«Ана – аса қымбатты жан!»

«Ана – аса қымбатты жан!» атты мерекелік іс-шараның әдістемелік әзірлемесі

Карашева Алтын Отызбековна

№81 «Әсемгүл» балабақшасы МКҚК

Андатпа (Аннотация): Бұл мақалада мектепалды тобы бүлдіршіндеріне арналған 8 наурыз – Халықаралық әйелдер күніне арналған мерекелік ертеңгіліктің сценарийі ұсынылған. Материалда балалардың өнер көрсетуі, «Үш ана» тақырыбындағы тәрбиелік көріністер және ана мен әжеге деген құрметті қалыптастыру әдістері сипатталған. Іс-шара балалардың эстетикалық талғамын арттыруға және адамгершілік құндылықтарды нығайтуға бағытталған.

Түйін сөздер: Мектеп алды даярлық, 8 наурыз, аналар мерекесі, тәрбие сағаты, көктем, «Үш ана» көрінісі, адамгершілік тәрбие, әжелерге құрмет.

Іс-шараның барысы

Кіріспе бөлім: Мереке салтанатты әуенмен басталып, балалар залға сәнді киіммен екі қатарға бөлініп кіреді. Жүргізуші ақ жаулықты әжелер мен аяулы аналарды, тәрбиешілер мен қыз балаларды көктемнің шуақты мерекесімен құттықтап, жылы лебізін білдіреді.

Негізгі бөлім:

Өлеңдер мен әндер: Балалар (Дилана, Асанәлі, Хадиша, Әли, Заңғар, Сафия, Қасиет, Эльмира) анаға арналған тақпақтарын мәнерлеп айтады. Сонымен қатар «Сен бақытты анасың» әні орындалып, анаға деген шексіз құрмет білдіріледі.

«Үш ана» көрінісі: Тәрбиелік мәні зор бұл көріністе үш ана өз балаларының жетістіктерімен (әнші, боксшы, ақылды бала) бөліседі. Көріністің басты түйіні – аналардың өз балаларын кез келген мамандық таңдауда қолдайтындығы.

Ару Көктемнің келуі: Сахнаға Ару Көктем шығып, жер бетін гүлге толтыруға шақырады. Балалар (Мұстафа, Батырхан, Арлан) көктем туралы тақпақтарын айтып, «Көбелектер мен аралар» биін орындайды.

Әжелер мен қыздарды құттықтау: Жүргізуші әжелер туралы жұмбақ жасырып, қыздарға арналған «Беу, құрбым» әні мен «Ретро» биі ұсынылады.

Қорытынды: Мереке соңында балалар аналарына өз қолдарымен жасаған сыйлықтарын табыстап, алғыс білдіреді. Іс-шара «Аналар аман болсын, әлем мейірімге толсын!» деген игі тілекпен аяқталады.