Ана тілім - айбыным!

Тіл - әр адамның жан дүниесі мен сезімін сипаттайтын, бір-бірімен қарым-қатынас жасайтын құралы. Ана тілі - адамзаттың, отанның тірегі, ел тұғыры. Тіл тірі болса халық та,ұлт та тірі.

Әр адам шыр етіп дүниеге келе салысымен, анасынан еститін мейірімі ана тілінде берілетін болғандықтан, сол тіл ол адамға әрқашан ыстық болады. Әлемдегі небір зұлымдықты тоқтататын да жамандықты жақсылыққа айналдырып отыратын да қызыл тілдің құдіреті. Адамның қанымен берілген, ақ сүтімен сіңген, үнімен әлдиленген тілі - ана тілі болып саналады. Әлем тілдерінің мың алуанын білсең де, өзіңе деген құрметің болса - өз тілінді ұмытпайтының анық. Жазба тілі жоқ болған заманда да адамдар ғасырлар бойы әлем тарихын бір-біріне тіл құдіретімен ауызша таратқан. Тіл-ұлт тірегі, болашақтың діңгегі және көненің көзі. Адам өз тілін ұмыта бастағанда генетикасы да өзгере бастайды екен.

Анам төрт тілде еркін сөйлесе де үйде бізге ана тілімізде сөйлейді, және ана тілімізді құрметтеуді үйретті. Қазағымыздың бай тілімен бізге ұлтымыздың ұлылығын, батыр ата-бабаларымыздың ерліктерін, аңыз әңгімелерді айтып отырады. Қазақ екенімізді және қазақ тілінде сөйлей алатынымызды, ата-бабаларымыздың осыншама бай жер мен қоса осындай бай тілді де мұра етіп кеткенін мақтан етіп айтып отырады. Сондай кездерде осындай дана да батыр халықтың ұрпағы екенімізге інім екеуіміздің іштей мақтанышымыз оянады. Ерліктерімен қоса тіліміздің құдіреттілігінің арқасында халқымыздың көп даналығы қазіргі ұрпаққа баға жетпес мұра болып қалды. Мен орыс мектебінде орыс сыныбында оқысам да ауызекі сойлесу кезінде қазақ тілін қолданамын. Әкем мен інім де қазақ тілінде еркін сөйлейді. Мектеп қабырғасында орысша сөйлегенмен, мектептен тысқары жерде мемлекеттік және ана тіліміз - қазақ тілінде сөйлеуге тырысамын. Негізі менің жеке пікірімше, қазақ қазақпен ана тілімізде сөйлескені дұрыс деп санаймын, сонда ғана ұлт болмысы нығая түседі деп кәміл сенемін. Яғни, біз өз тілімізде сөйлегенде іштей бір үлкен әрі шынайы мақтанышпен, анық және байсалды, марқая сөйлесек, тыңдап немесе естіп тұрған адамдардың тілімізге деген құрметі мен қызығушылығы арта түсетініне сенімдімін. Басқа да шетел азаматтарының, өзіміз құрметтеп тұрған, осындай сыйлы тілді үйренуге деген ниеттері оянып, тілімізде сөйлеушілер көбейер еді. Болашақта ана тілімізде ғылыми және әдеби кітаптар жазуға және аудармалауға ат салыссам деген арманым бар. Ақыл мен тіл бірдей дамыса ғана пенде өз тілін құрметтеп қана қоймай, одан әрі дамытып, оның