Аналар асыл жандар!

Бекітемін.

Балабақша меңгерушісі:

Исакулова А.У.________

«Аналар асыл жандар»

«Меруерт-Ана» бөбекжай балабақшасы ЖШС

Мектепалды «Жұлдызша» тобы

2025-2026 оқу жылы

Тәрбиеші: Бәкір Талшын

«Аналар асыл жандар»

-Қош келдіңіздер! Аяулы әжелер, аналар, қызғалдақ қыздар, қадірлі тәрбиешілер!
Көңілдеріңізге көктем шуағындай сезім мен нұр құйып сегізінші наурыз Халықаралық әйелдер мерекесі де келіп жетті.Бүгінгі Жұлдызша тобының «8-наурыз – аналар күні» атты ертеңгілікке қош келдіңіздер.Олай болса бүлдіршіндерімізді қошметпен ортаға шақырайық!

(Музыка ырғағымен балалар кезекпен залға билеп кіреді орындарына отырады)

-Балалар қалай ойлайсындар бүгін қандай мереке?

-Жарайсыңдар, ал мен сендерге жұмбақ жасырамын, жауабын табасыңдар ма?

-Ақ қар еріп

Су көбейіп!

Сай салаға толады.

Ағаш басы бүршік атып,

Гүл бәйшешек басады.

Балалары айтындаршы бұл қай кезде болады?\Көктем мезгілінде\

(Көктем келеді)

-Көктем ,қош келдің ,төрлет Көктем! Біз сені көп күттік ! Біздің балалардың көктемнің алғашқы мерекесіне қалай дайындалғандарың тамашала !

-Ақ анашым, әппағым.

Өзің жайлы тақпағым.

Арналады сіздерге.

Бар баланың тақпағы.-дей отыра аналарына арналған тақпақтары қабыл алыныздар!

Әбунасыр: Анамды мен жақсы көрем

Айтқан тілін алып жүрем

Қасымда апам жүргенде

Шаттанып ойнап күлем

Інжу: Бөбегіңнің сыйлығын

Қабыл алшы анашым.

Ұзақ өмір жүз жасап,

Ауырмашы анашым.

Қарақат: Өмір сыйлаған анашым,

Өзіне мен ризамын.

Аяулы менің анашым

Қайда жүрсем де сағынамын.

Аялаған алақаның,

Мандайымнан сипағаның

Мен бақытты баламын.

Өскен соң, бағамын,

Алғысыңды аламын!

Көркем: Әже деген көп шығар

Әжемдей менің жоқ шығар

Мейірімді бұл кісі

Қандай ғажап күлкісі

Әжем ұйықтар алдында

Ертегі айтып береді

Еркелеп ойнап жатқанда

Ылғи ұйықтап қаламын.

Әбілмансұр: Анам менің сүйіктім

Тек өзіңе табынам

Қасымда жүрсең биікпін

Алыстасаң сағынам

Асылжан: Түн ұйқысын төрт бөліп

Әлпештеген анашым

Ырысбек: Құтты болсын ақ анам

Сегізінші науырызың!

Қасымда бол әрқашан

Жансын жарық жұлдызың,

Тілейді бақыт бір саған

Әлпештеген ұл - қызың.

-Бүлдіршіндеріміздің әжелеріне арналған «Ақ әжем» хор әнін қабыл алыңыздар!

-Жарайсыңдар, балалар!

Мерекеге арналады бүгін билер ,

Көтерілсін канекей,көңіл күйлер

Алдарыңызға қазір қыздар биі

Қол соғып демеу берер көрермендер

Би: «Кәмпиттер»

Көктем ханшайымы:

- Қандай тамаша би!Рахмет. Балалар аналарымыздың тырнағына маникюр жасап үйренгілерің келе ме?Олай болса аналарымыздың тырнағына маникюр жасау шеберлік сыныбын өткізейік.

Шарты: ортаға екі бала шығады.Суреттегі аналарымыздың қолының тырнақтарына маникюр жасаймыз.

Сіздерден өскен балалар,
Батырлар мен даналар.
Құттықтаймыз мейраммен,
Құрметті абзал аналар,- дей келе балаларымыздың  сіздерге арналған тақпақтарын тыңдайық.

Айша: Дүниеде ең кемеңгер дананы,

Ана табады, аялайды бағады.

Сол үшінде құдіретіңе бас иіп,

Құрметтейік қасиетті – ананы

Зейнеп: Әжемді жақсы көремін,

Өлең айтып беремін.

Үлкен болып өскенде,

Бәрін алып беремін.

Кербез: Ана біздің күніміз

Ана біздің гүліміз

Аналардан тарайды

Біздің ана тіліміз.

-Жарайсыңдар, балалар. Ал ендеше ұлдарымыздың 8-наурыз мерекесіне арнайы дайындаған «Джентльмен» биімен қарсы алыңыздар!

Ойын: «Күнбағыс» құрастыру

Шарты: Ортағы 2 бала ойынға шығып, күнбағыс күлтелерін құрастырады.

-Бүлдіршіндеріміздің аналарына арналған «Ақ мамам» хор әнімізді қабыл алыңыздар!

-Бүгінгі мерекеге орай бүлдіршіндеріміздің ерекше биімен орта шақырайық. Вальс биін тамашалайық!

-Балабақшамыздың директоры А.Исакуловаға сөз кезегін береміз.

-Құрметті аналар мен әжелер! Сіздерді «Жұлдызша» тобының бүлдіршіндері атынан шын жүректен құттықтаймыз. Аяулы аналарымыз, ардақты әжелеріміз, сүйкімді балаларымыз әрқашан аман болсын

Көңілді музыка ырғағымен балалар топқа қайтады.