Ана – өмірдің шуағы

1-Жүргізуші:

Армысыздар, аяулы аналар!

2-Жүргізуші:

Армысыздар, асыл әжелер!

1-Жүргізуші:

Армысыздар, апай, сіңлілер!

2-Жүргізуші:

Армысыздар, құрбы- құрдастар!

1- жүргізуші:

Өмірдің иесі сен, ғазиз Ана,

Келтірген дүниеге нелер дана,

Анасыз батыр да жоқ, ақын да жоқ,

Өмірдің алтын кілті сенде ғана –

дегендей Ана деген –дүниенің алтын кілті, әрбір адамның жарық дүниедегі ең жақын жанашыры, қадірлісі, қамқоршысы.

2- жүргізуші:

Ана ақ сүтін беріп аялаған, жанын да аямай, түн ұйқысын төрт бөлген ардақты да, асыл адам. «Ана» - үш әріптен тұратын жалғыз ғана сөз. Дегенмен, осы үш әріптің астарында қаншама ой, қаншама толғаныс, қаншама асыл сөздер жатыр десеңізші...

1- жүргізуші:

Ана – ешбір алтынмен де, күміспен де, тіпті әлемнің ешбір байлығымен алмастыруға келмейтін асыл да қасиетті ұғым.

2- жүргізуші:

Адам бойындағы барлық жақсы қасиет күннің нұрынан, ананың сүтінен таралған. Сондықтан құрметті аяулы асыл аналар, қадірлі Ұстаз - аналар, ару қыздар бүгінгі көктемгі күндей жарқырап, гүлдей құлпырған гүл мерекелеріңіз, күн мерекелеріңіз құтты болсын! «Ана – өмірдің шуағы» атты мерекелік кешімізге хош келдіңіздер!

Тұманбай Молдағалив «Ана» - Құдайберген Айбын

1-жүргізуші:Мың бұралып билеген
Аруды кім сүймеген .
Күміс көмей аруларға
Кімдер басын имеген-дей отырып келесі кезекті Арқат Дарияның орындауындағы «Самба» биіне береміз.

2-жүргізуші:

Көңілің Алатаудың ақ қарындай,
Мейрімің күннің шуақ шақтарындай.
Қалайша аяулы ана тына алармын,
Ән болып сағыныштан ақтарылмай,-деп абзал аналарымыздың құрметіне Нұрғожаева Аделяның орындауындағы «Оянғанда түнде » атты әнін қабыл алыңыздар.

Нұржас:Сен мені түнім демей, күнім дейсің,

Шаршатсам, дірілдемей, күлімдейсің,

Балбырап мен ұйқыға кетпейінше,

Анашым, көзіңді сен бір ілмейсің.

Ильянұр:Сенен өскен балалар,

Бақыттылар даналар,

Құттықтаймыз сіздерді

Құрметті әже, аналар!

Ұлан:Тілейсің аман-есен өскенімді,

Сатылап биіктерге көшкенімді.

Адаспай өмір атты дәу кеменің,

Ескегін ер жігіт боп өскенімді.

Құрмаш:Мейірімнен жаралған,

Күн нұрынан нәр алған.

Шуақ болып таралған,

Кім бар жақын анамнан.

Карина:Көзімді ашып өмірге

Алып келген – анашым.

Ақ періште көңілге

Жарық берген – анашым.

Нұрай:Аялы ғой сипаған алақаның анашым,

Еркелейді бір саған балапаның анашым.

Бір өзіңе арнайын тілегімді анашым,

Сен әйтеуір қашанда аман болшы анашым.

Інжу:Мамам менің ақ мамам,

Мен өнерлі жас балаң.

Өлеңге қосып атыңды

Асқақтата ән салам.

Даниэль:Бауыр еті баласын,

Аймалаған аялап.

Ақ көкірек анашым,

Сенсің – мәңгі сая бақ.

Алия: Әлпештеген баласын,

Ана – бақыт, ана – гүл,

Әркім сүйіп өзінің

Мақтан етер анасын.

НұрдаулетБүгін Наурыздың 8-і,

Сұлулықтың негізі,

Әдемі сөз адамның

Аналарға айтар лебізі.

Айбек: Аялаған, әлпештеген,

Ақ сүт берген апатайым.

Сәлем жолдап бүгін саған,

Мерекеңмен құттықтаймын!

1-жүргізуші:Осы айтылғандардың бәрі шындық, бәрі шын, аналар ажалдан күштірек, жапанға бір тоқтамсыз данышпандарды, ақындарды, ерлерді тауып беретін аналар. Барлық жақсылықты себетін де аналар. Ендеше сол аналар алдында бас иелік! 

Хор: «Мама»

2-жүргізуші:  Ана десем сезім билер тым ыстық
Жарасымды адамдарға туыстық.
Бар адамға берсе ананың мейірін,
Орнар еді бар әлемге тыныштық

Би: флешмоб

1-жүргізуші:Аяулысың, ауылымның асылдары,
Жайнасын көңілдердің жасыл бағы.
Сендер үшін ән менен күй, өлең мен би,
Сендер үшін мереке шашулары,- дегендей, алдарыңызда Ерболат Ақбілек пен Рысалы Нұржамалдың орындауындағы «Ертегілер әлемі» атты әнін қабыл алыңыздар!

Нұржас:Құрметті

Дария:Аналар

Айбек:Әжелер

Ильянур:Әпкелер

Нұрдаулет:Қыздар

Нұржамал: сіздерге

Айбын: зор денсаулық

Ақбілек: Мол бақыт

Құрмаш: Қажымас қайрат

Аделя: талмас қанат

Ұлан: риясыз күлкі

Алия:тілейміз

Құрмаш: Сіздерді

Карина: шын

Даниэль: жүректен

Нұрай:мерекелеріңізбен

Інжу: құттықтаймыз

Хор: құттықтаймыз

2-жүргізуші:

Ақ сүті оның өтеусіз жай қала ма?
Борышты оған небір дархан дала да.
Тірлік сеуіп келе жатқан дүниеге,
Ей, адамдар, жол беріңдер анаға!
О, аналар, осындайсың бәрің де,
Осындайсың жасың - дағы, кәрің де.
Сыйынатын болса өмірде құдірет,
Сиыныңдар, ана деген тәңірге.!
Осымен әдеби - музыкалық кешіміз аяқталды. Құрметті қонақтар, ұстаздар.қыздар сіздерді көктем мейрамы – Сегізінші Наурыз мерекесімен құттықтаймыз. Сіздерге бақыт, денсаулық. Шығармашылық табыс тілейміз!