Кіші тобына арналған

«Алтын күз» ертеңгілігінің сценарийі.

Тәрбиеші:

Абдусаметова Диля

2023-2024 оқу жылы

«Алтын күз» кіші тобына арналған ертеңгілігінің сценарийі,

Жүргізуші: - Қайырлы күн!Армысыздар, құрметті ата - аналар мен ардақты қонақтар! Ел байлығын арттырған, берекелі күз айы да келді. Бүгінгі «Алтын күз» ертеңгілігіне қош келдіңіздер!

(Музыка әуенімен бүлдіршіндеріміз залға кіреді.) 

Ал енді кішкентай бүлдіршіндердің орындауындағы «Балақан» әнін қабыл алыңыздар.

Ән: «Балақан»

1.Бала бала, балақан,

Қане, қайсы алақан?

Саусақтарын әйбат,

Былай-былай ойнат.

Жүргізуші: Берекелі, мерекелі,

Келді жомарт алтын күз.

Қалада да, далада да,

Жаның бәрі жарқын күз.

-Балалар, бізге қонаққа Күз ханшайымы келемін деп еді, қане күз ханшайымы жолда келе жатқан шығар, алақанымызды соғып қарсы алайық!

Балалар Күз ханшайымын қол соғып қарсы алады.

(Ішке сары киім киген Күз ханшайымы қолындағы себетімен музыка әуенімен кіріп келеді. Себеттің ішінде күзгі жапырақтар, алмалар салынған.)

Күз ханшайымы:Алтын түске боялды,

Тау мен қырқа дала, түз.

Келдім міне ортаңа,

Менің атым Алтын күз!

- Сәлеметсіңдер ме, балалар? Қараңдаршы, айналаның бәрін алтын түске бояп та қойдым. Қандай тамаша! Барлығы сары түске боялған.

Жүргізуші: Қош келдің, Күз ханшайымы! Төрлет! Қонағымыз бол! Біз сізді асыға күттік. Тырна көкте тыраулап,

Қош, қош айтты,«кеттім»-деп.

Шөптің басына қыраулап,

Күзде келіп, «жеттім» деп.

Күз ханшайымы, бүгінгі ертеңгілігімізге дайындап келген бүлдіршіндеріміздің биын тамашалаңз

«Би қыздар»

Күз ханшайымы: Ой, бәрекелді,  Менің сендерге әкелген сиқырлы жапырақтарым да бар. Ол жапырақтарды ұстаған сәтте билей жөнелесіңдер. Оған қазір өздерің куә боласыңдар. Қане, келіңдер мына жапырақтармен би билеп, көңіл көтерейік.

Би: «Сиқырлы жапырақтар» биі.

(Балалардың барлығы Күз ханшайымын ортаға алып жарты шеңбер құрып тұрады, музыкалық ырғақтық қимылдармен орындайды.) 

Күз ханшайымы: Алтын, сары, қызыл, көк,

Алуан-алуан жапырақ.

Ағаштардан жамырап,

Ұшты кенет жапырақ, деп жарыпақтарды жерге шашады.

Ойын: «Жапырақтарды жинаймыз!»  Ойын шарты: Жапырақтың түсін ажыратып екіге бөліп жинау.Ойынға екі себет, жапырақтар дайындау керек!

Алтын күз: -Жарайсыңдар, балалар, рахмет сендерге!

Жүргізуші:-Балалар, енді  Алтын күзге арнап би билеп берейік.

«Ұлдар  би»

Жүргізуші: Ал, балалар тұрмайық,

Мерекеде бүгінгі,

Күзгі бақтай сыңғырлап,

Шырқап әнге салайық.

“Алтын күз келді” Әні мен

Күз ханшайымы: Рахмет, балалар, әнді жақсы айтады екенсіңдер!

Күз ханшайымы: - Ыңтымақты еліме ырыс болып енемін.

     Күздің сыйын көз тартар, өздеріңе беремін, деп

(алмалар салынған себетті Тәрбиешіге береді)

қолындағы алма толы себетін сыйлап, музыка әуенімен шығып кетеді. 

Жүргізуші: -Рахмет саған, қош бол Күз ханшайымы! Балалар Күз ханшайымын шығарып салайық. Балалар, бүгінгі біздің күз мерекесіне арналған ертеңгілігіміз аяқталды.

Меңгерушіге құттықтау сөз беріледі.

 Жүргізуші-Берекелі, мерекелі жомарт күздің сыйы әрбір отбасының ақ дастарханынан арылмасын. Еліміз аман болып, заманымыз тыныш болсын. Осымен біздің күз мерекесіне арналған ертеңгілігіміз аяқталды.