Тақырыбы: Аналар мерекесі

Мақсаты: 1.Көктем мезгілінде болатын алғашқы мереке-Аналар мерекесі туралы түсінік беру. 2.Қуанышты,мерекелік көңіл күй арқылы әртүрлі іс-әрекеттерде шығармашылық қабілеттерін дамыту.3.Аналарға құрметпен қарауға тәрбиелеу.

Көрнекіліктер: аналар мерекесіне арналған суреттер.слайд.

Әдіс-тәсілдері:жаттау,көрсету, түсіндіру.әңгімелеу.

Сабақтың барысы: Ұйымдастыру:

1)Балалар шаттық шеңберіне тұрып

Қайырлы күн,жер-ана.
Қайырлы күн,көк-аспан,
Қайырлы күн,апайлар,

Қайырлы күн,достар –деп амандасады.

2.Өткенді қайталау

-Балалар, біз сендермен өткен сабакты есімізге түсірейік.

-Қандай сабақ өттік?

-Көктем мезгілінде неше ай бар?

-Көктем мезгілінде қандай өзгерістер балады?

-Көктем мезгілінде тағы қандай мерекелер болады?

Сергіту жаттығуы: Менің анам мұғалім

Айтқандарын ұғамын.

Мен өскенде анамдай,

Мұғалім боп шығамын.

Жаңа сабақ:

-Балалар бізге бір хат келіпті.Бұл хаттың ішінде не бар екен? Қане қарап көрейік. Балалар бізге жұмбақ келіпті, ендеше жауабын тауып көрейік.

Жақсы бол деп баотаған,

Біз үшін тыным таппаған.

Бар тәттісін сақтаған,

Ол кім екен...............(ана)

-Дұрыс айтасыңдар Анамыз екен

-Ендеше балалар,бүгін біз сендермен аналар мерекесі туралы өтеміз.

Дәптермен жұмыс:Балалар, енді дәптеріміздегі назар аударайық.

Суретте қандай көріністер бейнеленген? Осы суретке қарап әнгіме құрастырайық.

-8-наурыз аналар мерекесінде аналарымызға қандай сыйлықтар сыйлаймыз?

Қандай тілектер айтамыз? Сонын суреттерін саламыз дәптерімізге.

Ойын:Анамызға гүл сыйлау.

1.Адамда екі-екіден бар денені ата?

2.Онға дейін санап және кері санап бер?

3.Ана сөзінде неше әріп бар?

4.Бағдаршамнын неше көзі бар?

5. Ана туралы тақпақтар айтып бер.

-Жарайсыңдар балалар, енді Ғани.Ормановтын жазған өлеңін жаттайық бәріміз.

Біліп тұрсың жан анам,

Мідеті үлкен ботаңның,

Күтері сол баладан.

Ана менен Отанның. Ғ. Орманов.

-Ал енді балалар ана туралы кім қандай таппақтар, мақал мәтелдер біледі,орнымыздан тұрып айтамыз.

Қорытынды: Ана! Ана! Ана! Недеген мейірімді, недеген шапағатты сөз еді.

Үш әріптен құралған қасиетті сөз. Сөздің төркінінде қаншама ұлы сезім жатыр. Сонымен балалар , біз анамызды әрқашан да құрметтеп , қастерлей білуіміз керек. Деп бүгінгі сабағымызды аяқтаймыз.