Ана бір қолымен бесікті, бір қолымен әлемді тербетеді

«Ана – бір қолымен бесікті, бір қолымен әлемді тербетеді» атты ашық тәрбие сағатының сценариі.

Мерекелік кештің басты мақсаты: Нәзік жанды аруларымыздың қоғамдағы рөлінің айтарлықтай екендігін дәлелдеп, оларға қуаныш сыйлау. Оқушылардың оларға деген ізгі ниеттерін көрсету.

Кештің көрнекілігі: Елбасы жолдауы, Жолдаудан үзінді жазылған қағаздар, ұлағатты сөздер, суреттер, шар, шақыру билеті, үнтаспа, гүл т.б.

Кештің барысы: Қонақтарды кешке шақыру, оларды қарсы алу, тілек білдіру, өнер көрсету, құттықтау сөздер, қорытынды сөз, жалпы қорытынды жасау. Асылбек Еңсеповтың «Детство» күйі қосылып тұрады. Сахнаға Қыздар әнімен Гаухар мен бишілер шығады.

Жүргізуші.

Арулар, әрбір үйдің шаңырағы

Шырақ боп әрбір үйге жағылады

Арулар тіршілікке күре тамыр

От болып әрбір үйге жағылады.

Армысыздар, аяулы аналар, құрметті ұстаздар, гүлдей құлпырған қыздар! Барлығымыз асыға күткен көктемнің алғашқы күндерімен бірге 8 наурыз Халықаралық әйелдер күні де келіп жетті. Бір қолымен бесікті, екінші қолымен әлемді тербеткен аналар мен нәзік жанды қыздар қауымының төл мерекесі құтты болсын. Олай болса сіздерге деп арнайы ұйымдастырған меркелік тәрбие сағатымызды бастаймыз.

Бүгінгі кешімізде шаттанып, мақтанып, тамсанып өнерімізді демей отырыңыздар.

«Екі ішектің бірін қатты бірін сәл, пәл кем бұра

Нағыз қазақ қазақ емес нағыз қазақ домбыра.Композитор Х.Тастановтың «Би күйі» орындайтын Домбырашылар тобы.

(Музыка ойналып тұрады ортағы өлең оқитын алты жұп)

1.-оқушысы

Армысыздар ақ шашты аналарым Ардақ тұтқан өзіңді бабаларым Бүгінгі мерекеңмен құттықтайды Өсіріп мәпелеген балаларың

2-оқушы Келеміз өзің басқан тек ізбенен Баласын дәретсіз кеп емізбеген Бүгінгі кеш, аналар сіздер үшін Қош келдің шақырамыз төріміз кең

3-оқушы

Қызықты қыздарымның қылықтары Тәрбиені ана берген ұлықтады Кешегі Құртқаның ізіменен Дәстүрін бабамыздың ұмытпады

4-оқушы

Пай, пай, пай сызылған Жібектер –ай Әлиядай батыр ғой жүректері –ай Ер жігітке демеу боп қорған болған Сыбаған екі қолда білектері –ай

5-оқушы

Айман- Шолпан жолымен тату өскен Махаббатты шынайы ғафу еткен Мен қазақтың қызымен мақтанамын Ізгілікті еліне тарту еткен

6-оқушы

Арулар еркектерден көп екенбіз Сендерсіз еркектер біз не етеміз? Аналар сіздер біздің берекеміз Ендеше құтты болсын мерекеңіз.

Сахнаның сыртынан Мұқағали Мақатаевтың «Ана» атты өлеңі оқылады

Ана Сен бақыттысың, Жыламағын! Жай түсіп жатқанда да құламадың Тәңіріңнен мен едім ғой сұрағаның Сондықтан жыламағын, жыламағын! Бармын ғой Тірімін ғой, Қасыңдамын. Өлмеймін, мен өзіңдей асылданмын. Таусылып, өз-өзіңнен шашылмағын, Байырғы берекеңді қашырмағын. Мен сенің қанықпын ғой көз жасыңа Өзім кепіл тот басып, тозбасыма. Екі жыр жазсам саған бірін арнап «Ана» деп жаздым ылғи сөз басына. Тәңірім кеше көрсін кесірімді Аспанға жазсам сенің есіміңді!!! Ана, Сен бақыттысың, тербете бер Құба талдан иілген бесігімді… (Өлең аяқталып болған соң і жүргізуші келіп тұрады).

Сенен өскен балалар, Батырлар мен даналар. Құттықтаймыз мейраммен, Құрметті, жан аналар! (жүргізуші сөзін аяқтай салысымен музыка ойнап тұрады сахнаға әже, ана, ұстаз, әкпе, қарындас кейіпкерлерінің қасында тақпақ айтушылар шығады)

Әжеге арналған тақпақ

Асыл әжем, ғасыр әжем, тауларым қойныңа ап немереңді баурадың Еркелетіп мәпеледің сая боп Әлі есімде сенен тәлім алғаным

Маңдайдағы әр сызықтың жолы бар Сені көрген немеренің бағы бар ертегіңді сенің айтқан әрдайым Немереңіз мәңгі бақи сағынар

Ордамызға менің әжем берекем үйретерің маған әлі көп екен жүзіңізде тек қуаныш орнасын құтты болсын құтты болсын мерекең.

Анаға арнау

Асыл анам ақ сүт беріп өсірдің Тентек болсам мейіріммен кешірдің мәпеледің түн ұйқыңды төрт бөліп киесі бар ана деген есімнің

Қарыздармын ана сенің алдыңда өзің барда жанар менің бағымда О адамдар қадірлеңдер ананы тәубе етіп аналардың барына

Әкпеге арнау

Ардақты да салмақты әкпелерім Өзіңе тек қуаныш ап келемін көктемнің шуағындай жарқырашы Жұлдызды аспандағы ап беремін

Бауырлық сезіміңмен мәпеледің Өзіңе іні болып еркеледім Алланың саған түссе шуақ нұры Бақытқа төбең сенің жеткені еді

Жеңгеге арнау

Су сұрасам сүт берген қайран жеңгем Өзің барда отбасым сайран көрген Ағамыздың түтінін түтететін Ақ пейілді ақ жеңгем қайдан келген Мерекең құтты болсын алтын жеңге Арта берсін әркезде даңқың елге Әулетімнің ұрпағын өсіре бер сақтай білген елімнің салтын жеңге.

Қарындасқа арнау

Қарындасым қарлығашым қылықтым жанарыңнан сенің әркез жыр ұқтым Ибалы да ізетті бол әрдайым Еліміздің ертеңісін мұны ұққын Жүзіңде тек жадырасын қуаныш Жолыңда тек бола берсін жұбаныш Көктемнің тек шуағында жайнашы Бұлбұл құстай армандарға құрақ ұш

Ұстазға арнау

Тәлім берген бойыма ұстаздарым Орындалсын әрдайым ізгі арманың Шәкірттерің әрдайым сені ұмытпай Жүрегімен өзіңе жыр арнады

Жана берсін елімде еңбегіңіз Біздер үшін аз қиындық көрмедіңіз Сенен шықты ғалым да даналарда Демек сіз биіктерге өрледіңіз Бас иіп өтем сізге аяулы ұстаз жана берсін тағы да еңбегіңіз.

----- Музыка ойналады . Көрніс.

Жүргізуші:

Көңілді әзілкештер ойынын тамашалайық

жүргізуші:  Құлақтан кіріп, бойды алар, Әсем ән мен тәтті күй. Көңілге түрлі ой салар, Әнді сүйсең, менше сүй, – деп, Абай атамыз айтқандай ...Рақым Дінмұхамедтің орындауындағы «Анам әкем » әнін қабыл алыңыздар.

жүргізуші:

Талай ренжітсек те, еркелігімізді көтеріп, туған анамыздай маңдайымыздан сипай білген ұстаздарымызға айтар алғысымыз шексіз. Олардың еңбегі ұлан-асыр мұхитпен тең. Сабақтарды әрдайым қызықты өткізіп, ойын ойнататындарыңыз әлі де есімізде. Сол себепті бүгін біз сіздерді ойнатамыз. Ойын: Қағазға алдын ала ерекше қылығы бар 3 ұстаздың және 3 оқушының есімі жазылады. Артынша бұл қағаздар таратылады. Ұстаздар қағазда есімі жазылған оқушыны, ал оқушылар ұстазына пародия салады. Барынша сыпайы жақсы мінездерін салуға тырысу керек.Ұстаздармен ойынымызды бастайық.

Жүргізуші:

Шалқып, тасып әніміз Жадырасын жанымыз, Ана, сені құттықтап, Әндетеміз бәріміз.

Нұрдәулет пен Темірланның орындауында «Ана» атты әнін қол соғып қошеметтеп қарсы алыңыздар

Жүргізуші:

«Суық күнде тоңбады ма деп,

Әлде жолы болмады деп

Жалғызсырап қалмады деп

Мені ойлап қамықпашы мама.» хор анаға хат. Дирижерлайтын сынып жетекшіміз Алма Әлімбекқызы.

Жүргізуші:

Ана десем шешек ашып жанары, Өмірімнің бастау алар ажары. Ана деген тіршілікке пана боп, Әрбір үйде жұлдыз болып жанады, - дей отырып, алғашқы мерекелік құттықтау сөзді тәрбие ісінің меңгерушісі Айтуған ағайға береміз.

Осымен сіздерге арналған мерекелік кешіміз аяқталды. Көңіл қойып тамашалағандарыңызға рахмет.