Көңілді әуенмен балалар залға кіреді. Орындарына отырады.

Жүргізуші: Қош келдіңіздер! Аяулы әжелер, аналар,қызғалдақты қыздар,қадірлі тәрбиешілер. Бүгінгі көктем шуағындай сезімнің нұры

8 наурыз Халықаралы әйелдер мерекесімен құттықтаймыз!

Балалар сендер бүгін сәнді киініп әдемі болып кетіпсіңдер!

Бүгін 8-наурыз халықаралық аналар, әжелердің мейрамы.

Жүргізуші:Олай болса бүгінгі мерекеге арналған құттықтау сөзін балабақшасының меңгерушісі Иманова Г. Қ беріледі.

Жүргізуші:Ендеше ертеңгіліміз ашық деп жарялаймын

Жүргізуші: Барша ана құтты болсын мерекеңіз,
Әрқашан ана сізбен берекеміз.
Ақтасақ ақ сүтіңді, асыл анам,
Сонда біз кісілікке теңесеміз,

-дей отырып, әжемізді шақырамыз!

(муызка қосалады, әже кіреді.)

Әже: Мерекеде жақындап қалды. Мүмкін немерелерім келіп қалар. Бауырсақ дайындайын.. Олар қатты жақсы көреді, айналайындар.

(бір сәтте бауырсақ секіріп шығады.)

Бауырсақ: Сәлеметсіңдер ме, ақ әже, балалар, қонақтар! Мен бәрін естідім. Бәріңіз қонақтарды және көктемді Аруды күтіп отырсыздар. Мен өте қуаныштымын. Көңілді мереке болады екен. Ендеше мен тезірек көктем аруын тауып осында жеткізейін.

Жүргізуші: Сәлеметсіз бе Бауырсақ қош келдіңіз!

Әже: Тұра тұр бауырсақ! Сен ыстықсың терезенің алдына қояйын. Әлі ыстықсын.

Сені суыту керек.

Бауырсақ: мен көңілді бауырсақ,

Әжем мені пісірген

Терезеден секіріп,

Көктемді іздеп келем мен

Қоян: Амансың ба, Бауырсақ! Мен сені жеп қоям, мммм иісің қандай тәтті-ақ Бауырсақ: жо-жоқ, мені жемеші, мен көктемді іздеп бара жатырмын...

Қоян: жеймін дегесін, жеймін.қарным ашып тұр.

Жүргізуші:Қоян бауырсақты жемеңізші балалар Тақпақ айтып берсін!

Бауырсақ: енді не істеймін балалар?

Жүргізуші: Уайымдама бауырсақ біздің балалар сізге көмектеседі.

Жүргізуші: Аспандағы айымсың

Бақытыма балаған

Құтты болсын мерекең

Айналайын жан анам- деп балалар біздер қазір мерекеге арналған тақпақтарымызды айтып берейік.

Алтынай

Ана біздің күніміз

Ана біздің гүліміз

Балаларды қуантып,

Ұзақ өмір сүріңіз.

Аянат

Келді көктем күнің,

Күлімдейді гүлің.

Алтын ойлы анам,

Мерекеңіз бүгін.

Муслим

Болсын дейді балалар

Бақытты өмір, береке

Әжелер мен аналар,

Құтты болсын мереке!

Омар

Айтсаң болды тіл алам,

Әйбат мамам әй мамам.

Сені көрсем қуанам

Сен керексің қашанда.

Жүргізуші:Мерекеміз тез келді.
Балалар да мәз болып,

Қуантады біздерді,

Аналардың жүздері –деп

«Анашым» әні

ӘН:«Анашым»

Жүргізуші: Мерекеге арналады бүгін билер ,

Көтерілсін канекей,көңіл күйлер келесі кезекте -деп «Полька» биі

«Полька» биі : Муслим- Аделя, Аслан- Алтынай ,Әлім- Мелисса, Сава- Нарқыз, Абдулах- Гүлнүр Абдірахман- Амина , Ерасыл

Қоян:Тақпақтарың жақсы екен, жарайды бара ғой.

Бауырсақ: рақмет, балалар!

мен көңілді бауырсақ, Әжем мені пісірген

Терезеден секіріп,Көктемді іздеп келем мен.

Түлкі:ой, бауырсақ, салем! Мен сені жеп қоям өзің қандай әдемісің, жұпжұмсақсың, иісің сондай тәтті ақ!

Бауырсақ: Жоқ, мені жеуге болмайды. Мен көктемді іздеп жүрмін.Көктемді тауып жеткізеуім керек.

Түлкі:ой, бауырсақ,шыдай алмай тұрмын, жегім кеп тұр...

Жүргізуші: Түлкі жан сіз біздің балалардың өнерін тамашалаңыз. Егерде ұнаса бауырсақты жемеңіз ол бізге көмектеспекші.

Түлкі: Жарайды тыңдап көрейін.

Жүргізуші: Менің әжем, бұл әже

Айтқан сөзі дәл әжем

Аман болса көреді

Қызығымды әлі әже деп кезегімізді әжемізге арналған тақпақтарға берейік!

Тақпақтар

Амина

Әжем менің әйбат,

Ешкім оған жетпейді.

Күні бойы бірге ойнап,

Жанымнан бір кетпеіді.

Марғұлан

Аналарды сүйеміз,

Сөзін ойға түйеміз.

Әжені де ардақтап,

Әдеппен бас иеміз.

Жүргізуші: Таусылмайтын өлеңі,

Күнде айтып береді.

Барған сайын бір жақтан,

Кәмпит алып береді .-деп келесі кезекте әжемізге арналған «Жақсы көрем әжемді» хор (балалар жартылай шеңбер құрады)

Ән:«Жақсы көрем әжемді» хор

Жүргізуші: Ән саламыз би билеп

Жырдан шашу төгілді

Бүгін бізде мереке

Қандай қызық көңілді деп ортада «Көмекшілер» биі

Би Көмекшілер: Омар, Алдияр, Ахмед,Ибахим, Марғұлан, Ерасыл, Арлан, Абдулах

Келесі кезекте Аслан мен Аделяның орындауында Әже әніне береміз!

Ән :Әже

Түлкі: Рақмет, балалар! Бауырсақ бара ғой мен саған тимеймін. Бауырсақ: рақмет, балалар сендер болмағанда мен не істер едім?! Тезірек көктемді тауып әкелейін.

Көктем: Сәлеметсіңдер ме, қонақтар! Айнала қандай тамаша! Балалар бүгін бәрін әдемі киініп алыпсыңдарғой. Міне мен сендерге асыға жеттім. Мен сендерге асыға жеттім. Көктем мерекелеріңіз құтты болсын.

Жүргізуші: Сәлеметсіз бе Көктем қош келдіңіз!

Сәлембердім нәзік,сұлу қыздарға!

Сәлембердік ер жүрек бар ұлдарға

Кездесуге асықтым мен сіздермен

Биленсін би, айтылсын ән бұл залда

Мен көктеммін

Мерекемен құттықтағым келеді.

Ақ әжелер, аяулы бар аналар!

Мерекеміз құтты болсын балалар!

Жүргізуші: Рахмет !көктем біз сізді көргенімізге қуаныштымыз. Сізге біздің балалар «Көктем » әнін арнап берсін.

Ән: Көктем

Жүргізуші:

Қазақ қызы әдепті де әдемі.

Қазақ қызы –ақылына көркі сай,

Тұнып тұрған сұлулықтың әлемідеп ортаға қыздарымызды « Қуыршақтар» биімен шақырамын!

Би: Қуыршақтар

Аянат, Қарлығаш,Айлин,Ханшайым,Амина Гүлнұр

Көктем:Өнерлі балалар, екенсіңдер, рақмет! Балалар мен сендермен ойын ойнағым келеді.

Жүргізуші:Өлеңде әзір, ән де әзір
                   Ойын да әзір – бәрі әзір келесі кезекті ойынға берейік!
Ойын: « Анамызға көмектесеміз »

Жарайсыңдар балалар енді менде сендер сияқты балаларға қонаққа баруым керек сау болыңдар.

Жүргізуші: Көктем , Бауырсақ, Түлкі бәріңізге көп рақмет.

Шуақты көктем келді гүлін алып,

Көктемнің мерекесі бүгін анық.
Өмірдің көктемі де, гүлі аналар,

Ана деп бас иеді бүкіл халық- дей келе мерекеміз аяқтаймыз!

Бүгінгі мерекенің өтуіне атсалысқан ата-аналар мен әріптестеріме мың алғыс. Көріп тамашалағандарыңызға рахмет. Мерекелеріңіз құтты болсын, Келесі көктем мерекесіне аман жетейік,көріскенше күн жақсы болсын!