Алғашқы қоңырау сценарий

Мектеп атауы

«Алғашқы қоңырау» атты салтанатты жиынының сценарийі

2023 – 2024 оқу жылы

Өтетін күні: 01.09.2023ж.

Өтетін уақыты: 09.00

Өтетін орны: Мектеп алаңы

Жүргізушілер: 1 - жүргізуші:

2 - жүргізуші:

Іс-шара барысы:

Муз номер

Рапорт тапсыру: Мектеп! Түзел! Тік тұр!

• Мектеп директоры **************** бүгінгі «Алғашқы қоңырау» мерекесіне арналған салтанатты жиынға дайын. АӘД жетекшісі *******

- Рапорт қабылданды!

- Мектеп, ҚР-ның мемлекеттік туына қарап сап түзе!

ҚР Гимні орындалады.

Ән:

Фанфар ойналады, жүргізушілер ортаға шығады

1- жүргізуші: Қайырлы күн, құрметті қонақтар, ұлағатты ұстаздар, аяулы ата-аналар және мектеп табалдырығын аттағалы отырған кішкентай бүлдіршіндер!

2-жүргізуші: 1- қыркүйек білім күніне арналған «Алғашқы қоңырау» салтанатты жиынымызға қош келдіңіздер!

1-жүргізуші: 2023-2024 оқу жылында тәрбие жұмысын ұйымдастыру кезінде Төле бидің 360 жылдық, Құрманғазы Сағырбайұлының 200 жылдық, Жүсіпбек Аймауытовтың 135 жылдық, Ілияс Жансүгіровтің 130 жылдық, Қаныш Сәтбаевтың 125 жылдық, Шәкен Аймановтың 110 жылдық, Әбілхан Қастеевтің 120 жылдық мерей тойлары аталып өтіледі.

2-жүргізуші: Бүгінгі салтанатты жиынымыздың қадірменді қонақтарымен таныс болыңыздар!

2-жүргізуші: Оқушыларды «Алғашқы қоңыраумен» Құттықтау сөз ------------------ беріледі .

ҚОНАҚ СӨЗІ

Би

1-жүргізуші: Ұлы ұстаз Ыбырай Алтынсариннің «Мұғалім – мектептің жүрегі» деген сөздерінен ұстаздың білім саласындағы рөлі мен жауапкершілігін айқындау қиын емес. Сөз кезегі мектеп директоры ************** қамқоршылық кеңес төрайымы *************** беріледі

Құттықтау сөз

Ән:

2 - жүргізуші: Жаңа оқу жылы баршаңызды жаңа жетістіктерге жетелесін. Күні ертең осы білім ордасынан еліміздің талай дүлдүлі мен таланттары аяқтанып шығатынына кәміл сенеміз! Бүгінгі салтанатты жиынның асыға күткен сыңғырлаған қоңыраудың үні соғылатын сәтте келіп жетті. «Алғашқы қоңырау» соғу 11 «*» сынып оқушысы мен 1 «*» сынып оқушысы ****** беріледі.

Алғашқы қоңырау соғылады

1-жүргізуші: Шәкірттеріміз білімді, өнерлі болып қалыптасуына өз еңбегін аямайтын ұстаздарымызға жаңа оқу жылында сәт сапар тілейміз.

Ту шығару рәсімі.

АӘД жетекшісі *****

1 - жүргізуші: Еліміз аман, беделі асқақ болсын!

Жаңа оқу жылы сәтті жыл болсын!

2 - жүргізуші: «Мектебім – мейірім мекені» тақырыбындағы бірыңғай сынып сағатына өтулеріңізді сұраймыз.