ЖШС «Кішкентай данышпан» бөбекжай-балабақшасы

Бекітемін:

«Кішкентай данышпан» б/б-ның

меңгерушісі: У.К.Ешенкулова

Тақырыбы:

«Ана - өмірдің шуағы!»

«Жұлдыз» мад тобы

Тәрбиеші: Қалдыбаева А.Ж

2025-2026 оқу жылы

Сценарий тақырыбы: «Ана – өмірдің шуағы!»

Өткен күні: 06.03.2026ж

Бала саны: 26

Мақсаты:

• мерекелік көңіл-күйін құру;

• ән және қозғалыс орындаушылық дағдыларын қалыптастыру;

• балалардың назарын жалпы әрекетте қатысу тілегін қалыптастыруға эмоциялық қабылдауын ынталандыру;

• өзінің жақын адамдарын қуанта білуге, мейірімділікке тәрбиелеу.

Тәрбиеші:

Сәлеметсіздер ме құрметті қонақтар! Көңілдеріңізге көктем шуағындай сезім мен нұр құйып сегізінші наурыз Халықаралық әйелдер мерекесі келіп жетті. Өйткені аналарға ыстық сезім, алғыс пен құрмет ешқашан сөнген емес. Аналар, әріптестер мерекелеріңіз құтты болсын.

Ана дейміз бәрімізде аңқылдап,

Ана дейді жас сәби де жарқылдап

Ана деген бәйтерегі өмірдің

Ана деген алтын қазық, алтын бақ.

Бүгінгі «Жұлдыз» мад тобының «Ана-өмірдің шуағы» атты ертеңгілігімізге қош келдіңіздер!Ендеше ертеңгілігімізді сіздердің қошеметтеріңізбен бастасақ! Қабыл алыңыздар!

Залға қолында сыпырғысы бар үй жинап жүрген жеңге кіреді.

Қандай керемет. Көктем мезгілі де келіп жетті.(Қалтасынан телефонда алып,интернетке кіріп көңілі түсіп кетеді)Менің барлық дос қыздарым мерекеде шет елде қыдырып жүр, жоқ дегендері концерттерде жүр.Ал мен болсам үйде үй жинапппп жүрмын.ееее

Осы кезде залға жас бала жүгіріп келеді.

Бала: Жеңге, жеңге менің көйлегім қайда? Жеңге сізге не болған? Көңіл күйіңіз жоқ қой

Жеңгесі: Ия ерке бала! Бүгін мерекеде барлығы қыдырып, ел аралап жүр. Ал мен сол үйдееее

Бала: Жеңге көңіліңізді түсірмеңіз.Жүріңіз одан да бақшада менің ертеңгілігімді тамашалап қайтыңыз.

Жеңге: Шынымен ба? Әрине барамын

Жеңгесін алып бақшаға келеді.Орнына отырғызып қояды.

Залда әсем әуен ойнап, жігіттер залға гүлдерін алып кіреді.Қыздар залға кіріп, балалармен билеп, орындарына отырады.

Жүргізуші:

Сәлем – сөздің патшасы,
Әдептің асыл арнасы.

Балалар ең бірінші аналарымызбен, қонақтарымызбен сәлемдесіп алайықшы!

Балалар: Сәлеметсіз бе?!

Жүргізуші: Жарайсыңдар!

Балалар қазір далада қандай жыл мезгілі басталып жатыр?

Балалар: Көктем.Айлары Наурыз,сәуір, мамыр

Жүргізуші: Өте тамаша. Ендеше сол аналарымызға Наурыз туралы ән айтып берсек қалай қарайсыңдар?

Ән. «Наурыз Көктем»

Жүргізуші:Балалар қалай ойлайсындар бүгін қандай мереке?

Балалар ең асыл жан кім?\Ана\

Қызығыңда,бұзығында көтеретін кім? \Ана\

Үнемі жанында періштедей қорғаштап,демеу беретін кім? \Ана\

Сонымен бүгін қандай мейрам? \Аналар\

Осындай үлкен мейрамында аналардың жүзіне кішкене болса да қуаныш сыйлағымыз келе ме? \ Иә \

Барлық балалар хормен:

Құттықтаймыз анашым, 8 — ші Наурызбен

Жүргізуші:

 Сенің анаң қандай?

 Анаңды неге жақсы көресің?

 Анаң саған қандай тамақ жасап береді?

 Сен анаңды неге жақсы көресің?

 Анаң сені неге қуантады?

Анамызды неге теңейміз? .

 Анамызды күнге теңейміз, өйткені ол үйімізді жарыққа толтырады.

 Анамызды гүлге теңейміз, өйткені ол өмірімізді әдемі етеді.

 Анамызды құтқарушыға теңейміз, өйткені ол әрқашан біздің жанымызда болады.

 Анамызды жақсылық көзіне теңейміз, өйткені ол бәрін жақсы көреді және қамқорлық жасайды.

Анамызды алтынға теңейміз, өйткені ол бізге мейірім мен жылу береді

Ендеше бәріміз орынымыздан тұрып аналарға арнап ән айтамыз.

Ән: «Сенің анаң алтын» Хор

Жүргізуші:

Мерекеге арналады бүгін билер ,

Көтерілсін канекей,көңіл күйлер

Алдарыңызға қазір ұлдар биі.

Қол соғып демеу берер көрермендер

Би « Джентельмен»

Жүргізуші:

Ақ анашым, әппағым.

Өзің жайлы тақпағым.

Арналады сіздерге.

Бар баланың тақпағы.-дей отыра сіздерге арналған тақпақтарын қабыл алыныздар!

Нұрдәулет:

Жылылықтан жаралған
Құшағы оның таң мекен
Менің айдай анамнан 
Асқан сұлу бар мекен.

Рамазан:

Ана дейміз бәріміз де аңқылдап,
Ана дейді жас сәби де жарқылдап.
Ана деген – бәйтерегі өмірдің,
Ана деген – алтын қазық, алтын бақ.

Дінмұхамед:

Бар ана туған жердің гүлі дер ем,
Анажан, қайғың болса күңіренем.
Таусылмас тау туындай ақылың бар.
Сен барда менің әрбір күнім өлең.

Демеу:

Айналайын, анашым,
Көкте нұр боп жанасың.
Ет жүрегің елжіреп,
Құшағыңа аласың.

Ибрахим:

Айналайын, анашым,
Аялайсың, бағасың.
Менің үшін не керек –
Бәрін іздеп табасың

Хантөре:

Мәпелейсің мені анам,
Қолыңдағы құсыңдай.
Құлпыра өсіп дем алам.
Құшағыңда қысылмай.
Әл-Фараби:

Ана десем – шешек атып жанары
Өмірімнің бастау алар жаңа әні
Ана деген тіршілікте пана боп
Әрбір үйде жұлдыз болып жанады.

Алинұр:

Әлемдегі ақылды адам,
Бәрінен сол жақын маған!
Ол жанымда жүрсе ,мен де,
Батырларша батылданам

Саяхатшы кіреді

Сәлеметсіздер ме!
Мен жер шарын аралап жүрген саяхатшымын! Есімім Антониооо! Мына көлігіме мініп алып,жер шарын аралаппп келеемін. Мен қандай елге тап болдым?

? Жүргізуші:

Сіз Қазақстан еліне келдіңіз!Шымкент қаласына келдіңіз!
Бүгін біз үшін ең асыл да ардақты жан — Аналар мерекесі!Бақшамызда осы мерекені атап өтіп жатырмыз!Егер уақытыңыз болса ертеңгілігіміздің қонағы болыңыз! Әр елде болғанмын деп жатырсыз ғой, сол елдердің өнерлері туралы айта отырыңыз!

? Саяхатшы:

Ой, қандай керемет!
Қанша Әлемді араласам да, анамның жылы мейірлі үйінен жайлы жер жоқ екенін білемін!
Ал балалар аналарға қалай сый-құрмет көрсетесіздер?

Балалар:
Ән айтамыз! Би билейміз! Тақпақ айтамыз!

Саяхатшы:

Ай қайдаммм

Сендер кішкентай сияқтысыңдар. Қолдарыңнан келеді ме?

Балалар: ия

Саяхатшы:
Мен 5-6 ай бұрын көңілді елге бардым. Ол жақта бәрі «Кукарелла» деген биді билейді екен.Маған қатты ұнады.Сол елге қайта барсам ғой шіркін.

Жүргізуші: Антонио мырза біздің қыздарымызды

кішкентай деп жатқан едіңіз ғой,ендеше өнерін тамашалаңыз. Бұл қыздарымыз кішкентай болса да Кукарелла биін тамаша билейді. Қабыл алыңыздар!

? Би: «Кукарелла»

Айлин:

Дүниедегі ең ардақты асыл жан,
Анам менің мәпелеген жасымнан
Мен қуансам қуанады ол бірге
Мен қиналсам табылады қасымнан.
Маған қымбат жан жоқ сірә анадан,
Бар жақсылық аналардан тараған
Жер бетіне өмір нәрін себуші
Ана алдында борышты ғой бар адам.

Раяна:

Ана деген – асыл жандар болаттай,
Ана десең –мөлдір жандар бұлақтай
О, адамдар, қадірлей біл Ананы,
Жат қылыққа ақыл-ойды тонатпай

Айкөркем:

Аялы қолды талпынтқан,
Қаймақты сүттей қалқытқан;
Суық болса жөргегін,
Қорғасындай балқытқан

К.Айым:

Бізді өсіріп баптаған
Жақсы болсам шаттанған
Алтыным деп мақтаған
Айналайын ақ мамам.

Аяла:

Ана біздің күніміз
Ананың біз гүліміз
Бізді ана қуантып
Ұзақ өмір сүріңіз.

Жүргізуші: Жарайсыңдар сұлу қыздар! Келесі кезекті бір ойынға берсек қалай болады.

Саяхатшы: Қандай керемет. Қыздарыңыз шынымен де керемет билейді екен. Ендеше мен сендерге керемет ойын ойнатып жіберейін.

Ойын: «Анамызға жүрек сыйлау»

Шарты: Ортаға столға жүректер қойылады,екі ана екі бала шығады. Аналары орындықта отырады, балалары столдан жүректі алып,аналарына табыстап, бетін сүйіп, қайтадан жүректі тасиды.Қай анада ж.рек көп болса, жеңімпаз сол ана мен бала болады.)

Жүргізуші: Антонио сіз білесіз бе біздің қыздарымыз тағы да керемет заманауи би билеп, аналарын қуантқысы келіп тұр. Тамашалағыңыз келеді ме?

Саяхатшы: Әрине,әрине

(Бірінші өкпеледім әніне билейді)

Саяхатшы: Ұстаз сіздің қыздарыңыз биге қарасам ренжулі сияқты ғой.

Жүргізуші: Ия,ия мен де байқадым.Қыздар сендер ұлдарға ренжиміз деп биімізді ауыстырып алған секілдісіңдер ғой. Қане ендеше аналарымызға,қонағымызға дайындаған биімізді тарту етейік.Қошеметтеп қарсы алыңыздар!

? Би: «Despacito» (заманауи)

Айару:

Әлпештеген баласын,
Ана бақыт, ана күн.
Әркім сүйіп өзінің
Мақтан етер анасын.
Айнамкөз:

Жамандықтан сақтандырып,
Жақсы ісімді мақтан қылып.
Мәпелелеген ақ мамамды,
Жүрсем деймін шаттандырып

Жанайым:

Ана десем сезім билер тым ыстық,
Жарасымды адамдарға туыстық.
Бар адамға берсе ананың мейірін
Орнап еді бар әлемге тыныштық.

Қ.Айым:

. Шуақты көктем келді гүлін алып
Көктемнің мерекесі бүгін анық.
Өмірдің көктемі де, гүлі –Аналар
Ана деп бас иеді күллі халық.
Айнұр:

Анам мені: «Айым» - дейді,
Мен мұңайсам, уайым жейді,
Анам мені: «Күнім» - дейді,
Мен қуансам, күлімдейді.

Айша:

Ана өмірдің қуанышы тірегі
Бала оның жұбанышы жүрегі
Ана алдында ел жауы да бас иген
Олар дайым тыныштықты тіледі.

Мәншүк:

Қайырымды, қасиетті.
Ең ардақты ақ әжем.
Әрбір сөзі өсиетті
Баға жетпес ақ әжем.

Айназым:

Бала, бала, бала деп,
Түнде шошып оянған;
Түн ұйқысын төрт бөліп,
Түнде бесік таянған.

Саяхатшы: Қандай керемет.Маған қатты ұнады.Ендеше сендерге бір ойын ойнатып жіберейін.Бұл жерде ұл балалардың ептілігін, аналарына қалай көмектесетінін байқаймыз.

Ойын: «Гүл сыйлау»

Шарты: 3-4 бала орындықты айналып билейді,музыка тоқтағанда орындықта тұрған бір гүлді алып, ұнаған қызына сыйлайды. Қай бала гүлді алып үлгерсе, сол бала жеңімпаз

Саяхатшы: Қандай керемет. Маған қатты ұнады.Ойбуй мен ел аралаймын деп жүріп және сендердің өнерлеріңді көріп мүлде есімнен шығып кетіпті ғой

Енді қайтсем екен!

Жүргізуші: Нені ұмытып кеттіңіз!Не болып қалды?

Саяхатшы: Менің анашымның туылған күні ғой. Ал мен оны мүлде ұмытып кетіппін.Енді қайтсем екен?

Жүргізуші: Уайымдама Антонио бір шешімін табамыз! ААА Айтпақшы біздің сулу қызымыз керемет ән айта алады. Қазір дамыған заман ғой Мүмкін сол ән арқылы анаңды құттықтасақ қалай болады.

Саяхатшы: Табылған ой болды ғой (Гудок музыкасы керек)

Жүргізуші: Келесі кезекті сұлу қызымыз Зият Жанайым Еркебұланқызына берсек!

Ән. «Құттықтаймын мама!»

Ойын: « Үй жинау» (жерге 4 шеңбер қоямыз, сол жерге жерде шашылған шарларды сыпырғымен шеңберге салады.)

Жүргізуші:

Аналарды сүйеміз!

Сөзін ойға түйеміз.

Әрқашан біз ардақтап,

Әжеге бас иеміз!

Сенен өскен балалар-

Батырлар мен даналар.

Құттықтаймыз мейраммен

Кұрметті апа, аналар – дей келе аналар келесі кезекті балалардың әсем әндеріне берсек.

Ән: «Милая мама»

Жүргізуші: Жарайсыңдар балалар! Керемет ән орындап шықтыңдар!

Жүргізуші:

Балалар, біз аналарымызға ән айтып, би билеп қуанттық.
Ал енді аналарға арналған ерекше тосын сыйымыз бар.

Бүгінгі мерекеге арнайы кішкентай өнерпаздарымыз керемет заттардан оркестр дайындалды!
Қарсы алыңыздар! Балалар сахнаға шығады.

? Саяхатшы:

Мен әлемді аралағанда үлкен концерттерде болдым.
Бірақ мұндай жүректен шыққан өнерді сирек көрдім.
Сендерде нағыз кішкентай оркестр бар ма?

? Жүргізуші (күлімдеп):Әрине бар!
Біздің балалар тек ән айтып, би билеп қана қоймай, аспапта да ойнай алады.
Қабыл алыңыздар – біздің шағын оркестр!

Оркестр »

? Жүргізуші:

Дұрыс айтасыз, Антонио!
Ана – өмірдің шуағы, тіршіліктің бастауы.
Ендеше, аналарымызға ерекше тартуымыз бар. Қазақ эстрадасында жүрекке жететін әндерімен танымал Серік Ибрагимовтің «Жаяу» әніне арналған әсем биді қабыл алыңыздар!

Би: «Жаяу» (саксафонмен)

Омар:

Аман бол деп балдырған,

Әділдікке баулыған

Жүрегімде баулыған,

Тілегім де мархабат

Анамызға мың алғыс!

Мұхаммедәли:

Анам менің панам ғой

Содан қорған табам ғой

Асықпа анам ертең ақ

Отыл болып жанам ғой

Расул:

Еркелесем күлімдейтін,

Ұрысқаны білінбейтін

Маңдайымнан иіскеп мені

Құлыншағым күнім дейтін

Абдурахман:

Анам менің асыл жан

Құшағы нұр шашылған

Күн секілді күледі

Сипап ылғи басымнан

Бала: Жеңге сізге ертеңгілік ұнап жатыр ма?

Жеңгесі. Жеңгесі сахнаға шығып, қайнысына рақмет айтады. Мен құрбыларым сияқты шет елге шықпадым деп көңілімді түсірген едім, сенің ертеңгілігіңе қатысып, шет елде жүргендей сезімде болдым.Рақмет саған ерке бала керемет сезім сыйлағаның үшін, анаға деген құрметімді арттырғаның үшін.

Саяхатшы:

Жарайсыңдар балалар! Билерің өте тамаша екен. Мына керемет биден балалар әбден шаршаған секілді ғой.

Мен бүгін бір нәрсені түсіндім…
Қанша ел араласам да, ананың мейіріміне жететін байлық жоқ екен.
Сендердің өнерлеріңді көріп,әсіресе мына әннен кейін анама деген сағынышым арта түсті.
Аналарға деген алғыс ешқашан бітпеуі керек!

? Жүргізуші:

Анаға деген алғыс ешқашан сөзбен таусылмайды.
Сондықтан біз бүгінгі кешке ерекше музыкалық тарту жасағымыз келіп тұр.

Құрметті аналар балаларды біздің балабақшаға сеніп тапсырғандарыңыз үшін, әрбір іс-шарада осылай барлығыңыз бірге атсалып, балаларды әдемі киіндіріп бергендеріңіз үшін алғысымыз шексіз. Керемет бақша үшін басшыларымызға, ертеңгілігімізде әрқашан атсалысып жүретін әріптестерге алғысымыз шексіз!Ендеше келесі кезекті алғыс әніне берсек.

Ән: «Алғыс»

Саяхатшы:

Қымбатты балалар, құрметті аналар!
Мен бүгін ерекше елге келдім деп ойлаймын.
Бұл – ананы ардақтайтын, мейірімді, өнерлі балалар тәрбиелеп жатқан Қазақстан елі!

Бүгін сендер маған ең үлкен сабақты үйреттіңдер –
Анаға деген махаббат ешқашан кеш қалмауы керек екен.

Мен енді өз анама асығуым керек.
Оған жылы сөз айтып, құшақтап, «Мен сізді жақсы көремін!» деп айтуым керек.

Сау болыңдар, достар!
Аналарды әрқашан қуанта беріңдер!

Жүргізуші (саяхатшы кеткен соң):

Балалар, саяхатшы дұрыс айтты ма?
Аналарымызды әрқашан құрметтейміз бе?

Балалар: Иәәә!

Ән: «Кішкентай данышпан»

Флешмоб

Жүргізуші:

Тамаша,міне көрдіңіздерме біздің балалар өнерлі әнші, және өсіп жатқан артистер!

Біз сыйлықты дүкенен сатып алмаймыз.

Өз өнерімізді қолымыздан жасаймыз.

Аналар күніне бір-бірден сыйлаймыз!

Бүгінгі мерекеге өздерінің қолдарымен жасаған сыйлықтарын табыс етуге рұқсат етіңіздер. ( балалар гүлдерімен ортаға шығады

Аналар,әжелер біздің ұлдар текқана аналарға емес және қыздарға да сыйлықтар дайындаған,соны табыс етуге рұқсат етіңіздер.

Күндеріңіз толсын гүлге, желекке

Отбасында болсын ырыс-береке

Құттықтаймыз шын жүректен сіздерді

Өмір-думан, бақ әкелсін мереке -дей отыра бүгінгі мерекеге арналған ертеңгілігіміз аяқталды, келіп тамашалағандарыңызға көп рахмет