Ана тілін құрметтеу - ұранымыз, тарихы мықты елдің – ұланымыз!

Ана тілін құрметтеу - ұранымыз, тарихы мықты елдің – ұланымыз!

(дөңгелек үстел)

Мақсаты: Оқушыларға ана тілінің және мемлекеттік тілдің маңызы туралы түсінік беру

Қазақ халқының тарихы мен қазіргі аренада алатын орнын ашып көрету

Қазақ елінің болашақтағы даму басымдықтарын айқындау

1-жүргізуші. Салеметсіздер ме, құрметті ұстаздар мен оқушылар

2-жүргізуші. Қайырлы күн қадірлі қонақтар , бүгінгі «Ана тілін құрметтеу - ұранымыз, тарихы мықты елдің – ұланымыз!» дөңгелек үстеліне қош келіпсіздер.

1-жүргізуші.

Келе жатқан мәңгіден дара салтым

Мақтанышым, елдігім, парасатым

Сенсіз тілім, теңі жоқ тіршілігім

Өміріме өң беріп жарасатын

2-жүргізуші.

Тарихы бар дастанымдай ерліктің

Дәстүрі бар үлгісіндей елдіктің

Қазақстан – алтын бесік Отаным

Ұлы ордасы татулық пен теңдіктің

Ән: «Жаса Қазағым»

1-жүргізуші.

Тілден өткен інжуді іздемеген

Көрмеген ел қаймығып түзде неден

Бас кеспек болғанымен, тіл кеспек жоқ

Тірлігімнен тілімді үзбе деген

1 сауал. «Үш тұғырлы саясаты - тіл қазақ тілінің мәртебесін түсіре ме?

2-жүргізуші.

Ата бабам жанын күйіп қорғаған

Тәңір қорғап бақ береке орнаған

Қазақстан – тәуелсіз ел сен бүгін,

Ақ тілегін болашаққа арнаған

Видео «Патриот бұл?» 1,50 минут

2 сауал. «Патриот дегеніміз кім, қазіргі таңда патриотизм неге төмендеп жатыр?»

1-жүргізуші.

Мен қазақпын мың өліп мың тірілген

Жөргегімде таныстым мұң тіліммен

Жылағанда жүрегім күн тұтылып

Қуанғанда күлкімнен түн түрілген

Оқушылардың өз шығармашылық өлеңдері Туған жер, Атамекен, Отан, Тіл туралы өлеңдер оқу

2-жүргізуші.

Тілім менің сарқылмас қазынасың

Бір сенімен болмыстың назы басым

Көне тарих сөйлейді өзің болып

Жыр – ғұмыр боп бүгінде жазыласың

3 сауал. «Еліміздің әлем тарихындағы алар орны мен қазақ тілінің болашағы» туралы пікірімізді ортаға салсақ

1-жүргізуші.

Ұлылардың ұрпағымыз кешегі

Ой қалдырған, сөз қалдырған еселі

«Кім көп біледі?» сайысына қатысып

Жалғасы мен жауабын кім шешеді?

Көрермендерге қазақ тарихы мен тіл туралы өзгерістерден бірнеше сұрақтар қойылады

2-жүргізуші.

Елбасымыз Н.Ә,Назарбаев «Өз тарихын білмеген халық, өзін де сыйламайды» деген. Сондықтан әр қайсымыз өз еліміздің тарихы мен тілін әрқашанда жадымызда сақтап, мәңгі етейік.

1-жүргізуші.

Көк аспан түсіндей желбіреп байрағы

Бір мақсат, бір мүдде алдына қойғаны

Көк түрік Отаны бүгінгі қазақтың

Тәуелсіз мәңгілік ел болу арманы – дей келе бүгінгі «Ана тілін құрметтеу - ұранымыз, тарихы мықты елдің – ұланымыз!» дөңгелек үстелімізді аяқтаймыз.

2-жүргізуші. Келесі кездескенше сау саламатта болыңыздар, келгендеріңізге рахмет!