Алтын құрсақты ана, аялы әже

Жүргізуші автор: - Тіршіліктің алтын арқауы кім деген сауал қойылса – ол сөзсіз ана. Бар болғаны үш әріптен құралған асыл сөз мына жарық дүниеге сәби әкеліп қана қоймай, оған тәрбие беріп, шексіз махаббатын төгеді. Әулеттің ұйытқысы болып, шаңырағының береке-бірлігін сақтаушысына айналады. Бір қолымен бесікті, бір қолымен әлемді тербеткен аналардың асылдығында шек жоқ. Осыдан 55 жыл бұрын сүйгенімен отбасын құрған Айым анамыздың бар өмірін көрсеттік. Бүгінде Айым анамыз Бесторсық елінің азаматы Қасым ұлы Асанбек атамызбен түтінін түзу жаратып, 4-ұл , 2-қыз , 16- Немере, 6- шөбере ортасында отырған ауялы әже.

Немере келін: - Әже, сіздің бар өміріңізді кинодан көргендей болдық қой.

Әшімкүл ана: - Иа, шырағым. Әрбір адамның өмірі қарап отырсаң кино десе де болады. Сол кино өмірде өмірдің суығы мен ыстығын, ащысы мен тәттісін бастан кешіресің.

Немере келін: - Қиналған кездеріңіз де болды ма?

Әшімкүл ана: - Мен де мына сен сияқты жас келін болған кезде қиындықтар кездесті. Алайда анамның бойыма сіңірген төзімділік пен шыдамдылық қасиетінің арқасында бәрін жеңіп шықтым.

Немере келін: -Иа, сіздің сабырлылығыңыздан біз де сабақ алып келеміз. Қай кезде болса да ашуланбай, ақылмен жайымен түсіндіретініңіз маған ұнайды. Кейде ашуланып келе жатамын да сіз есіме түсіп, өзімнен - өзім ұялып, тез ақылға жеңдіремін.

Әшімкүл ана: - Дұрыс балам, қай кезде де ашуды ақылға жеңдіре білсең отбасыңда береке бірлік, ырыс- несібе болады. Тәрбиелі жерден шыққаныңды көрсетіп, өзіңді қолға ала білгеніңе ризамын.

Немере келін: - Әже, сізді бақытты ана деп есептеймін. Әсіресе үйге бар балаларыңыз немерелеріңізбен, шөберелеріңізбен келгенде жүзіңіз бал – бұл жанып, дегбірсізденіп, ерекше күйге енесіз. Бүгінде бар балаңыз бас қосатын болған соң ерекше күйде тұрсыз.

Әшімкүл ана: -Иа, немеремнің тойы қалай өтеді екен деп алаңдап отырмын.

Немере келін: -Апа балаларыңыздың барлығы келді. Жүріңіз қарсы алайық. (сәлем береді) Келгендеріңіз жақсы болды ғой, әжем алаңдап отыр еді.

Балалары: - Мына сізден өсіп өнген, сізден тәрбие алған біздей ұрпақтарыңыз сізді ұятқа қалдырмайды. Уайымдамаңыз, немереңіздің тойын ойдағыдай атқарамыз. Әшімкүл ана: - Иа, екен гүлімнің, төккен терімнің бос кетпегеніне қуаныштымын. Сендердей мақтай да, мақтана алатын ұрпағы бар менен асқан бақытты ана жоқ шығар. Жүріңдер ақылдаса отырып, немеремнің тойына баруға дайындық жасайық.