Алтын күз туристік сайысында білім алушыларымыз жеңіске жетті.

Түркістан облысының Жетісай ауданының білім бөлімінің және де «Балалар мен жасөспірімдер шығармашылық орталығы» КММ-нің Жылы су және Атамекен ауылдық округтеріне қарасты   мектеп оқушылары арасында Туристік көпсайыстан «Алтын күз» атты туристік жарысы өткізілді. 

Табиғат - күлкі тіршілік атаулының құтты қонысы, алтын ұя бесігі, құт берекесі. Осы табиғаттың төрт мезгілінің өзіне тән ерекшелігі, жақсылығы, әр түрлі мерекесі бар. Мысалы, күз адам баласына молшылық, береке беретін мезгіл. Сондықтан да адамдар күзге берекелі, мерекелі күз, алтын күз деп баға берген.
Алтын дегеніміздің себебі айналаның бәрі сап - сары бояуға енген, екіншіден алтын байлықтың белгісі. Міне, осы екеуін аттастырып «Алтын күз» деп атаған. 

Жарыстың мақсаты: аудан мектептері арасында туристік-өлкетану жұмыстарын жандандыру және оқушылардың өлке жайлы мағлұматын кеңейту, балалардың туристік дағдыларын қалыптастыру, өз туған жерінің туристік әлеуетін таныта білетін тұлға қалыптастыру,өлкесін сүйетін үздік өлкетанушы топты анықтау.

Жарысқа қатысушы топтар төмендегі шарттар негізінде өзара бақ сынасты:

1. «Топтық жарыс» сайысы

2. «Табиғи материалдардан жасалған заттар» сайысы.

3. «Табиғаттың таңғажайып шағы бұл» шарты.

5. «Туристік ән» сайысы.

6. «Туристік тұрмыс» сайысы.

Жарыстың жалпы қорытындысы бойынша мектебіміздің оқушылары жеңіске жетіп, «Алғырлар» тобы І орынды иемденіп, І Дәрежелі дипломмен марапатталды.

Жарыс қызықты әрі бәсекелестік жағдайында жоғары көңіл күйде өткізілді. Табиғаттың алтынданған тамаша сәті, жарқыраған жайдары ауа-райы балаларымыздың көңіл күйін көтеріп, табиғат аясында қайталанбас сәтті бастан кешуіне ықпал етті.

«№25 жалпы білім беретін мектеп» КММ

Жетекшілері: НАЗИРА УМБЕТОВА, ҒАЛИЯ СЫРЛЫБАЕВА