Ана туралы жыр

Ана туралы жыр

Елдің жайын, бала қамын ойлаған,

Асыл анам өзің жайлы ойланам.

Басыңда ақ шаш, жүзіңді әжім басқан ба?

Осы болды – ау бұл өмірдің сыбағасы сыйлаған.

Отырып сәл деміңді алшы бір сәтке,

Елеңдедің жыласақ та, күлсекте.

Бар өмірін баласына арнаған,

Ана қадірін білші ағатай, білші әпке.

Мінгіздің – ау мойыныңа да арланбай,

Отырмадың бізді айналып толғанбай.

Өзің ұзап кетсең ана жанымнан,

Тіршілік те тоқтап бір сәтке қалғандай.

Алаңдадым, құшақты аңсап аялы,

Кетемізғой, бақты тастап саялы

Жүрегінің титтей ғана бөлшегі үшін

Жолында мәңгі ана алақанын жаяды.

Алматы қаласы Алатау ауданы

№91 жалпы білім беретін мектептің

6 «А» сынып оқушысы Сейлхан Арнұр Дарханұлы