 2020–2025 жылдарға арналған мемлекеттік бағдарламасы».

4. Министрлік бұйрықтары мен қағидалар

9. ҚР Оқу-ағарту министрінің 2022 жылғы 12 қаңтардағы №4 бұйрығы «Ерекше білім беру қажеттіліктерін бағалау қағидалары» (Әділет министрлігінде 2022 жылғы 24 қаңтарда №26618 тіркелген).

10. ҚР Оқу-ағарту министрінің 2025 жылғы 29 сәуірдегі №92 бұйрығы «Білім беру ұйымдарындағы психологиялық-педагогикалық қолдау қызметінің жұмыс қағидалары».

11. ҚР Оқу-ағарту министрінің 2025 жылғы 21 мамырдағы №117 бұйрығы «Мүмкіндігі шектеулі балаларды арнайы психологиялық-педагогикалық қолдау стандарты».

12. ҚР БҒМ 2018 жылғы 30 қазандағы №595 бұйрығы «Тиісті үлгідегі білім беру ұйымдары қызметінің үлгілік қағидалары».

13. ҚР БҒМ 2009 жылғы 13 шілдедегі №338 бұйрығы «Педагог қызметкерлер мен оларға теңестірілген тұлғалардың лауазымдарының үлгілік біліктілік сипаттамалары».

14. ҚР БҒМ 2020 жылғы 4 мамырдағы №175 бұйрығы «Педагогтердің біліктілігін арттыру курстарының білім беру бағдарламаларын әзірлеу, келісу және бекіту қағидалары».

5. Әдістемелік-нұсқаулық материалдар

15. Ы.Алтынсарин атындағы ҰБА. «2025–2026 оқу жылында Қазақстан Республикасының жалпы білім беретін мектептерінде білім беру процесін ұйымдастырудың ерекшеліктері туралы» әдістемелік нұсқау хат. – Астана, 2024.

16. «ЕБҚ бар балаларға жалпы білім беру мектебінде психологиялық-педагогикалық қолдау көрсету» әдістемелік нұсқау. Алматы, 2022.

17. ABLLS-R протоколы (Джеймс Партингтон), 2010 (қазақ тіліндегі бейімделген нұсқа – Астана, 2022).

Мақсаты:

Мүмкіндігі шектеулі және ерекше білім беруге қажеттілігі бар балаларды психологиялық-педагогикалық қолдау арқылы олардың әлеуетін ашуға, ортаға бейімделуіне, сапалы білім алуына, қалыпты баланың қатарына қосылып, тұлға ретінде жан-жақты дамуына жағдай жасау.

Міндеттері:

• Ерекше білім беруге қажеттілігі әлі айқындалмаған, оқуда қиындықтары бар балаларды ерте кезеңде анықтау және мониторинг жүргізу;

• Баланың психологиялық-педагогикалық ерекшеліктерін зерттеу, жеке тұлға ретінде қалыптасуына жағдай жасау, зейіні төмен, оқуында кідірісі бар оқушылармен жүйелі жұмыс ұйымдастыру;

• ЕБҚ бар балаларға қолдау көрсетуге мектеп ұжымының дайындығын анықтау, сауалнама, сұрақнама, әңгімелесу әдістерін қолдану;

• Ерекше қажеттіліктері бар балаларға қабілеттеріне, қызығушылықтарына, денсаулық жағдайына сәйкес жеке даму траекториясын құруға көмектесу;

• Ата-аналарға баламен өзара әрекет ету тәсілдерін үйрету, жанұя жағдайында тәрбиелеу мен оқытудың тиімді әдіс-тәсілдерін меңгеруге қолдау көрсету;

• ЕБҚ бар балаларға арналған жеке оқу бағдарламаларын, жеке даму бағдарламаларын әзірлеу және жүзеге асыруды қамтамасыз ету;

• Оқушылардың әлеуметтенуін, дербестігін дамытуға бағытталған түзете-дамыту сабақтарын ұйымдастыру;

• Мұғалімдер мен мамандардың (әлеуметтік педагог, дефектолог, логопед, психолог, педагог-ассистент) өзара іс-қимылын үйлестіру, әдістемелік көмек көрсету;

• Ерекше білім беруді қажет ететін балалардың құқықтарын қорғау, олардың тең мүмкіндіктермен сапалы білім алуын қамтамасыз ету;

• Инклюзивті ортада толерантты қарым-қатынасты қалыптастыру, сыныптастарының ЕБҚ бар оқушыларға деген оң көзқарасын дамыту.