Шығыс Қазақстан облысыГлубокое ауданы«Опытное поле орта мектебі» КММ
Өзін-өзі тану пәні онкүндігі
Ұйымдастырып, өткізген: Г.Ж.АхметоваСыныптар: 1А-9А
Опытное поле ауылы2015-2016 оқу жылы«Ән көңілдің ажары» ән фестиваліМақсаты: Оқушылардың әнге деген қызығушылығын арттыру, әншілік қабілетін, актерлік өнерін, хореографиялық талантын сынау. Өнерге біртабан жақындату.Мұғалімнің кіріспе сөзі: Қайырлы күн, құрметті ән сүйер қауым! Қадірменді «көкірегінің көзі ашық, көңілі ояу» ұстаздар және оқушылар! Баршаңызға бүгінгі «Ән көңілдің ажары» жобасына қош келдіңіздер демекпін. Табиғаттың тебіренген, қуанған шағының перзенті - әнші десек, сол перзенттің иесі де, іздеушісі де халқы. «Ән көңілдің ажары десек» кәусар сезім мен тояттамас көңіл, шалқыған шаттық пен мұңға тұнған махаббат, буырқанған шабыт пен сабырға көнбес сағынышты да осы әннен табамыз.«Болар адам - бала шағынан». Әнші, жыршыларымызды өз көрермендерімен жақын таныстырып, табыстыратын бірден бір орта ол - сахна. «Опытное поле орта мектебі» КММ 1 - 9 сыныптар арасында ұйымдастырылып отырған бүгінгі «Ән көңілдің ажары» атты жобасы оқушылардың сабақтан тыс бос уақытын тиімді пайдалану мақсатында өткізіліп отыр.Шараның мақсаты - Әнсүйер аға буын мен талантты жас әншілер арасындағы сабақтастықты нығайту, жас әншілерді таныстыру, жалпы ән әлеміне саяхат жасау. Талаптының айтқанын мен қостайын, Бәріңізге жақсы бір ой тастайын. "Ән көңілдің ажары" деген бар ғой. Бұрынғының жолымен ән бастайын,- дей келе сахнаға 1 - ші сыныптан қатысушыларды шақырамыз.Қол соғып қошеметпен қарсы алыңыздар. Өнерпаздар жарысып сан - саналы, Жиын десе, той десе жан салады. Бүгінгі Саз әлемі сайысында, Әуелеген әсем ән жолданады - сахнада 2 - ші сынып оқушыларын ортаға шақырамыз. Ажары атқан таңдай ару жастың, Қасы бар қанатындай қарлығаштың. Жанары жан біткенді елтіп өскен, Шапалақ өнеріне әнші жастың - дей келе 3 – ші сынып оқушыларын қарсы алайық. Айтса әні алыс шыңға жететін, Шақырайық Әлиді ән мен жырды шертетін. Сахнада 4 - ші сынып оқушыларын қарсы алайық. Қыз сұлу көрінеді өрнегімен, Тізілтіп сөз маржанын тергенімен. Жезтаңдай, бұлбұл даусын әнге қосса, Әнші сұлу көрінер әніменен - деп ақын ағаларымыз жырлағандай келесі талапкеріміз 5 – ші сынып оқушыларын ортаға шақырамыз. Құлпырған еліміздің ұл – қызымыз, Әзірге үлпілдеген құндызымыз. Арасын жер мен көктің бағындырар, Ертеңгі жарқыраған жұлдызымыз – дей отырып, келесі 7 – ші сыныптани талапкерімізді ортаға шақырамыз. Қошемет. Біздерде ән кешіміз жалғасады, Тамаша күй тартылып, ән салады. Қошеметтеп, қол соғып отыралық, Ұмытарсыз күні бойғы шаршағанды - дей келе ортаға келесі 8 – ші сыныптан әншімізді ортаға шақырамыз. Қарсы алыңыздар. Құлақтан кіріп, бойды алар Әсем ән мен, тәтті күй. Көңілге түрткі ой салар, Әнді сүйсең, менше сүй – дей келе енді 9-шы сыныптан қатысушыларды ортаға шақырайық. Қол соғып қошеметтеп отырайық.
ҚР Білім және Ғылым министірлігінің стандартымен жасалған
18 Желтоқсан 2017
2145
0 рет жүктелген
