«Алға балақай!»

Мақсаты: балалардың дене қимылдарын дамыту,қимылды ойындарға деген қызығушылығын арттыру,шапшаңдылыққа,ептілікке үйрету,жаны таза ұрпақты салауатты өмір салтына тәрбиелеу.

Құрал-жабдықтары: кардондар,кеглилер,доптар.

Құрметті тәрбиешілер мен балалар, бүгінгі «Қане, алға балақай!» сайысына қош келдіңіздер! Көңілді жарысқа 2 топтың яғни, «Сұңқар» және «Тұлпар» тобының балалары қатысады.
Ұстанған салауатты өмір салтын,
Жасқанып, ешқашан да мойымайтын,
Болашақ спортшылар келді ортаға
Қол соғып қарсы алайық, қане, халқым!- деп жарысқа қатысушы балаларды ортаға шақырамыз.

Салауатты өмір салтын сақтаңыз,
Жаттығудан ешқашан да қашпаңыз.
Бала бақша балалары
Парасатты, айбынды,
Болыңыз сіз сегіз қырлы, бір сырлы.

- Сайысты бастамас бұрын, қалай бағаланатыны түсіндіріп айтайын. Әр кезең сайын қай топ жеңімпаз болып келсе, мен сол топқа бір карточкалар беріп отырамын.
- Спорттық сайысымыз әр бөлімнен жеңіп алған карточкалары арқылы бағаланады.

Сайыс 6 бөлімнен тұрады:

1. «Қос аяқпен секіру»

2. «Ирелеңдеп жүру»

3. «Кеглиларды құлату»

4. «Кім жылдам?»

5. «Жас спортшылар»

Құрметті сайыскерлер! Сіздерге сәттілік! Сайысымызды бастаймыз.

I — топ «Сұңқар» Ұраны: «Сұңқарлар алға, биікке самға, ешкімнен қалма!»
II — топ «Тұлпар» Ұраны: «Тұлпар болып шабамыз, сұңқардан біз озамыз»

I. Кезең. «Қос аяқпен секіру»
Шарты: Қос аяқпен берілген бес шеңбер ішіне секіріп, үстел үстіндегі түстерді орналастырып белгіленген конусты айналып, кері қарай тап солай тапсырманы орындау. Эстафетаны келесі ойыншыға беру, ойынды бірінші болып бітірген топ жеңімпаз болып есептелінеді. Бағалау.

ІI. Кезең. «Ирелеңдеп жүру»
Шарты: Сызылған сызық бойымен ирелеңдеп жүріп барып,орындық үстінде отырған балаларды тамақтандырады, белгіленген конусты айналып, кері қарай тік жүгіріп қайтады. Эстафетаны келесі ойыншыға беру, ойынды бірінші болып бітірген топ жеңімпаз болып есептелінеді. Бағалау.

Ш. Кезең. «Кеглилерді құлату»

Шарты:Тізіліп тұрған келилерді доппен құлату.Эстафетаны келесі ойыншыға беру, ойынды бірінші болып барлық кеглиларды құлатып болған топ жеңімпаз болып есептелінеді. Бағалау.

ІҮ. Кезең. «Кім жылдам?»
Шарты: балалар өздеріне берілген кедергілер бетімен жүріп отырып шариктерді нысанаға лақтырады. Эстафетаны келесі ойыншыға беру, ойынды бірінші болып бітірген топ жеңімпаз болып есептелінеді. Бағалау.

Ү. Кезең. «Жас спортшылар»
Шарты: балалар стаканның ішіне шарды үрлей отырып жүгіріп, белгіленген үстел үстіне стакандарды жинайды. Эстафетаны келесі ойыншыға беру, ойынды бірінші болып бітірген топ жеңімпаз болып есептелінеді. Бағалау.



Спорт – көркі өмірдің,
Спорт - досың, серігің.
Жаттықсаң шымыр боларсың,
Шынығып, өсіп, толарсың, - демекші салауатты өмір салтын ұстанып, спортты серік етейік достар!

Сайысымыздың шарттары бойынша қорытынды шығарып жеңімпаздарды анықтап, марапаттау.

Балалардың қолындағы карочкаларды санау. Қай топтың карточкалары көп сол топ жеңімпаз болады. Балаларды марапаттау.