Мұғалімнің аты-жөні:

Махумова Мөлдир Болатқызы, №27 Гимназиясы, Алматы қаласы

Пән/сынып

Қазақ тілі мен әдебиеті, 5 сынып

Қай аптаның нешінші сабағы

4 тоқсан, 3 апта, № 12 сабақ

Тарау немесе бөлім атауы:

12 тарау: Ұлы дала табиғаты

Сабақтың тақырыбы:

«Алтынемел» ұлттық саябағында

Оқу мақсаттары:

5.1.1.1 - тақырыпты тірек сөздер арқылы болжау;

5.Т.6.Тыңдалым материалдарының мазмұны негізінде сұрақтарға жауап беру;

5.4.3.1. Жазба жұмыстарында сипаттау, бейнелеу құралдарын қолданып жазу.

Сабақ мақсаттары:

• Берілген суретті жұмбақты шешу арқылы тақырыпты анықтау;

• Тыңдалым материалын түсіну;

• Сын есімдерді дұрыс қолдана білу.

Бағалау критерийлері:

• Қойылған сұраққа дұрыс жауапты анықтау;

• Сөйлемді дұрыс толықтыру.

Саралап оқыту тапсырмалары

Ұжымдық жұмыс

(Жаңа тақырыптың түсіндірілуі)

Бірлескен жұмыс

Тапсырманы ұсыну және дұрыс жауапты ұсыну арқылы үйрету

Уақыты

Кезеңдері

Сабақтың мазмұны

Мұғалімнің зерттеуі мен бақылауы не?

Ресурстар

Сәлеметсіздер ме, құрметті оқушылар! Қазақ тілі мен әдебиеті сабағына қош келдіңіздер. Бүгін біз сіздермен жаңа модуль бастаймыз. Модуль «Ұлы дала табиғаты» деп аталады. Бұл модульде біз сіздермен Қазақстанның керемет жерлеріне саяхат жасаймыз. Атап айтқанда «Алтынемел» ұлттық саябағына, Жетісудағы «Әнші құмға» «Шайтанкөлге», «Ақсу-Жабағылы қорығына» саяхат жасаймыз.

Бүгінгі сабақты бастамас бұрын сіздерге суретті жұмбақ жасырғым келіп тұр. Суреттерге мұқият қарап, бүгінгі сабақтың тақырыбын болжап көрейік!

+

Дұрыс жауабы: «Алтынемел» ұлттық саябағында

Жаңа сөздер:

Ұлттық қорық – үкімет қорғауындағы табиғи кешен

Үңгірлер – жер асты қуыстары

Жер көлемі – аумағы, территориясы

Мекендеу – қоныстану, белгілі аумақта өмір сүру

Қорықшы – қорғаушы; табиғи кешенді қорғайтын адам

Жаңа сөздерді сөздік дәптерге жазып, жаттап алыңыздар!

Алтынемел туралы мәтінді мұқият тыңдаңыз. Тапсырмалады орындаңыз!

«Алтынемел» - 1996 жылы Алматы облысының Кербұлақ ауданында ашылған ұлттық саябақ. Ол Іле өзенінің солтүстігінде орналасқан. Жер көлемі – 460 мың га. Оның құрамында Үлкен Қалқан, Кіші Қалқан тауларының қасында орналасқан табиғи ескерткіштерінің бірі – «Әнші Құм» кіреді. Мұндай «Әнші құм» табиғатта өте аз кездеседі.

«Алтынемел» саябағы археологиялық ескерткіштерге бай. Онда түрлі-түрлі көне суреттер салынған тастар мен үлкен-үлкен үңгірлер көп.

«Алтынемел» ұлттық саябағында 1800-ге жуық өсімдіктің түрі, 56-ға жуық жануарлардың түрі, балықтар, құстар бар. Олардың көбі «Қазақстанның Қызыл кітабына» кірген.

Айналада биік-биік ағаштар, өзен-көлдер де мол. Оларға жан-жақтан келген туристер қызыға қарайды.

Саябақта 17 қорықшы бекеті мен 3 туристік бағыт жұмыс істейді.

1-тапсырма. Берілген сұрақтардың дұрыс жауабын табыңыз.

Дескриптор:

• Сұрақты дұрыс түсінеді;

• Сұрақтың дұрыс жауабын түсінеді.

Өз жауабыңызды дұрыс жауаппен салыстырыңыз!

2-тапсырма. Сөйлемдерді толықтырыңыз!

Дескриптор:

• Берілген сөйлемдерді дұрыс толықтырады;

• Сын есімдерді орында қолданады.

«Алтынемел» - Қазақстандағы ең үлкен табиғи саябақ. Мұнда саяхатшылар ... ... келеді. Саябақта тарихи ескерткіштер өте көп. ... ... тастарда салынған суреттерді көресің. Мен ... «Алтынемел» туралы ... әңгімелерді көп оқыдым.

Қажетті сөздер: Қызық-қызық, жиі-жиі, түрлі-түрлі, газет-журналдардан, кішкентай-кішкентай, үлкен-үлкен.

Өз жауабыңызды дұрыс жауаппен салыстырыңыз!

«Алтынемел» - Қазақстандағы ең үлкен табиғи саябақ. Мұнда саяхатшылар жиі-жиі келеді. Саябақта тарихи ескерткіштер өте көп. Түрлі-түрлі тастарда салынған суреттерді көресің. Мен газет-журналдардан «Алтынемел» туралы қызық-қызық әңгімелерді көп оқыдым.

3-тапсырма. Алтынемел сөзін септеңіз!

Атау септігі:

Ілік септігі:

Барыс септігі:

Табыс септігі:

Жатыс септігі:

Шығыс септігі:

Көмектес септігі:

Өз жауабыңызды дұрыс жауаппен салыстырыңыз!

Атау септігі: Алтынемел

Ілік септігі: Алтынемелдің

Барыс септігі: Алтынемелге

Табыс септігі: Алтынемелді

Жатыс септігі: Алтынемелде

Шығыс септігі: Алтынемелден

Көмектес септігі: Алтынемелмен

Бүгін біз:

• Берілген суретті жұмбақты шешу арқылы тақырыпты анықтадық;

• Тыңдалым материалын түсіндік;

• Сын есімдерді дұрыс қолданып үйрендік.

Қосымша тапсырма:

Ғаламтор беттерінен Алтынемел саябағы туралы бейнежазбаларды қарастырыңыз.