Алға, жас маман

КВН - өте қызықты да тартысты да ойын түрлерінің бірі. Балалардың қобалжуы, ата-аналардың көңіл-күй сезімі, жан толқынысы осы ойын барысында айқын байқалып тұрды. Бірақ, «Ат шаппайды, бап шабады» дегендей, квн-ға қатысқан оқушылардың әуел бастан-басы қасында болып, осы сайысқа дайындаған Шахноза Сабиржановна және Махаббат Мұхтарқызы еді. Дайындық барысында әр түрлі қызықтарды да бастан кешірдік. Балалардың квн-ға деген құлшынысы өте керемет болды. Олар өз өнерлерін барынша көрсете білді. Дайындықпен бірге сабақты да қатар алып жүрді. Оқушылардың барлық ерке қылықтарына, іс-әрекеттеріне шыдамдылық танытып, бірге алып шыққан жас мамандар болатынбыз. Әрине бізге балалармен жұмыс жасаған қиындық туғызбады, қайта өз білімімізді, өнерімізді ортаға салып, өзімізді де шыңдай білдік.

Қорыта келсек, біз жеңіске жете алмадық. Бірақ, «Белсене қатысқанымыз» үшін мақтау грамотасымен марапатталдық. Біздің қатысып, Қарлыкөл негізгі мектебінің атын шығарғанымыздың өзі бізге бір жеңіс болды. Алдағы уақытта осындай сайыстарға қатысып, әлі талай белестерге қол жеткізетінімізге кәміл сенімдеміз.