"Ана - тіршілік тірегі!" ашық тәрбие сағаты.

Сапарбекова Назым Адилхановна

Алматы облысы

Кербұлақ ауданы

Алтынемел орта мектебі МДШО КММ-сі

Тәрбие сағат тақырыбы: Ана – тіршілік тірегі.

Мерекелік кештің басты мақсаты: Нәзік жанды аруларымыздың

қоғамдағы рөлінің айтарлықтай

екендігін дәлелдеп, оларға қуаныш

сыйлау. Оқушылардың оларға деген ізгі

ниеттерінкөрсету.

Тәрбие сағат көрнекіліктері: тақырып жазылған плакат. Суреттер, шар, гүл суреттері.

Өтілу барысы:

Ана туралы аудио ойнатылады, ұл балалар қолдарында гүл, ортаға шығады.

Ортаға екі жүргізуші шығады. Көңілді музыка ойнайды.

1-жүргізуші : Сәлеметсіздер ме, құрметті қонақтар, ақ жаулықты әжелер, асыл да, аяулы аналар, ұстаздар, ару қыздар! Сіздерді 8 - Наурыз халықаралық аналар күнімен құттықтаймыз! 

«Ана – тіршілік тірегі » атты концерттік бағдарламамызды ашық деп жариялаймыз!

2-жүргізуші: Армысыздар, аяулы аналар, құрметті ұстаздар, гүлдей құлпырған қыздар! Барлығымыз асыға күткен көктемнің алғашқы күндерімен бірге 8 - наурыз Халықаралық әйелдер күні де келіп жетті.Әлемде өзгермейтін үш-ақ зат бар, ол-ананың сүті, күннің нұры, сәбидің күлкісі. Ана дегеніміз-әлемнің жаң дүниесі.  
Бекзат:Бұл - бір қолымен бесікті, екінші қолымен әлемді тербеткен аналар мен нәзік жанды қыздар қауымының төл мерекесі.
Шалқып, тасып әніміз,

Жадырасын жанымыз,

Ана, сізді құттықтап,

Гүл сыйлайық бәріміз. 

( көңілді әуенмен ұлдардың гүл сыйлауы.)

Айжан:

Ана десем шешек ашып жанары,

Өмірімнің бастау алар ажары.

Ана деген тіршілікке пана боп,

Әрбір үйде жұлдыз болып жанады, - дей отырып, алғашқы мерекелік құттықтау сөзді .................................................................. береміз.

Бекзат:
Барша ана құтты болсын мерекеңіз,

Әрқашан ана сізбен берекеміз.

Ақтасақ ақ сүтіңді, асыл анам,

Сонда біз кісілікке теңесеміз,-дей отырып  келесі сөз кезегін ...................................................................... береміз.

Бекзат:

Дүниенің жарық күні анамыз,

Дана болсақ анаменен данамыз.

Тыңдаңыздар, көңіл қойып ағайын,

Анаға арнап өлең-жырлар жазамыз!

Әдеби монтаж. Оқушылардың тақпақтары, музыка ойнауымен.

«Шеше, сен бақыттысың! »

оқушыларының тақпақтары.

Бекзат:

Құлақтан кіріп, бойды алар,

Әсем ән мен тәтті күй.

Көңілге түрлі ой салар,

Әнді сүйсең, менше сүй, – деп, Абай атамыз айтқандай  « Менің анам –алтын » әнін .............................. орындауында қабыл алыңыздар.

Айжан: Мұхаммед пайғамбар айтқан: «Жәннәт-аналардың аяғының астында» деп. Ислам діні әйелдерді ерекше құрметтейді. Егер де бір үйде қыз бала дүниеге келсе, береке, молшылық, бейбітшілік болады, ата-анасына қуаныш әкеледі дейді.
Бекзат: Орыс жазушысы Максим Горький: «Адамдар-әрқашан өз аналарының перзенттері. Ана болмаса ақын да, батыр да болмайды»,- деген..........................................орындауында

« Перзент парызы » әнін қабыл алыңыздар.

Айжан:

Ана-өмір қолдаушысы әлемнің,

Шаңырақтың шаттығы мен шуағы.

Сейілмесін жанарынан ананың,

Тіршілікке төккен нұрлы шуағы.

Бекзат:

Аялайық аналарды әрдайым,

Қуанышқа бөлейікші өздерін.

Әжелердің,аналардың,қыздардың,

Мұң шалмасын күлім қаққан көздерін.

Би: «...........» би тобының орындауындағы «Чарльстон» биін тамашалаңыздар.

Айжан:

Көңілің Алатаудың ақ қарындай,
Мейірімің күннің шуақ шақтарындай.
Қалайша аяулы ана тына алармын,
Ән болып сағыныштан ақтарылмай, - деп абзал аналарымыз бен қырмызы қыздарымыздың құрметіне ............................ орындауындағы "Аяулы ана" әнімен сахна төріне шақырамыз.

Бекзат:

Теңіздей тербетіліп көл бетінде,
Бишілер билеп кетті тербетіле.
Аққудай қалықтаған теңіздегі,
Бишілер өнерлерін көрсетуде, - дей отырып келесі кезекті «Еркеназ» тобының «Құстар » биіне береміз.

Айжан:

Әркімнің де өмірден аласы бар,
Аласы бар адамның анасы бар.
Мерекесін құттықтап аналардың,
Өнерлі Диас деген баласы бар.

...................................... « Ана мен сәби » әнін тыңдаңыздар.

Бекзат:

Ана деген – бастауы ұлылықтың.
Ана деген - рәмізі сұлулықтың.
Ана деген - бір жыр бар шырқалатын,
Асқақтатар биікке ұрпақ атын.
Айжан:
Олай болса ортаға қарсы алайық.
Сұлуларға сүйсініп тамсанайық.
Ерке қыздың биіне тәнті болып,
Уа, халайық, жұмыла қол соғайық!

«Айару» би тобы «Қазақ аруы » биімен.

Бекзат:

Десек те уақытпенен жарыспайды,
Қияға қиялменен қарыштайды.
Мейрамбектейұлдарыңыз тебіреніп,

Өз әнін аналарға бағыштайды, — дей келе, ортаға ......................... «Ай дидарлы анашым » әнімен ортаға шақырайық.

Айжан:

Күнінде гүл көктемнің нұрын шашып,
Жасқанбай әр қадамын нық — нық басып,
Биімен көрерменді тәнті ететін
Арулар келді міне толқып, тасып. Ортада «Кішкентай жұлдыздар »биін қарсы алыңыздар!

Бекзат:

Әкешім - жол сілтейтін ақылшымсың,

Анашым - ұл-қыз таптың батырсың шын.

Құрметтеп өздеріңді сыйламасам,

Өмірде перзент деген атым құрсын.
«Әке -ана» әнімен ..................................................
Айжан:

Өзіңсің өмірдегі бар ардағым,
Жыр жаздым, тұңғыш саған ән арнадым.
Әке, ана айтарым көп тіл жетпейді.
Бір сендердей асыл адам таба алмадым 

Бекзат:

«Әке – асқар тау, ана- баурайындағы бұлақ, бала-жағасындағы құрақ » демей ме, Айжан, бүгінгі кешіміз аналарға арналғанымен жанында қамқорымыз, панамыз болып бірге жүретін әкелерді де естен шығармау керек.

Айжан:

Дұрыс айтасың, Бекзат.

Әкең мен анаң,

Әкелген адам,

Бәріңді мына өмірге!

Ажарың болып,

Базарын көріп,

Отырсын жайнап төріңде! Аман болсын әкелер мен аналар.

Бекзат:

...................................... орындауында «Қос бәйтерек » әні.

Айжан:

Аяулысың, ауылымның асылдары,
Жайнасын көңілдердің жасыл бағы.
Сендер үшін ән менен күй, өлең мен би,
Сендер үшін мереке шашулары,-деп алдарыңызда «Айжұлдыз » би тобы

« Қазақ биі».

Бекзат:

Ана – барлық қиындықты жеңетін сарқылмайтын күш, тіршіліктің қайнар бұлағы. қазақ әйелінің дастарханы тоқ, қонағы ырза, дүниесі түгел. Олар үшін бірінші орында отбасының берекесі тұрады.

Айжан:
Бір өзіңнен бастап өмір жолдарын,
Жүрегіңе, жүрегімді жалғадым.
Өзің мына сыйға берген өмірде
Ақ сүтіңді ақтап өту - арманым.

Бекзат:

Маған қымбат адам жоқ бір анадан,

Бар жақсылық аналардан жаралған.

Жер бетіне өмір нәрін себуші,

Аналарға борышты ғой бар адам.

Айжан:

Мен ананы шуағы толы күн деймін,

Анадан зор құдіретті білмеймін.

Анам аман-сау жанымда жүрсе егер,

Бақытым да әркез бірге жүр деймін.

Бекзат:

............................................ орындауындағы әнді тыңдай отырып, үнемі сұлу, көңілді, жас шақтарыңыздан ажырамаңыздар, құрметті біздің сұлу аналар, қыздар, әжелер мен жеңгелер!

Айжан:

Аналар, қалқып бақыт аралында,

Лайым мұң қонбасын жанарыңа.

Осымен кешімізді аяқтайық,

Гүл бітсін бәріңіздің қадамыңа – дей отырып бүгінгі «Ана – тіршілік тірегі!» атты кешімізді жабық деп жариялаймыз.

Ардақты аналар мейрамдарыңыз құтты болсын! Сау саламатта болыңыздар!