Ана туралы ашық тәрбие сағаты

Тақырыбы: Айналдым, «Ана» деген үш әріптен

Мақсаты: Оқушыларды ананы ардақтай білуге тәрбиелеу. Баланың жан-жақты өз елінің, халқының қамын ойлайтын ,ата-анасын сыйлай білетін азамат тәрбиелеумен қатар ұлттық тәрбиені насихаттау.

Көрнекілігі: интерактивті тақта, түрлі формадағы қима қағаздар, «өмір» ағашы,жүрекше.

Тәрбие сағатының барысы: Ана туралы ролик көрсетіледі.

Жүргізуші:

Бастадым сөзімді «Ана» деп мен,

Себебі анам ғой мені адам еткен

Өмірдің бар асылын бойына жиып,

Дүниенің ардақтысы анам екен.

Армысыздар ауылымның асылдары,

Жайнасын көңіліңнің жасыл бағы

Халықаралық әйелдер күнімен

Құттықтаймыз аналарды осындағы

1908 жылы 8 наурызда өздерінің ауыр жағдайына төзбеген Нью- Йорктегі еңбекші аналар демонстрацияға шықты. Міне, осы оқиғаны есте қалдыру үшін 1910 жыл Копенгагенде өткен аналардың ІІ халқаралық коференциясы 8- наурызды жұмысшылар күні деп белгілеп, оны жыл сайын атап өту туралы шешім қабылдайды. Ал, Ресейде бұл мейрам алғаш рет 1913 жылы тойланды.

Құрметті қонақтар, ұстаздар және оқушылар!

Ананың алдында асқар тау да аласа,

Дүниенің жарық күні анамыз!

Жарық күннен қуат алған саналық,

Ұлы болсаң анаменен данамыз.

Туғаннан құлыным деп аймалаған,

Өзіңнен қымбат адам қайда маған.

Дүниеде аналармен көрікті ғой,

Онсыз бір бұлбұл да сайрамаған.

Жүргізуші

Әркімнің де өмірінде аласы бар,

Аласы бар адамның анасы бар.

Мерекесін құттықтап аналардың

Ән жолдайтын апалардың баласы бар - дей отырып,

Хор «Ана» әнін қабыл алыңыздар.

1- Жүргізуші:

Ана деген асыл жандар болаттай

Ана деген мөлдір жандар бұлақтай

О, адамдар қадірлей біл ананы

Жат қылыққа, ақыл ойды тонатпай

Ана десем сезім билер тым ыстық

Жарасымды адамдарға туыстық

Бар адамға берсе ананың мейірін

Орнар еді бар әлемде тыныштық – дей отырып, бүгін бізде қонақта- мектебіміздің оқу ісі орынбасары Бекбергенова Гулмира апайымызға, анамызға біздің оқушыларымыздың сұрақтарына жауап берсеңіз.

Келген қонақта сұрақтар қойсақ.

1. Мектеп жасында есіңізде қалған қызықты бір оқиғаңызды айтып беріңізші

2. Бала тәрбиелей отырып, еңбек ету дұрыс па?

3. Қызды қырық үйден тыю- дегенді қалай түсінесіз?

4. Болашақ ұрпаққа тілегіңіз?

Жүргізуші

«Ана » туралы бейне роликті қабыл алыңыздар.

Жүргізуші:

Құттықтаймын мейрамыңмен аналар

Әр күлгенің бізге бақыт саналар

Еңбегіңді еш етпейтін өмірде

Елің жұртың , ұл мен қызың бағалар деп басымызды ие отырып,

Сіздердің құрметтеріңізге оқушыларымыздың «Ана туралы» жырын қабыл алыңыздар.

Жүргізуші

Сәулелі сөз сөне ме,

Орны бөлек батаның.

Бізге тәлім өнеге,

Ақ тілеуі ананың.

Әр сөзінің ақырын,

Жақсылыққа тірейді.

Қадап айтып ақылын,

Көпке бақыт тілейді. – дей келе оқушыларымыздың ана туралы көрінісін қабыл алыңыздар

«Ана» туралы көрініс

Жүргізуші

Анам менің – көктегі күнменен тең,

Анам менің – жауқазындай гүлмен тең,

Әлпештеген асыл анам болмаса,

Бұл өмірдің қадірін де білмес ем.

Жүзіңнен бір шаттық көрем анашым,

Мен үшін қуанасың,нұрланасың.

Осы өмірге жеткізген өзің үшін,

Хор: Ана туралы жыр

Жүргізуші:

Аналар қалқып бақыт аралында,

Лайым мұң қонбасын жанарыңа.

Осымен кешімізді аяқтайық,

Гүл бітсін бәріңіздің қадамыңызға,- дей отырып бүгінгі ашық тәрбие сағатымызды аяқтаймыз.

Күннің нұры, шуағы барлығы ананың жүрегінен нәр алған сияқты. Қай қайсымыз болмасын, қайда жүрсек те жүрегіміз ананың аяулы алақанын аңсап тұрады. Сондықтан бәрімізде ананың алдында қарыздармыз, ананың махаббатына алдында бас иеміз.
Осымен сынып тәрбие сағатымыз аяқталды. Шын ниетімізбен алғыз айтамыз.

Ардақты аналар, мейрамдарыңыз құтты болсын!