8 Наурыз – Аналар күніне арналған мерекелік сценарий

Тақырыбы: “Ана – өмір шуағы”

Мақсаты: Оқушыларды аналарды құрметтеуге, сыйлауға тәрбиелеу.

Анаға деген сүйіспеншілікті ән, би, күй арқылы көрсету.

Жүргізушілер:

• Исмаил

• Иманали

I бөлім. Кіріспе

Музыка әуенімен жүргізушілер ортаға шығады.

Иманали:

Қадірлі әжелер,ұстаздар, аяулы аналар мен арулар!

Сіздерді 8 наурыз – Халықаралық әйелдер күнімен шын жүректен құттықтаймыз!

Исмаил:

Армысыздар, қадірлі әжелер,ұстаздар, аяулы аналар мен арулар! Бүгінгі көктемнің шуақты күні құтты болсын!

Иманали:

Олай болса, бүгінгі мерекелік бағдарламамызды бастауға рұқсат етіңіздер!

Исмаил:

Бұл күн – тек көктемнің ғана емес,әжелердің, аналардың, арулардың, мерекесі!

Иманали:

Аналарға арнап барлық жақсы тілектерді айтқымыз келеді.

Исмаил:

Ана – өміріміздің шуағы, мейірімі, жылуы.

II бөлім. Сөз және күй өнері.

Иманали:

Али Имран,Жәңгір,Имран,Аңсар ұлдарыңыз барша Аналарға арнап өлең шумақтарын оқиды.Қабыл алыңыздар!

1.Али Имран:

Аналарды сүйеміз!

Сөзін ойға түйеміз.

Әрқашан біз ардақтап,

Әжеге бас иеміз!

Сенен өскен балалар-

Батырлар мен даналар.

Құттықтаймыз мейраммен

Кұрметті апа, аналар!

2. Жәңгір:

Аяулы ана қымбаттым,
Ұйқыңды бөліп түн қаттың.
Нәрін бердің ақ сүттің,
Құшағында гүл бақтың.

Армандарға жетерміз,
Құстай ұшып кетерміз.
Ыстық құшақ анашым,
Сізді бақытты етерміз!

3.Аңсар:

Анам менің - аялаған ақ гүлім,
Анам менің - бақытым мен шаттығым.
Анашым - деп балаң жырын арнаған,
Неге ғана естімеген тәтті үнін.

Анам менің - өмірдегі тірегім,
Анам менің - кеудемдегі жүрегім.
Егер менің қасымда сен болмасаң,
Бұл өмірде қалай ғана жүремін.

4.Имран:

Әлпештеген анашым,
Сен данасың, дарасың,
Мәпелеген баласын,
Сен – ардақты анасың!

Аман бол, мәңгі анашым,
Сыйлайды сені балашың!
Бақытты болсаң егер де,
Бақытты балаң, анашым!!!

Исмаил:

«Келіншек», «Жастар биі», «Нәр ағаш», «Тепеңкөк» күйлерінен попурри.Орындайтын 3 «Г» сынып оқушылары,жетекшілері:Махамбетова Салтанат Нұрланқызы,Қаирова Нұргүл Сапарғалиқызы

III бөлім. Би және ән өнері.

Исмаил : -Айсұлудың орнындауында ән: «Ана»

Иманали: -3 «Г» сынып ұлдарының орындауында заманауй би: «Ырғақты ұстап ал!»

Исмаил: - 3 «Г» сынып қыздарының орындауында “Гүлдер биі”

Иманали: - Аяна,Айсұлу,Жанбота,Қазына қыздарыңыздың орындауында. « Отан» әні.

Исмаил: -Айкүнімнің орындауында «Аққу» биі.

Иманали: - Айымның орындауында «Өзбек» биі.

ІV бөлім. Исмаил: -“Супер ана” (шеберлік сайысы)

Ойынның шарты:

Ойынға 7 қыз баланың анасы шығу керек.

Сайысымыздың бірінші шарты:

• Жіпке моншақ тізу. Моншақты тізіп білезік жасап қыздарыңыздың білегіне тағасыздар.

Сайысымыздың екінші шарты:

• Орамал байлау үлгісі. Әдемі етіп орамалын тартқан Аналар сыныптың ұлдарымен вальс қимылын жасайды.Ұлдар Аналарды құрметпен орындарына апарып отырғызады.

-Аналарымызды бөліп-жармаймыз.Бұл сайыста барлық Ана жеңіпаз!Аналарымызға бір қол соғып қояйық!

Vбөлім. Қорытынды.

Хор: “Аяулы анашым”

“Жүректен шыққан тілек”(Ішіндегі тілек жазылған стикері бар жүрек шарларын Аналарына табыстайды).

Иманали:

Күндеріңіз толсын гүлге, желекке,

Отбасында болсын ырыс-береке.

Құттықтаймыз шын жүректен сіздерді,

Өмір-думан, бақ әкелсін мереке! 

-Баршаңызға үлкен рақмет! Аналарымыз әрдайым аман болсын!

Исмаил:

Демеңіз біз өнерді аяп қалды,
Мезгіл де біраз жерге таяп қалды.
Аман-сау болып тұрыңыз көріскенше, Осымен біздің мерекелік бағдарламамыз аяқталды.

-Ұлдар мерекесінде кездескенше сау болыңыздар!Біз сіздерді дәл осы жерде тұп-тура 2 айдан соң күтеміз! Қоштаспаймыз!Көріскенше сау болыңыздар!,-дейміз.