Алғыр алтау.

Тақырыбы: «Алғыр -алтау». Ы.Алтынсаринның шығармаларына арналған.
Мақсаты: Оқушылардың ойлау қабілетін, ой ұшқырлығын, оқуға ынтасын арттыру. Көрнекі іс - әрекеттік, сөздік - логикалық, ойлау әрекеттерін дамыту, ұйымдастырушылық қабілеттерін қалыптастыру. Оқушыларды шапшаңдыққа, икемділікке, ұжыммен жұмыста ұйымшылдыққа, жауапкершілікке, белсенділікке тәрбиелеу.
Түрі: интеллектуалды ойын
Әдісі: топтық, көрнекілік, сұрақ - жауап, сөздік
Ұйымдастыру кезеңі: Құрметті ұстаздар және оқушылар! Бүгінгі 3 – 4 сыныптар арасында өткелі отырған «Алғыр -алтау» атты сайысқа қош келдіңіздер.
Шын жүйріктер сыналады жарыста
Жарыстың ба орта жолда қалыспа
Әділқазы бағалайды сіздерді
Жеңіс мәре жақын ба, әлде алыс па?- деп бүгінгі сайысымыздың әділ қазылар алқасымен таныс болайық:
Оқу ісінің меңгерушісі: Н.Елюбаева
Бастауыш сынып мұғалімдері: Р.Елубаева, Қ.Манкеева
Сайысқа қатысушылар: 4,3 сынып оқушылары:
Ал енді сайысымыздың жоспарымен таныс болыңыздар:
1 - айналым. «Білімді болсаң, байқап көр»
2 - айналым. «Ойлы болсаң, ойлап көр»
3 - айналым. «Жүйрік болсаң, озып көр»
4 - айналым. «Тапқыр болсаң, тауып көр»
5 - айналым. «Сөз ойла, тез ойла»
- Білім деген биік шың
Бақытқа сені жеткізер
Білім деген ақылшың
Қиындықтан өткізер - деп білім сайысымыздың бірінші айналымына кезек береміз.
1 - айналым. «Білімді болсаң, байқап көр» Әр топқа зымыран сұрақтар беріледі. Әр дұрыс жауап 1 ұпаймен есептеледі. Уақыты – 30 секунд
Ы.Алтынсаринның шығармаларынан үзінді оқып, қай шығарма екенін анықтау.
2 - айналым. «Ойлы болсаң, ойлап көр» Мақалды жалғастыру керек, әр топқа 3 мақал - мәтел беріледі. Әр дұрыс жауап 1 ұпаймен есептеледі.
Сайыскерлер сіздерге
Қол соғайық бәріміз,- деп сайысқа қатысушыларды қолпаштап отырыңыздар.
Би: 3 сынып оқушыларының «Бипыл» биін тамашалайық
3 - айналым.Постер қорғау. Әр топтың оқушылары постер қорғайды. Ы.Алтынсаринның шығармалары бойынша постер қорғау.
4 – айналым. Өздері қалаған Ы.Алтынсаринның ертегісінен көрініс қояды.
5- айналым. Ы.Алтынсаринның өлеңдерін оқудан топтар сайысқа түседі.
Біреу озса сайыста, біреу артта қалады.
Ренжімей тарасса, озбағандар жарады.
Жарыс заңы ежелден - жеңімпазды анықтау,
Озат болу шарты сол – еңбектену, жалықпау - деп ойынымыздың соңғы бөлімін аяқтадық, оқушылардың ұпай санын есептеп, жеңімпазды анықтайтын кезге де жеттік. Әділ – қазылар анықтап болғанша, тамаша әуенге кезек берелік.
Әділ – қазылар алқасына сөз кезегін беру
Қорытынды:
Жарайсыңдар барлығың да өренім,
Асып - тасып төгілді ғой кемелің.
Риза болды қатынасқан көрермен,
Сайыстағы бар қызықты көргендер.

- Шәкірттерім менің! Алдағы уақытта да ерінбей, жалықпай оқуды оқып, ойымызға тоқып жүрелік. Білімді болыңыздар! Осыменен сайыс аяқталды.

Қарқаралы ауданы, Ынталы ауылы, ЖББ №3 орта мектеп

Алғыр -алтау

Өткізгендер: Ж.Жарылгапова.

Д.Смыкова

2016-2017 оқу жылы