Аналар мерекесіне сценарий

«АНАМЫЗҒА МЫҢ АЛҒЫС» (ОРТАҢҒЫ ТОП)

Көңілді әуенмен балалар залға кіреді де жарты шеңбер бойымен тұрады.

ТӘРБИЕШІ: - «Бала, бала, бала» деп

Түнде шошып оянған.

Түн ұйқысын төрт бөліп

Түнде бесік таянған.

Бұл кім екен балалар.

БАЛАЛАР: - Ол біздің анамыз!!!

Айтолқын: Үн қатасың бал тілмен.

Еркелеймін әр күн мен.

Құттықтаймын, анашым

Сегізінші наурызбен!

Ырысбек: Әлпештеген, аялаған,

Ақ сүт берген маматайым.

Сәлем жолдап бүгін саған

Мейрамыңмен құттықтаймын.

Маржан: Анам менің панам ғой.

Содан қорған табам ғой.

Асықпа, Анашым.

Отың болып жанам ғой.

Ерсұлтан: Гүл- гүл жайнап бәріміз.

Кіреді біздің сәніміз.

Аналарды тойымен

Бәрі: Құттықтаймыз бәріміз!

ӘН «Айналайын ақ мамам» (орындалады)

Фатима: Жанымызды жайнатқан.

Сіздерсіз ғой Аналар.

Зор денсаулық мол бақыт.

Тілейміз біз балалар!!!

Құрмет: Анашым, жан анам,

Балдан тәтті бал анам.

Өзіңді ардақтап

Құшағыма алам.

Алина: Қабағыма қараған.

Көңілімді таба алған.

Ең жақсысы адамның,

Ол өзімнің, Жан анам.

Мирас: Сегізінші наурызда.

Құттықтаймыз Ананы.

Теңеп оны жұлдызға.

Сый тартамыз бағалы.

ТӘРБИЕШІ: Анаң болса қасыңда

Басқа бақыт не керек.

Аналардың жүрегі

Мейірім ғой керемет.

Қыздарымыз сіздерге арнап «ҮШ АНА» атты көрініс-қойылымды ұсынады.

КӨРІНІС «ҮШ АНА»

Жүргізуші: Ортаға стол қойылып, айнала үш орындық қояды, орындықтың шетін ала стол астында қуыршақ жатыр.

Рамиля – қыз бала

Аяжан – қызметкер ана көрінісімен киінген,

А. Аружан – кемпір киімін киінген.

Жүргізуші: Ойыннан келген Рамиля

Қуыршағын іздеді,

Астынан стол тапты да,

Хал сұрауды көздеді.

Рамиля: Қызым менің қалайсың

Томсырайып қарайсың.

Қарның ашып отырмай,

Тамақ ішсең жарайсың.

Егер тамақ ішпесең.

Қу сүйек боп қаласың.

Отыр қане қасыма,

Тамақтанып аласың. (отырады).

Жүргізуші: Меруерттің осы сәт

Анасы үйге кіреді,

Тағат таппай қызының

Қалын сұрап біледі.

Аяжан: Рамиляжан , бүгін сен

Тамақ ішіп көрдің бе?

Қызықтап әлде ойынды

Кешке дейін жүрдіңбе?

Күнде сағат ұмытпай

Тамағыңды іш деймін,

Тіл алмайсың қырсығып,

Осы сені не істеймін. (отырады).

Жүргізуші: Анасының артынан,

Аптығып әже кіреді.

Ол дағы өз қызының,

Қалын сұрап біледі.

А.Аружан: Айналайын алтыным,

Шаршадың ба, жарқыным?

Ішпедің-ау тамақ та,

Жайын ойлап жалпының.

Қарашығым, қарағым,

Түсіңкі ғой қабағың,

Соткемен тұрып жұмыста

Болмай қалды-ау тамағың....(отырады).

Жүргізуші: Аналардың елжіреп

Ет бауыры барады.

Әрқайсысы сұқтанып.

Өз қызына қарады.

Бәрі-үш ана: Қандай қиын, қараңдаршы,

Қырсық мінез бала болу,

Бәрінен де оңай емес

Білсеңіздер ана болу! (иіледі)

ТӘРБИЕШІ: Көңілдердің хошын ай

Бар баланың досындай.

Болашақ бизнесмендер

Біздің жігіттер осындай.

«ЖІГІТТЕР БИІ» ОРЫНДАЛАДЫ. (ұлдар)

ТӘРБИЕШІ: Таусылмайды өлеңі,

Күнде айтым береді.

Барған кезде бір жаққа

Кәмпит әкеп береді.

Бұл кім екен, балалар?

БАЛАЛАР: -Әжеміз, Апамыз!!!

Айзере: Әжем менің ертегі

Өте жақсы біледі.

Сол ертектің бәрінде

Маған айтып береді.

Иманғали: Менің әжем әлі де .

Ұқсамайды кәріге.

Шәй қайнатып береді

Біздің үйдің бәріне.

Қ.Аружан: Шашымды өріп тараған

Қабағыма қараған.

Үлкен-кіші демейді

Сыйлайды оны бар адам.

Әлия: Мен әжемнің қызымын

Соңындағы ізімін.

Екі етпеймін айтқанын,

Көбейтемін қызығын.

Динара: Менің әжем сымбатты

Әжем маған қымбатты.

Құртпен майын жинайды

Біздерге оны сыйлайды.

Асылжан: Қуанатын балаша

Әжелер неткен тамаша.

Көңіліңді табады,

Бізбен ән де салады.

Ақнұр: Менің әжем, жыр әжем.

Шуағы мол нұр әжем.

Ақ таяққа сүйеніп,

Аман-есен жүр әжем.

Хадиша: Әжелерді ардақтап

Қуанатын күн келді.

Мейрамымен құттықтап,

Ән салайық біз енді.

ӘН «ӘЖЕТАЙЫМ»

ТӘРБИЕШІ: Көктем келді шуақты

Балаларды қуантты.

Алақай-ау, алақай

Құстар сайрап, бақтар жайнап, Гүл атты!

ТӘРБИЕШІ: Көктем, көктем, көктемде

Қырлар гүлге толады.

Көбелек гүлге қонады

Керемет бақта болады.

ВАЛЬС ОЙНАЛЫП, КӨКТЕМ КІРЕДІ, БИ ҚИМЫЛДАРЫН ЖАСАП, ОРТАДА ТҰРАДЫ.

ТӘРБИЕШІ: Көктем, сені күттік біз,

Айнагүл: Көк шалғынды сағындық.

Нұрын төкті көкте күн,

БӘРІ: Хош келіпсің көктемім!

КӨКТЕМ: Ой, балалар, балалар.

Дала қандай тамаша!

Гүл десте біз жасайық,

Кел, ойнайық, жараса!

ОЙЫН: «ГҮЛ КҮЛТЕЛЕРІН ҚҰРАСТЫРУ»

КӨКТЕМ: -Жарайсыңдар, менің кішкентай достарым! Қандай әдемі гүлдер!

Гүлдер нәзік болады.

Қаулап өсіп толады.

Қарамасаң аялап,

Солып қурап қалады.

ТӘРБИЕШІ: Көктем, коктем, көктемде,

Айнагүл: Құстар келіп жеткенде.

Көктеммен бірге жырлайық,

Би билейік, тойлайық!

«КӨҢІЛДІ МАТРЕШКАЛАР» БИІ (қыздар)

Айтолқын, А.Аружан,Рамиля,Фатима,Қ.Аружан,Айзия,Қ.Аяжан,Әлия,Айзере.

ТӘРБИЕШІ: -Балалар, бізге бүгін қонаққа аналарымыз, әже-апаларымыз келіп отыр. Қараңдаршы, аналарымыз, апаларымыз бүгін қандай?

БАЛАЛАР: - Әдемі,сұлу, ақылды. Сүйкімді, мейірімді, әйбәт, батыр, мықты....

КӨКТЕМ: - Олай болса сұлу да әдемі аналарымызға мерекелік сәлем жолдап, әрі қарай жылы лебіздерімізді жалғастырайық.

С. Аяжан: Мен анамды сүйемін,

Құшағына енемін.

Мәпелеген анамды

Қуантсам деп келемін.

Шыңғыс: Мен гүлдерді жұлмаймын

Торғайларды қумаймын.

Айтқан сөзін тыңдаймын,

Анашымды сыйлаймын.

Айзия: «Ботам» деуден танбаған

Айналайын, ақ мамам.

Ұзақ өмір сүргейсіз

Тілерім сол – Алладан.

Сырым: Ана – біздің күніміз

Ана – біздің гүліміз.

Анамыздан тарайды

Біздің ана тіліміз.

Б.Диас: Айналайын, анашым

Әлемдегі жан асыл.

Болса маған не керек

Бәрін іздеп табасың.

Мейіржан: Баланың тірегі

Дананың тірегі.

Шаншымасын ешқашан

Аналардың жүрегі.

Рамазан: ?

А.Аружан: Менің анам тамаша

Еркелетер иіскеп.

Мен өскенде анама

Берем әсем үй істеп.

Мади: Аналарды сүйеміз

Ақылын ойға түйеміз.

Әжелерді ардақтап

Басымызды иеміз!!!

Олжас: Бал бөбегін баптаған .

Анам үшін мақтанам.

Аялаған біздерді.

Көп жасасын ақ анам!!!

Көктем: Жарайсыңдар, балалар! Бәрің әдемі тақпақ-өлеңдер жаттап алыпсыңдар!

Әуен ойналып шарлар ұстаған Карлсон кіреді.

Карлсон: Сәлем, достар! Сәлеметсіздер ме, аналар? Мерекелеріңіз құттыболсын!

Қуан, шаттан, алақай,

Қуанатын күн келді.

Қайырлы таң! Қайырлы күн!

Күліп шықты күн бүгін!

ТӘРБИЕШІ: Хош келдің, Карлсон! Бүгін өзің ерекше көңілдісің ғой!

Карлсон: Кел, балалар, күлейік!

Күлкіменен түлейік!

Қабақ түйіп не керк?

Көңілді боп жүрейік!

Тәрбиеші: Жарайсың, Карлсон!

Карлсон: Балалар, мен анау үйдің шатырында отырып, сендердің көңілді әндеріңді естідім. «Бірге тойлайын»- деп тез-тез, былай- былай (тез қимылдап көрсету) ұшып келдім.

Тәрбиеші: Аналарға қандай тартуың бар?

Карлсон: Қандай тартуың бар дейсің бе? Тарту дейсің бе? Ол тәтті сыйлық па? Балалар, айтып жіберіңдерші, сендердің қандай тартуларың бар?

Тәрбиеші: Мерекені тойлайық

Көңілді біз болайық

Аналармен қуанып

Асыр салып ойнайық.

Карлсон: Алақай! Ойнаймыз! Ойнағанды мен де ұнатамын! Ал мен мынандай қызық ойындарды білемін. Кім батыр? Кім күшті?Шығыңдар ортаға!

ОЙЫНДАР: 1.«Қыздардың есімін білесің бе?» ( бірнеше табандар, гүлдер; ұлдар)

2. «Біздің оркестр» (4 балалар аспаптары; 5 аналармен ойын)

Карлсон: Керемет! Балалар, сендердің аналарың да өздерің секілді епті, өнерлі екен. Жарайсыңдар! Ал енді мен басқа балаларды қуантайын. Ал мен кеттім, ұштым, сау болыңдар!

Балалар: Сау болыңдар!

КӨКТЕМ: Құрметті біздің аналар

Қуанып бізге қараңдар.

Көңілді би билейді

Еркелеген балалар.

«БАШМАҚТАР БИІ» (қыздар, бастарына гүл кию)

Алихан: Жылылықтан жаралған,

Құшағы оның таң мекен.

Менің айдай анамнан,

Асқан сұлу бар ма екен?!

Айару: Мәпелейсің мені анам,

Қолыңдағы құсыңдай.

Құлпыра өсіп демалам,

Құшағыда қысылмай.

Қ.Аяжан : Анам менің, ақ анам.

«Алтыным» деп мақтаған.

Анам барда әрдайым.

Қуанамын, шаттанам.

Ануар: Ойыншықтарды жинаймын.

Бөлмені де шашпаймын .

Келген кезде Анашым .

Таң қ алдырып тастаймын.

А.Диас: Сізден өскен балалар.

Сізден өскен даналар.

Құттықтаймыз мейраммен,

Құрметті біздің Аналар.

БАЛАЛАР БЕЛГІЛЕНГЕН ОРЫНДАРЫНА ТҰРАДЫ

ТӘРБИЕШІ: Аялаған баптаған

Асыраған сақтаған

Сақтандырып күнде еппен

Айтып бәрін үйреткен

Анамызға –

БАЛАЛАР: - Мың алғыс!

ӘН «Ақ мамам» (орындалады).

ТӘРБИЕШІ: Ана деген – бәйтерегі өмірдің

Ана деген – қуанышы көңілдің.

КӨКТЕМ: Ана деген – әрбір үйдің жылуы

Ана деген – асыл жандар болаттай.

ЕКЕУІ: Ана деген – мөлдір жандар бұлақтай .

Тәрбиеші: аяқталуы.