«Ана – аса қымбатты жан»

Тақырыбы: «Ана – аса қымбатты жан» 
Мақсаты: -мерекелік көңіл-күйін құру;
-ән және қозғалыс орындаушылық дағдыларын қалыптастыру; 
-балалардың назарын жалпы әрекетте қатысу тілегін қалыптастыруға эмоциялық қабылдауын ынталандыру; 
-өзінің жақын адамдарын қуанта білуге, мейірімділікке тәрбиелеу. 
Кейіпкерлер: Жүргізуші, «Кәмпит-Ханшайым».
Ертеңгілік өткізуге қажетті құрал-жабдықтар: Безендірілген әсем зал, гүлдер, құмыра, сыйлықтар, әсем әндер жазылған үнтаспа, т.б 
Ертеңгіліктің барысы: 
Тәрбиеші: - Құрметті аналар, әжелер сіздерді әйел жанымен байланысты тамаша көктем мерекесі – 8 Наурызбен шын жүректен құттықтаймыз! Алғашқы көктем мерекесі Жер бетіне өмір сыйлаушы нәзік, ақылды, сымбатты, мейірімді жандарға арналғаны қандай тамаша мереке! Ана бұл аяулы да мейірімді жан. Олай болса, бүгінгі аналарға, әжелерімізге арналған «Балапан» тобының бүлдіршіндерінің «Ана - аса қымбат жан!» атты ертеңгілігіне қош келдіңіздер! «Балапан» тобының кішкентай бүлдіршіндерімізді қарсы алайық.
Барлық балалар хормен: Құттықтаймыз анашым, 8 - ші Наурызбен!
Тәрбиеші: 
Той пердесін ашайық, 
Тойға шашу шашайық. 
Аналарды құрметтеп, 
Ән маржанын шашайық. Бүгін балалар көктем мерекесі болып жатыр.Бізге көктем аруы қонаққа келмекші. Кәне бәріміз қошеметпен, көктем аруын шақырайық.

Көктем аруы: Сәлеметсіңдерме, балалар! Мен көңілді көктеммін, жылда келіп кетемін, суын ашып бұлақтың, түбіне тал егемін. Құрметті ақ жаулықты әжелер, аяулы аналар, сұлу кішкентай аруларымыз көктемнің шуақты күніндей мерекелеріңіз құтты болсын. Мерекелеріңіз мерекеге ұлассын. Сіздер бүгін 8-наурыз мерекесін тойлап жатырсыңдар ма?

Тәрбиеші: Иә, көктем аруы. Бүгін біз өте қуанышты көңіл күймен мерекені тойлап жатырмыз. Сіз қонақ болып, біздің кішкентай бүлдіршіндеріміздің өнерлерін тамашалыңыз.

Көктем аруы: Рахмет. Мен балалардың өнерлерін тамашалап көрейін.
Тәрбиеші: Бала, бала, бала – деп,

Түнде шошып оянған.

Түн ұйқысын төрт бөліп,

Түнде бесік таянған.

Ана сенің құрметіңе

Мен әсем ән айтам-деп балалардың орындауында ән:«Топ-топ балақан».
Тәрбиеші: - «Ананың әрбір сөзі жылылыққа толы. Ананың көз нұры тастай мұзы да жібітеді»- демекші, балаларымыздың аналарына арнаған тақпақтарын қабыл алыңыздар!

Тақпақ

Тәрбиеші: Анам болса қасымда
Басқа бақыт не керек.
Анашымның жүрегі,

Мейірімді ғой керемет-деп аналарымыздың көңіл-күйін көтеру үшін аналармен ойын ойнайық. «Ана мейірімі» ойыны.

Шарты: Ойынға 4 анамыз шықсын. Өз балаларыңызға бір қадам жасап, мейірімді жақсы бір тілектер айту. Мысалы: күнім, алтыным, айым т.б.

Тәрбиеші:
Аналар ақ тілекті, сөз көп дейін, 
Жылытар жүрегіңді көз көп дейін
Аналар ақ жаулықты бұл сіздерге 
Қол соғып қарсы алайық қыздардың «Балапан биін».

Өсірген мені аялап,

Арқа тұтқан панамсың.

Жаныңда жүрдім саялап,

Ардақты, асыл анамсың-деп ұлдар аналарымен ойынға шықсын. Ойын аты: «Анаммен бірге».

Шарты: 2 ұл бала анасымен шығады. Ұлдар орамалды алып, аналарына жылдам беріп, көмектесулері керек. Жіпке кім бірінші кір қыстырғышпен орамалды тез және әдемі іледі.Сол ана женімпаз болады.

Тәрбиеші: Көктемде көңілді,
Құстар кеп жатқанда.

Құлпыртып өңірді,

Гүл ектік бақтарға-деп бүлдіршіндеріміздің «Біз өмірдің сәніміз» әндерін қабыл алыңыздар.

Біз доспыз гүлдермен,

Текке оны жұлмаймыз.

Той күні бір-бірлеп,

Аналарға сыйлаймыз-деп аналарымызбен «Нарядная мама» ойынын ойнайық.

Шарты: Ойынға 7 анамыз шығады. Музыка ойнаған кезде үстелден айналып билеп, бір затты алып кию керек. Затты ала алмаған анамыз ойыннан шығып отырады.

Тәрбиеші: Балалар көктем аруының кетуі керек. Көктем аруымен қоштасайық балалар.

Көктем аруы: Ал балалар мерекелерің мерекеге ұлассын. Қандай өнерлі екенсіңдер, қандай әдемісіңдер, ару қыздарымыз шуақты болып жүре беріңдер. Мен енді мына гүл шоқтарын басқа да балабақшаларға апарып, көктемнің жылуын сол жерге де шашуым керек. Мен сендермен қоштасамын. Сау болыңдар.

Тәрбиеші: 
Мерекені қарсы алып, 
Мәз болғанда барша жұрт, 
Гүл ұсынып қыздарға, 
Сыйлық бердім мен өзім - дей отырып қыздарға арналған сыйлығымызды табыс етуге рұқсат етіңіздер. (Ұлдар қыздарға сыйлықтарын табыс етеді) 
Тәрбиеші: 
Бөбегіңнің сыйлығын,
Қабыл алшы анашым
Ұзақ өмір жүз жасап 
Ауырмашы анашым!
Бәріміздің де анамыз бар, әжеміз, әпкеміз бар, қарындастарымыз бар. Жылына бір рет келетін осы аналар мейрамында аналарымызға қандай сыйлық жасасақ та жарасымды. Өйткені, бізді өмірге алып келген, бізге әлемнің жарығын сыйлаған - анамыз емес пе? Олай болса, әр баланың өзі дайындаған аналарына сыйлықтары бар екен, соны табыс етсін!
Аналар, қалқып бақыт аралында, 
Лайым мұң қонбасын жанарыңа
Осымен кешімізді аяқтайық 
Гүл бітсін бәріңіздің қадамыңа – дей отырып бүгінгі «Ана – аса қымбат жан!» атты ертеңгілігіміз аяқталды. Ардақты аналар мейрамдарыңыз құтты болсын! Сау саламатта болыңыздар! 

МҚКК «Айналайын» балабақшасы

Тақырыбы: «Ана – аса қымбатты жан» 

Дайындаған: Адылханова Г.М.

Аққу 2018 оқу жылы

МҚКК «Айналайын» балабақша

басшысы Г.Ж.Койтанова _______

ІІ кіші тобының балалар тізімі 2018 жыл

15-қыз бала

10 -ұл бала