"Алтын ұя, мектебім"

Алтын ұя, мектебім!

Мектеп… Осы бір сөзде үлкен мән-мағына жатыр. Осы бір сөзден біздің бүкіл өміріміздің алғашқы баспалдақтары басталады. Кімге де болса он бір жыл білім берген, адалдыққа, кішіпейілдікке, мәдениетке үйреткен, болашаққа жолдама беретін алтын ұя мектебі қымбат. Біздер үшін өміріміздің алғашқы қадамы басталған жер әр кез кімге болса да ыстық. Мектепте балалар тәлім-тәрбие, білім алады.

Адам қанша жыл өмір сүрсе де, қандай іспен айналысса да, өмірдегі ең ұмытылмас сәттер болып мектепте өткізген уақыт деп ойлаймын. Мектеп – білім айдынындағы үлкен кеме, осы кемеде 11 жылды әр бала өткізеді. Мектеп табалдырығын тарыдай болып аттап, таудай болып шығамыз.Мектеп «үлкен отбасы, ұстазымыз біздің ақылшымыз, анамыз, сыныптастарымыз жақын досымыз. Мектеппен қоштасу» балалықпен қоштасу. Мектепте біз шынайы дос табамыз, білім алып, өмірді үйренеміз. Мектеп бізге тірек беріп, жылулық пен бақыт сыйлайды. Ал ұстаздар болса бізге үйретуден еш жалықпас. Мектепте өткен уақыт адам өміріндегі шаттыққа толы кездер. Дәл осы кездер есімізде ең жарқын естеліктер болып қалады.

Мен Ақтөбе қаласындағы қыр басында орналасқан &45 ЖББОМ білім ордасында оқимын. Біздің мектеп шағын болсада 9жылдық тарихы бар.Бұл мектептен неше түрлі талантты оқушылар шығып,мектебіміздің атын шығарып көкке паш ету де.Біздің мектебіміздің ұстаздары өте білімді, бала десе бар білімін аямайтын керемет ұстаздар.Мен өз мектебіммен,ұстаздарыммен мақтанамын!Мектебім маған үлкен өмірге жолдама берді, үлкен өмірге дайындады.Ендігі жолы алдыма үлкен мақсаттар қойып, асқар асуларды бағындырып, елім мақтан тұтатын азаматша болғым келеді. Бұл менің мәпелеп өсірген әке-шешемнің, ақылшы ұстазымның, алтын ұя-мектебімнің алдындағы борышым!!!

Ақтөбе қаласы

№45 ЖББ ОМ

11 класс оқушысы

Еламанова Ақжүніс