З.Серікқалиұлы атындағы мектеп- инетернатының 5 сынып тәрбиеші Хилимова Марал Сайфоллаевна

Тақырыбы: Алтын сақа

Мақсаты:
1. Оқушылардың бойында салт - дәстүрге деген сүйіспеншілікті одан әрі дамыту, оны әрқашан құрметтеуге баулу. Оқушылардың білім деңгейін байқау
Өз отбасын, Отанын сүйіп, әдепті болуына бағыт - бағдар беру.
Әдіс тәсілі:сұрақ-жауап

Көрнекілігі:интерактивті тақта ,мақал-мәтелдер.
Оқушыларды топқа бөлу
І топ: Тапқыр тобы
ІІ топ: Намыс тобы
ІІІ топ: Сұнқар тобы
Сайыс бағдарламасымен таныстыру

Топты таныстыру

Жалғасын тап
Сұрақ-жауап
Құпия хаттарға жауап бер
Сиқырлы ұяшықтар
Жолайрық
Кіріспе бөлім:
Құрметті ұстаздар, сайысқа қатысатын ұландар! Бүгін 5 сынып оқушылары аралығында өткізгелі отырған «Алтын сақа» ойын – сайысын көріп тамашалайсыздар. Бұл сайысқа әрбір сыныптан өздерінің ұлттық намысын топпен бірге көрсете алатын оқушылар қатысып отыр.

Қазақ халқы ежелден салт - дәстүрін қастерлеген. Міне, осы уақытқа дейін, салт - дәстүріміз ұмытылмай, сақталып келді. Ендігі жалғастырушы келешек - жас ұрпақтар. Сол салт - дәстүрді жалғастырушы ұландарға сәттілік тілейік
Олай болса, өзіміз білетін ұлттық ойын түрлерін ортаға салып көрейік.
І кезең: Жалғасын тап
Ойынның шарты: Мен мақалдың бастапқы қатарын айтамын, келесі жолы топ жалғастырады.

1 – топ: Тапқыр тобы.
1. Кітап-білім бұлағы

(Білім –өнер шырағы)

2. Батыр туса ел ырысы,...
(Жаңбыр жауса жер ырысы)
3.Білімдіге дүние жарық

(Білімсіздің күні кәріп)

2 – топ: Намыс тобы.
1. Отан... (оттан да ыстық)
2. Ғылым теңіз,.... (білім кеме)
3. Оқу инемен.... (құдық қазғандай)

3 - топ: Cұңқар тобы
1. Өзге елде сұлтан болғанша,
Өз еліңде.......(ұлтан бол)

2.Ана сүті бой өсіреді

(Ана тілі ой өсіреді)

3. Отан от басынан....... (басталалы)
ІҮ. «Кім шапшаң?» ойыны
Ойынның шарты, мен жаңылтпаш айтамын, сол жаңылтпашты қай топ жаңылмай, мүдірмей қайталайды және тез айтады сол топ жеңіске жетеді.

1 – топ: Тапқыр тобы.

Үш кіші ішік піштім,
Бес кіші ішік піштім, –
Неше кіші ішік піштім

2 – топ: Намыс тобы.
Жаңылтпаш жатта,
Жаңылмай жатта.
Жатқа жатта,
Жаттамай жатта.

3 - топ: Сұңқар тобы

Екеуінін жасы шамалас, 

Бірінің шашы - қарашаш, 

Бірінің шашы - ақ шаш аралас.

II. Сұрақ – жауап.
1 – топ: Тапқыр тобы.
1. Жеті атаны ата? (Әке, бала, немере, шөбере, шөпшек, немене, туажат, жұрағат)
2. Қазақша ай аттарын ата? (Наурыз, сәуір, мамыр, маусым, шілде, тамыз, қыркүйек, қазан, қараша, желтоқсан, қаңтар, ақпан)
3. Қазақстан Республикасының Ата заңы қай жылы қабылданды? (30 тамыз, 1995 ж.)
4. Әнұранның авторлары? (Ш. Қалдаяқов, Ж. Нәжімеденов, Н. Назарбаев)
5. Қазақтың ұлттық аспабында орындалатын әуен? (күй)

2 – топ: Намыс тобы.
1. Үш жұртты ата? (өз жұртың, қайын жұртың, нағашы жұртың.)
2. Қазақша апта аттарын ата? (Дүйсенбі, сейсенбі, сәрсенбі, бейсенбі, жұма, сенбі, жексенбі)
3. Қазақстан халқы өзінің тұңғыш Президентін қашан сайлады? (1991 ж. 1 желтоқсан)
4. Қазақстан Туының авторы? (Ш. Ниязбеков)
5. Әнді орындайтын адамды кім дейміз? (әнші)

3 - топ: Сұнқар тобы.
1. Үш арсызды ата?( ұйқы, күлкі, тамақ)
2. Елтаңбамыздың авторын ата? (Ш. Уалиханов, Ж. Мәлібеков)
3. Қазақстан Республикасы өз тәуелсіздігін қашан алды? (1991 жылы 16 - ХІІ)
4. Қазақ үйдің бөліктерін ата? (Кереге, уық, есік, шаңырақ)
5. Мал сүтінен жасалған қандай тағамдарды білесің? (Құрт, май, ірімшік, сүзбе)

III.Құпия хаттарға жауап беру.
1 – топ: Тапқыр тобы.
Құрметті достар! Менің көршімнің бір баласы бар. Өзі өтірікші, көзбе – көз өтірік айта қояды. Маған күнде келіп ойнағысы келеді. Мен өтірік айтқанды жаным сүймейді. Менің онымен ойнағаным дұрыс па?

2 – топ: Намыс тобы.
Құрметті оқырмандар! Менің бір досым бар. Өзі мақтаншақ. Ойнап жүргенде үй – ішін айтып, алған ойыншықтарын көрсетіп мақтанады. Және өзінен кіші балаларды үнемі ренжітеді. Мен онысын ұнатпаймын. Бірақ ойынды жақсы ойнайды. Мен осы баламен дос болайын ба, айтыңдаршы?

3 - топ: Сұңқар тобы.
Құрметті достар. Менің бір кластасым бар. Ол үнемі класқа сотка алып келеді де, біздерге көрсетіп мақтанады. Мен оның соткасын көріп, өзім де сондайын алғым келеді. Ал менде оны алатын ақша жоқ. Сендер айтыңдаршы менің не істегенім дұрыс?

IVСиқырлы ұяшықтар.
Математика пәні бойынша
1. 1 жұмыртқа пісіру үшін 5 минут қажет, 3 жұмыртқа пісіру үшін қанша минут қажет?
2. Ұзындығы 4 м, ені2 м, биіктігі 3 м. Бөлменің көлемін тап?
3.  Термометр аяз болғасын – үш градус көрсетіп тұр. Осындай екі термометр неше градус көрсетеді?
4. Марат 1 айда 10 қызықты ертегі оқыды, ол бір жылда қанша кітап оқыды?
5. 2 таңбалы санға 1 қосқанда неше шығады?

V.«Жолайрық» бұл кезеңде 2 оқушы қалады. Әр түрлі тақырыпта қойылатын логикалық сұрақтар, әзіл түрінде де жауап бере аламыз.
1. 9 қабатты ғимараттың 9-шы қабатында бір бала тұрады екен. Бұл балаға досы қонаққа келе жатып, лифтке мініп 6-қабатты басып, 6-шы қабаттан түсіпті, қалған 3 қабатқа баспалдақпен жаяу көтеріліпті, не үшін? (Бойы қысқа болғаны үшін. (одан жоғарыны басуға қолы жетпегені үшін)

1. Біздікі болғанымен басқалар қолданатын нәрсе? (есіміміз)

2. Қай айда 28 күн бар? (барлық айда)

3. Құлақ не үшін керек?(көзілдірікті ұстап тұру үшін керек)

4. Ақтөбеде біреу Өскеменде жоқ, Алматыда екеу Астанада көп? Ол не? («а» әріпі)

5. Бір пілдің үстінде 100 құмырсқа бар екен. Піл сілкініп қалғанда құмырсқалардың біреуі ғана қалып қалғандары жерге құлап түсіпті. Төмендегі құмырсқалар пілдің үстіндегі құмырсқаға қарап не деп айтқан? (ез оны)

6. Теңіздің ортасында не бар? (ң әріпі)

7. Жеген сайын жылататын нәрсе? (таяқ)

8. Қай сұраққа болымды жауап берілмейді? (ұйықтап жатқанда)

9. Есікті ашу үшін не қажет? (есік жабық болу керек)

10. Қазақстан мен Өзбекстанның ортасында не бар? (мен)

11. Король кімнің алдында тәжін шешеді? (шаштараздың алдында)

12. Шикідей жемейді.Піскен соң қоқысқа тастайды.Бұл не?

VI.Қорытынды.
Қазылар алқасы әр сыныптың ұпайларын айтты. Құрметті оқушылар, міне бүгін сендердің мынадай талапты, салт - дәстүрімізді жалғастырушысы екендеріңді көріп, сүйсініп отырмыз. Талаптарыңа нұр жаусын!- деп қорытындыланады...