«Алғашқы қоңырау»» салтанатты жиынының сценарийі

«Әділетті Қазақстан: сапалы білім, адал ұрпақ, табысты ұлт»

Өткізген:

2023-2024 оқу жылы

«Бекітемін»

Мектеп директоры

1-қыркүйек – Білім күніне арналған

«Алғашқы қоңырау»» салтанатты жиынының сценарийі

Өткізілетін орны: Мектеп алаңы

Өткізілетін күні: 01.09.2023ж

Басталуы: 08.00

Көрнекілігі:  Қазақстан туы, шарлар, гүлдер, ұлағатты қанатты сөздер.

Фанфар ойнайды:

1- жүргізуші:       

Өмір бойы мектебімді жыр етем,

Бір өзіңде бақыт, білім, берекем.

Шәкірттерің өрістесін, өрлесін,

Құтты болсын «Білім күні»- мерекең!

2-жүргізуші: Армысыздар, құрметті қонақтар, ұстаздар, ата-аналар және оқушылар! Бүгінгі сағынышқа, шатыққа толы «Әділетті Қазақстан, сапалы білім, адал ұрпақ, табысты ұлт»» мерекесі құтты болсын!

1-жүргізуші:

Қасиет тұнған, құт қонған мекен – аймағым,

Қастерлеп дәйім ұйытқан бірлік қаймағын.

Терезесі тең төрт құбыламды сайладым,

Астанам – айбын, айдыным менен айбарым!

Ерлігім, есіл өрлігім бойды қуаттап,

Тік ұстап келем Тәуелсіздіктің байрағын! 1-қыркүйек - Білім күні мерекесі «Әділетті Қазақстан, сапалы білім, адал ұрпақ, табысты ұлт»салтанатты жиынына қош келдіңіздер!

1-жүргізуші:

Біреулер енші ап өмірден,
Аттанбақ болса асып қыр
Біреулер балғын көңілмен
Алғашқы қадам басып тұр

Сондықтан да назарды,
Солар жаққа бұрайық
Балдырғандарды базарлы
Қарсы алып, қол ұрайық - дей келе ортамызға алғаш рет шәкірттеріне әріп үйретіп, білімнің асқар шыңына жетелейтін ұлағатты ұстазымыз бен бүлдіршіндеріміз.

(Музыка ырғағымен 1-сынып оқушыларын жетектеп, ұстаздары жиын өтіп жатқан алаңға шығып, ортаға 1 мәрте жүріп өтіп, арнайы дайындалған орынға келіп тұрады.)

1-жүргізуші:

Атқанда азат мөлдіреп таңы,
Уілдер сәби, елжіреп кәрі.
Қастерлі кием, намысы елдің,
Көк туым тұрсын желбіреп мәңгі.

Мектеп шәкірттері! Түзеліңдер! Тік тұрыңдар! Ел туына сап түзеңдер!

ҚР мемлекеттік туы әкелінсін!

2-жүргізуші:

1-жүргізуші:

Көгінде қалықтайды тау қыраны,

Сол қырдан болашағың танылады,

Тік тұрып қарсы алайық қалың қауым.

Шырқалады Қазақстан әнұраны!

(Әнұраны орындалады)

2-жүргізуші:

Ендігі кезекте, бүгінгі біздің мерекеміздің құрметті қонақтарымен таныс болыңыздар.

1. __________________________________________________________

2. __________________________________________________________

3.

1 - жүргізуші:

Жан шуағы, күн шуағы арай ма,
Ұстаз деген әулиедей талайға
Басын иіп өткен жоқ па біз түгіл,
Әл - Фараби, Омар Хаям, Абай да- дей келе, «Әділетті Қазақстан, сапалы білім, адал ұрпақ, табысты ұлт» мерекесін салтанатты түрде ашу үшін алғашқы сөз кезегі мектеп директоры беріледі.

/Патриоттық ән шашу/

2-жүргізуші

Құшақ жая қай жерде де қарсы алар,
Абзал жан бар, биік тұлға байсалды.
Қуаныш пен салтанатты шақтарда
Қонақтар да ақ тілегін ақтарар – дей келесі сөз кезегін бүгінгі салтанатты мерекеміздің мәртебелі қонағы

__________________________________________________________________­­­­­­­­­­­ берсек.

Білім менің ертеңім
Өсу үшін өркенім
Жүзем оқу айдынында
Жайып білім желкенін.

(Музыка әуенімен 11-сынып оқушылары әліппені  1-сыныптарға сыйлайды)

2-Жүргізуші.

Ортаға 1-сыныпқа қадам басқан бүлдіршіндер келеді,

Жүрек жарды әндерін сіздерге айтып береді.

1-жүргізуші:

-Мектеп шәкірттері! Түзеліңдер! Тік тұрыңдар! Ел туына сап түзеңдер! ҚР мемлекеттік туы шығарылсын!

2-Жүргізуші.

Сыңғырла қоңырау, сыңғыр қақ,

Жаңа оқу жылы басталсын

Бал үнің сенің сырлы ырғақ

Сыныпқа бізді бастасын!

1- жүргізуші

Қоңырау үні шарықта,

Өзіңнің сиқыр тіліңде.

Қызмет көрсет халыққа,

Шақырып өнер – білімге

Құрметті ұстаздар, шәкірттер, ата – аналар!

Алғашқы қоңырауды соғу құрметіне ие болғандар мектеп мақтаныштары, оқу озаттары

2- Жүргізуші:

Жаңа оқу жылы құт болып,

Ізгілік оты жағылсын.

Бөбек пен түлек жұп болып,

Алғашқы қоңырау қағылсын!

1 - Жүргізуші:

Жаңа оқу жылы жемісті,

Мерейі үстем жыл болсын.

Шәкірттеріміз өрісті,

Елімдер қыз бен ұл болсын!

2 - Жүргізуші:

Қадірменді ұстаздар, ата- аналар, оқушылар,! Жаңа 2023 - 2024 оқу жылына арналған «Әділетті Қазақстан, сапалы білім, адал ұрпақ, табысты ұлт» атты салтанатты жиынын жабық деп жариялаймыз.

Ата – аналар қазір оқушылар мектепке кіреді. сыныптарында тәрбие сағаты өтіледі. Сіздер балаларыңызды мектептің сыртында күтулеріңізді сұраймыз. Ата – аналар мектепте кірмеулеріңізді өтінеміз.