"Алтын күз"

Музыка ойнап, әсем безендірілген залға балалар келіп кіреді. 
Жүргізуші:

Қарсы алайық бәріміз,
Жасымыз бен кәріміз.
Қырдан кепті қыдырып,
Алтын күз бізге нұр төгіп.

Тілегім аман болсын ел іргесі,
Алтын күз қайта келді берекесі.
Молшылықтың жаршысы бола білді,
 Алтын күз-ырыс,береке,бірлік ала келді.

Армысыздар қадірлі қонақтар! «Алтын күз» атты ертеңгілігімізге қош келдіңіздер! Балалар мен сендерге бір жұмбақ жасырғым келіп тұр.

«Көк майсалы көрікті, алқаптағы көп егін
  Бұл күндері киіпті, сары жібек көйлегін» - Бұл не, балалар? (Күз мезгілі)

(ендеше, күз мезгіліне арнаған өлең шумақтарымызды тыңдайық)

Тақпақтар:

1.Ақсәуле

Құстар қайтты ән салып

Бұлт шарлады аспанды

Қыс келеді жар салып

Күзгі суық басталды

2.Ж.Аяулым

Қарашы күз келді ,күз келді

Жапырақ жауыпты іздерді

Құс біткен керуен түзеді

Көңілсіз неліктен күз еді?

3.Ж.Арайлым

Алтын сары қызыл көк

Алуан –алуан жапырақ

Күз бақта күлімдеп

Көз тартады атырап

4.А.Айзере

Берекесін сыйлауға

Өлкемізге күз келді

Жемістерін жинауға

Шақырады біздерді

5.А.Азиза

Жемісі мол теретін

Күз дос екен бізбенен

Бәрін тауып беретін

Күз дос екен бізбенен

Ән: «Ой қандай күз»

Би : Жапырақтар

Әуен ойнайды .

Балалар бізге қонақ келе жатқан сияқты.Ол кім болды екен?

Күз ханшайымы:  Сәлем менің достарым,
                               Өмірге көп қосқаным,
                               Күз сыйлығын алыңдар
                               Сыйлығына қаныңдар.
                               Молшылыққа кенеліп,
                              Шаттық әнге салыңдар.

Жүргізуші: Сәлеметсіз бе, Күз ханшайымы! Біздің балалар сізді асыға күтті.

Күз ханшайымы: Рахмет, менің достарым! Ал, мен сендерге жұмбақ ала келдім.

1.Бұтақта ілініп тұрамын,

Піскенде себетке құладым.(Жеміс)

2. Ашулы қонақ бұл анық,

Тонып шешсе жыладық. (Пияз)

Жүргізуші: Күз ханшайымы, біздің балалар, егін және күз жайлы тақпақтар біледі.  

6.Заңғар:   

Жетті желмен алтын күз,
Жеміс жинау салтымыз
Жиып-теріп болған соң    

Той жасайды халқымыз,

7. Көзайым:

Көк майсалы көрікті, 
Алқаптағы көпегін. 
Бұл күндері киіпті, 
Сары жібек көйлегін. 

8.Әсел

Жүзім пісті бір бірлеп

Үзіп мәзбіз біз енді

Қыркүйекте күмбірлеп

Берекелі күз келді

9.Ә.Нұрислам

Қамба толды астыққа

Алғыс саған алтын күз

Бір уыс дән шаштықта

Қап қап қауын алдық біз

10.Құралай

Алқаптағы бидайды

Қоймаға ел жинайды

Тырнасы тізілген

Ұнатамын күзді мен
Ән: «Күзгі вальс»

Жаңбырдың дыбысы естіледі.

Жүргізуші:

-Балалар ненің дыбыс ?

-Жаңбыр

-Иә дұрыс айтасыздар жаңбырдың дыбысы , жаңбыр жауғанда қолымызға не аламыз?

-Қолшатыр

Олай болса қолшатырмен сұлу қыздарымыздың биін тамашалайық

Би: Қолшатыр

Көңілді тамаша жаңбырда қолшатырға арналған әнімізді айтайық.

Ән: «Қолшатыр әні»
Күз ханшайымы: Балалар сіздердің шапшаңдықтарыңызды байқап көрейік

Ойын: «Қолшатырды тез ал»

Жүргізуші:

Алтын нұрдай тамшылап, жапырақтар төгілді
Біздің өмір таң шуақ, біздің өмір көңілді    
Біреу астық түсіріп, біреу бидай ұшырып,
 Жатқан мезгіл күз екен, алдым соны түсініп

Тақпақтар:

Қ.Әли П.ӘЛИ Медина Х.Азиза
Күз ханшайымы: Керемет! Қандай әдемі! Балалар, менің басқа балабақша бүлдіршіндеріне  баратын уақытым болыпты. Мен енді кетейін, келесі кездескенше сау болыңдар!
Жүргізуші: Құрметті қонақтар, бүгінгі «Алтын күз» - атты ертеңгілігімізді аяқтай отырып, күз берекелі, астықты болсын демекпіз. Сау болыңыздар қонақтар, келгенше жыл айналып.

№31 «Күншуақ» балабақшасы

№4 «Балдәурен» ересек тобының

«Алтын күз»атты ертеңгілі

Топ тәрбиешілері: Кенжегалиева Т.Ш

Онкалбаева С.Ж

Саз жетекшісі: Муканова Л.И