КЕЛІСІЛДІ «БЕКІТІЛДІ»

№81 «Әсемгүл» балабақшасы   №81 «Әсемгүл» балабақшасы  

әдіскері М.К.Байжигитова меңгерушісі Ж.С. Маматова

«____»______________2025 жыл. «____»________________2025 жыл.

Тақырыбы: «Алтын күз»

(«Қоңыраугүл» кіші тобының «Алтын күз» мерекесіне

арналған ертеңгілігі)

Тәрбиешілер: Ахын.Ж.Б

Астана, 2025 ж

«Қоңыраугүл» кіші тобының "Алтын күз" ертеңгілігі

Мақсаты: Балаларға күз мезгілінің ерекшеліктерін таныстыру, табиғатқа деген сүйіспеншілікті ояту, шығармашылық қабілеттерін дамыту, эстетикалық талғамын қалыптастыру.

---

1. Балалардың залға кіруі:

(Музыка әуенімен балалар жұптасып, қол ұстасып залға кіреді. Шеңбер жасап тұрады)

Тәрбиешінің сөзі:

– Қош келдіңіздер, қадірменді қонақтар! Бүгін біз сіздермен бірге «Алтын күз» атты мерекелік ертеңгілігімізді атап өтеміз. Күз – молшылықтың, берекенің, жомарт табиғаттың мезгілі. Күзде бау-бақша өнім береді, жер бетін түрлі-түсті жапырақтар көмкереді. Ендеше, мерекемізді бастайық!

2. Алтын Күздің келуі:

(Музыкамен Алтын Күз кейіпкері кіреді, қолында себет пен қолшатыр)

Алтын Күз:

– Сәлем, балалар! Мен — Алтын Күзбін. Сендерге молшылық пен береке әкеліп келдім. Қаншама жеміс-жидек, көкөніс, астық жинадыңдар! Мен сендерге көңіл сыйлаймын, ән мен би, ойын арқылы күзгі шаттық әкелемін.

---

3. «Жаңбыр мен күн» ойыны:

(Балалар Алтын Күзбен бірге «күн шыққанда – секіреді», «жаңбыр жауса – қолшатыр астына тығылады» ойынын ойнайды)

---

4. «Қолшатыр» әні орындалады:

(Балалар қолшатырмен би қозғалыстарын жасап ,ән айтады)

Қолшатыр

Қолымызда қолшатыр,

Қызыл,сары,көк,жасыл.

Қорықпаймыз жаңбырдан,

Сен батыл да,мен батыл.

---

6. «Сары жапырақтар» биі:

(Би қимылдары сары жапырақтармен, музыка ырғағымен)

---

8. Алтын Күздің қоштасуы:

Алтын Күз:

– Жақсы балалар, менімен ойын ойнап, ән айтып, би билеп көңіл көтердіңдер. Енді мен басқа да балаларға қуаныш сыйлауға аттанайын. Сау болыңдар, алтын балалар!

---

9. Қорытынды:

(Тәрбиеші қорытындылап, ата-аналарға алғыс айтып, балаларды мадақтайды)

– Балалар, бүгінгі мерекеміз өте тамаша өтті! Алтын күз секілді көңіл-күйіміз де жарқын болсын! Барлығыңызға рахмет!